"შოკირებული ვარ, რამდენი მეკითხებით, დავიკელი თუ არა ოზემპიკით" - ანი ფხაკაძის მიმართვა ქალებს - Marao

კომპანია "ვისოლის" მეწილის, ლევან ფხაკაძის უმშვენიერეს ქალიშვილს, 30 წლის ანი ფხაკაძეს, სოციალური ქსელის მომხმარებლები კარგად იცნობენ. მან მენეჯმენტი Glion Institute of Higher Education-ში შეისწავლა, ბიზნესი და მარკეტინგი - George town University-ში. ასევე სწავლობდა Bentley University-სა და ბარსელონას უნივერსიტეტში. ანის ძალიან უყვარს მოგზაურობა და 30 ათასზე მეტ გამომწერს ხშირად უზიარებს ულამაზეს კადრებს.

ანი წლების განმავლობაში ლონდონში ცხოვრობდა. მოგვიანებით ნიუ-იორკში გადავიდა. ამჯერად კი მეუღლესთან ერთად მონაკოში ცხოვრობს. ანამ ცოტა ხნის წინ ამ გადაწყვეტილების შესახებ ვრცლად დაწერა:

"არ არის კონკრეტული მიზეზი, რატომაც გადავწყვიტეთ მონაკოში ცხოვრება. დიდი ხნის მანძილზე ვფიქრობდით, სად გვინდოდა დაფუძნება პატარასთან ერთად და გადავწყვიტეთ მონაკო ცხოვრების ხარისხის გამო. თან სულ მზეა და სულ კარგი ამინდია და ამ არეულ მსოფლიოში ძალიან დაცულად ვგრძნობთ თავს" - აღნიშნა ანიმ.

ანი ფხაკაძის ოჯახი 

ანი ფხაკაძის მეუღლე შვეიცარიელი ამურ დე სადელიერია. ანი და ამური 2021 წელს დაინიშნენ, „დიახ! ერთი სული მაქვს, როდის ვიქორწინებ შენზე“ - წერდა მაშინ ანი, როცა საქმროსგან გულის ფორმის ბრილიანტის ბეჭედი მიიღო. 

2022 წელს კი ანიმ და ამურმა ქორწილი შვედეთში გადაიხადეს. გრანდიოზულ ქორწილს მათი ოჯახის წევრები და მეგობრები დაესწრნენ, კადრები კი სოციალურ ქსელშიც გავრცელდა. 

"ჩემი მეუღლე საერთო მეგობრის საშუალებით იბიცაზე გავიცანი. ჩვენ ერთად 2017 წლიდან ვიყავით და 5 წლის შემდეგ, 2023 წელს ვიქორწინეთ. ის შვეიცარიიდანაა და დიახ, კულტურული სხვაობა ჩვენ შორის არსებობს, თუმცა ნელ-ნელა ვისწავლე, როგორ მივიღო და ვიპოვო საერთო ენა მასთან" - აღნიშნა ანიმ. 

• "ჩემი ზღაპარი" - ანი ფხაკაძე დიდის ამპლუაში: ახალი ფოტოები და ახალი გამოცდილება 
• "რა უნდა ვინატრო ამაზე მეტი?!" - რატომ გადაწყვიტა ანი ფხაკაძემ მონაკოში ცხოვრება, როგორია ის დედის ამპლუაში და ვინ არის მისი შვეიცარიელი მეუღლე 

2023 წლის მაისში ანიმ მეგობრებს სასიხარულო სიახლე ამცნო და დაწერა, რომ ის მალე დედა გახდებოდა. 8 თვის ორსული იყო, როცა 30-ე დაბადების დღეზე კიდევ ერთხელ შეკრიბა საყვარელი ადამიანები და საოცნებო წვეულება მოაწყო: "ეს ნამდვილად ოცნება იყო. 8 თვის ორსული ვიყავი, გარშემო ჩემი საყვარელი ადამიანები მყავდნენ ჩემს საყვარელ ადგილას. მეტი რა უნდა ვინატრო?" - დაწერა ანიმ. 

ანი ფხაკაძის ცხოვრება 

სულ ცოტა ხნის წინ ანი ფხაკაძე და მისი მეუღლე პირველი შვილის მშობლები გახდნენ. ბავშვს ლეონ სტანისლას დე სედლერი დაარქვეს. ორსულობამ და შემდეგ დედობამ, ალბათ, როგორც ყველა სხვა ქალი, ანიც შეცვალა. ამის შესახებ მან ვრცლად ისაუბრა:

"საუკეთესო რამაა, რაც აქამდე მიგრძნია, მგონია, რომ მეც თავიდან დავიბადე. არ ვიცოდი, რომ ასეთი სიყვარული შემეძლო. უძილო ღამეები რთულია, თუმცა, სხვა მხრივ, ეს შესანიშნავი გრძნობაა. ბუნებრივად კვება ვცადე, მაგრამ გამაწამა. 2 კვირის მერე დავანებე თავი, მშობიარობა სანატრელი გამიხდა... ახლა ფორმულას ვიყენებთ.  ჩემი მეუღლე ყველაზე ტკბილი, მოსიყვარულე, მზრუნველი მამაა. საფენებს ჩემზე უკეთ უცვლის. უკეთესს ვერაფერს ვინატრებდი" - წერდა ანი. 

ოჯახური ცხოვრების პარალელურად, ანის წარმატებული კარიერაც აქვს. მრავალწლიანმა გამოცდილებამ ანი საკუთარ ბრენდამდე მიიყვანა, რომელიც დიდი ხნის მეგობართან - დიზაინერ გვანცა (Gwen) სალაყაიასთან ერთად, ორწლიანი კვლევების, სამზადისისა და შრომის შემდეგ შექმნა. 

SENSELF არის ბრენდი, რომელიც დაფუძნებელია ქართულ ისტორიაზე, რისი შთაგონებაც თბილისის ხელნაწერთა მუზეუმში დაცული, მე-15 საუკუნით დათარიღებული კარაბადინი და მასში დაგროვილი უსაზღვრო ცოდნა გახდა.

„ჩვენი მთავარი მიზანი იყო კარაბადინში მოყოლილი ისტორია ჩვენებურად გადმოგვეცა. ამოვარჩიეთ 2 ინგრედიენტი და ის წარვუდგინეთ ერთ-ერთ ყველაზე დიდ ლაბორატორიას ამერიკაში. ჩვენ ვართ მაცნეები, რომლებიც სილამაზის შენარჩუნების ტრადიციებისა და წინაპართა მემკვიდრეობის შესახებ გიამბობთ“, - ამბობდა ანი. 

ანი ფხაკაძის სტილი 

ანი ფხაკაძე დიდი ხნის მანძილზე საქმიანობდა განათლებისა და სილამაზის სფეროში. აქვს გამოცდილება Influencing-ის მიმართულებითაც, რამაც მისი სტილისა და გემონების ჩამოყალიბებაზეც იმოქმედა. ანი ყოველთვის სადად, თუმცა დახვეწილად გამოიყურება და მის გარდერობში არაერთი ცნობილი ბრენდის სამოსი მოიძებნება. უპირატესობას ანიჭებს შავ და თეთრ ფერებს, თუმცა ზოგჯერ ირგებს პასტელურ ფერებსაც, მწვანესა და ოქროსფერს. გამორჩეული იყო მისი ფოტოები ნარინჯისფერ კაბაში, რომელიც ქართვულ ბრენდს, S A L A K A I A-ს ეკუთვნის. 

ამჯერად ანი გამომწერების კითხვებს მისი წონის კლების შესახებ პასუხობს:

"თავს ვალდებულად ვთვლი, რომ ეს პოსტი გამოვაქვეყნო, რადგან შოკირებული ვარ იმით, თუ რამდენმა ადამიანმა მკითხა, დავიკელი თუ არა წონა ოზემპიკის საშუალებით. 

• „თქვენ იცით, რომ აქ „ოზემპიკი“ იშოვება... სინამდვილეში ორგანიზმს ანგრევს" - რა უნდა იცოდეთ პოპულარული გასახდომი საშუალების შესახებ და რას ამბობს ნუკი კოშკელიშვილი 

უბრალოდ მინდა გითხრათ არა, ასე რომ, არც თქვენ მიიღოთ ის. როდის მერე ვიკეთებთ ინიექციებს ორსულობის შემდეგ 5 კილოგრამის დასაკლებად? როდის მერეა მისაღები ის ფაქტი, რომ გოგოებმა გაიკეთონ ინიექციები ზაფხულამდე 3 კილოგრამის დასაკლებად? ეს სისულელე ძალიან მაშინებს. 

არსებობს სავარჯიშო დარბაზი, არსებობს ჯანსაღი კვების რუტინა და, დიახ, მე დაჯილდოებული ვარ კარგი მეტაბოლიზმით, მაგრამ ეს ყველაფერიც რომ არა, მე მირჩევნია ვიყო რამდენიმე კილოგრამით მეტი, ვიდრე მივიღო წამლები, რომლებიც არავინ იცის, რას მოუტანს ჩვენს ორგანიზმს წლების შემდეგ. 

თავი ვალდებულად ჩავთვალე, ეს თქვენთვის გამეზიარებინა", - დაწერა ანიმ.