ვაკო ყაზაიშვილმა კარიერა სამშობლოში დაიწყო, 2011 წელს კი ერედივიზიის "ვიტესში" გადავიდა. 2016-2017 წლების სეზონი იჯარით გაატარა ვარშავის "ლეგიაში", სადაც მოიგო ექსტრაკლასი და ითამაშა უეფას ჩემპიონთა ლიგაზე. შემდეგ ის შეუერთდა ფეხბურთის მთავარი ლიგის San Jose Earthquakes-ს, სადაც ოთხი სეზონი გაატარა.
მისი დებიუტი საქართველოს ნაკრებში 2014 წელს შედგა. 2016-2017 წლების სეზონის დასრულების შემდეგ ყაზაიშვილი "ვიტესში" დაბრუნდა, მაგრამ ერთ წელიწადში ამერიკულ გუნდს, "სან ხოსე ერკვეიქსს" შეუერთდა, სადაც 2020 წლამდე დარჩა. 2021 წლის 16 თებერვალს ყაზაიშვილმა კონტრაქტი გააფორმა სამხრეთკორეულ K League 1-ის "ულსან ჰიუნდაისთან", თუმცა გუნდი მალევე დატოვა და 2025 წლის ბოლომდე ჩინეთის სუპერლიგის ვიცე-ჩემპიონ "შანდუნ ტაიშანში" გადავიდა.
ყაზაიშვილი ოზურგეთში დაიბადა, მაგრამ საქართველოს დედაქალაქში გაიზარდა. დედა ქართულის მასწავლებელია, მამა კი - ინჟინერი; ჰყავს უმცროსი ძმა ბექა, რომელიც მასზე თვრამეტი თვით უმცროსია. 2011 წელს ყაზაიშვილმა იქორწინა გვანცა ნიშნიანიძეზე. ოთხ წელიწადში ქალიშვილი ემილია შეეძინათ, მოგვიანებით კი - ვაჟი. 2019 წლის იანვარში ყაზაიშვილმა ამერიკის "მწვანე ბარათი" მიიღო. ვაკო ყაზაიშვილი ახლო მეგობარია გურამ კაშიასი, რომელსაც ის "ვიტესში" თამაშისას შეხვდა.
წლების წინ ყაზაიშვილის მეუღლე გვანცა ფეხბურთელი ქმრის შესახებ იხსენებდა, რომ მათი ოჯახები მეგობრობდნენ.
"მე და ვაკო ერთმანეთს ბავშვობიდან ვიცნობთ. ჩვენი მშობლები მეგობრები იყვნენ და შესაბამისად, ჩვენც ვმეგობრობდით. ფაქტობრივად, ერთად გავიზარდეთ. 17 წლის ასაკში მივხვდით, რომ ერთმანეთი ძალიან მოგვწონდა, შემდეგ ეს ურთიერთობა გაღრმავდა და დავქორწინდით. ვაკოც და მეც - ორივე 19 წლის ვიყავით. შეყვარებულობის პერიოდი დიდხანს ვერ "გავქაჩეთ". ბავშვობიდან მსახიობობაზე ვოცნებობდი. ძალიან მინდოდა, წარმატებული და ცნობილი მსახიობი გავმხდარიყავი, მაგრამ ნაადრევად დაოჯახების გამო ეს ოცნება ვერ ავიხდინე. სამომავლოდ დიდი გეგმები მაქვს. იმედია, მათ განხორციელებას შევძლებ."
ამჯერად ვაკო ყაზაიშვილის მეუღლე ვლოგს გვიზიარებს, სადაც ამბობს, რომ ის შვილებთან ერთად ვაკოს ბაზაზე ცხოვრობს. გვანცა განმარტავს, რომ ფეხბურთელებს აქვთ საკუთარი ბაზა, სადაც ვარჯიშობენ და ცხოვრობენ, ამავე ტერიტორიაზე კი აქვთ ცალკე სახლი.
"გაჩვენებთ, როგორ მივდივართ ვაკოს ვარჯიშზე, როგორ ცხოვრობს ვაკო ბაზაზე და როგორ ვცხოვრობთ ჩვენც ვაკოს ცხოვრებით. ერთად ვიძინებთ, ერთად ვიღვიძებთ, ძალიან საინტერესოა".
<blockquote class="tiktok-embed" cite="https://www.tiktok.com/@gvantsanishnianidze/video/7395145292435295496" data-video-id="7395145292435295496" style="max-width: 605px;min-width: 325px;" > <section> <a target="_blank" title="@gvantsanishnianidze" href="https://www.tiktok.com/@gvantsanishnianidze?refer=embed">@gvantsanishnianidze</a> <p></p> <a target="_blank" title="♬ original sound - Gvantsa nishnianidze" href="https://www.tiktok.com/music/original-sound-7395145337645992721?refer=embed">♬ original sound - Gvantsa nishnianidze</a> </section> </blockquote> <script async src="https://www.tiktok.com/embed.js"></script>