ფოტოგრაფი მარინა კარპი, მომღერალ გიგი დედალამაზიშვილთან ერთად ოჯახურ კადრებს გამომწერებს უზიარებს. ვიდეომ მათი გამომწერების დიდი მოწონება დაიმსახურა.
„ხანდახან არის მომენტი, როცა გინდა, რომ საათი უკან გადაწიო და მთელი სევდა მოიშორო. მაგრამ ისეთი განცდა მაქვს, ასე თუ მოვიქცევი, სიხარულიც გაქრება“, – წერს მარინა კარპი.
მარინა კარპი
მარინა კარპი უკრაინელი ფოტოგრაფია. გიგიმ და მარინამ საკუთარი სიყვარულის ისტორიის შესახებ საჯაროდ არაერთხელ ისაუბრეს. წლების წინ გიგიმ და მისი ჯგუფის წევრებმა სარისკო გადაწყვეტილება მიიღეს, უარი თქვეს სტანდარტულ სამსახურში მუშაობაზე და მუსიკალური კარიერის ასაწყობად უცხო ქვეყანაში წავიდნენ. შრომისა და, რა თქმა უნდა, ცოტა იღბლის წყალობით, ისინი სწორ დროს სწორ ადამიანებს შეხვდნენ და ახალგაზრდა ბიჭებმა ხალხის სიყვარული მალევე მოიპოვეს. ამის პარალელურად, გიგიმ ცხოვრების მთავარი სიყვარულიც სწორედ უკრაინაში იპოვა - იქ გაიცნო მარინა, რომელიც მას საქართველოში გამოჰყვა. მარინა აღნიშნავს, რომ ფოტოგრაფიით მას შემდეგ დაინტერესდა, რაც სკოლა ოქროს მედალზე დაამთავრა, მაგრამ სწავლა არსად გაუგრძელებია. 16 წლიდან მოყოლებული, ფოტოგრაფიის ყველა მნიშვნელოვანი კურსი მოიარა კიევში და შემდგომ 24-საათიანი სამუშაო გრაფიკი ჰქონდა.„16-დან 20 წლამდე ჩემმა ცხოვრებამ ყოველდღიურ გადაღებებში ჩაიარა და უცბად, ბრახ! – მე მას შევხვდი. გიგიმ თავი შემაყვარა, საკუთარი ნებით ჩავხტი ტომარაში და გავფრინდი საქართველოში. 2011 წლიდან ჩემი ცხოვრება ორ ქალაქს – თბილისსა და კიევს შორისაა გადაშლილი. საქართველოში ყველაფერი მიყვარს, იმიტომ, რომ გიგისთანაა კავშირი. ტრადიციები, ხალხი... გიგის მეგობრები უკვე ჩემი მეგობრები არიან. თავს სახლში ვგრძნობ... გიგის ფეთქებადი ხასიათი არ მომწონს, მაგრამ ამის გარეშე არ წარმომიდგენია", - ამბობდა მარინა.