12 წელიწადია პოპულარული სერიალის, "ჩემი ცოლის დაქალების" მთავარი პერსონაჟია. მსახიობ ანა ტყებუჩავას ზოგიერთი მაყურებელი, ალბათ, ნინასაც ეძახის, რადგან დამაჯერებლად თამაშობს. საინტერესო როლის შესრულება უწევს და სერიალის გულშემატკივარმაც დიდი ხანია შეიყვარა. ქუჩაში სცნობენ, აჩერებენ, ფოტოს იღებენ, უღიმიან და ეუბნებიან, რომ უყვართ.
ამჯერად ანი ტყებუჩავა შვილებთან ერთად "რადიო ფორტუნას" სტუმარია:
ნენე: დედა ნინას დარიგებებისა და შენიშვნების მიცემაში ჰგავს. ბევრი მეკითხებოდა, თუ მინდოდა მსახიობი გამოვსულიყავი. მაგრამ არასდროს მიფიქრია, რომ დედას პროფესიას გავყვებოდი.
ანი: ზოგადად, მშრომელი ადამიანი ვარ.. მიყვარს, როცა დაკავებული ვარ... ყოველთვის ვფიქრობ მომავალზე, მინდა წარმოვიდგინო, როგორი იქნება... ჩემი მეუღლე ძალიან კარგი მრჩეველია. აზრს ხშირად ვეკითხები. ერთმანეთის აზრს ყოველთვის ვითვალისწინებთ. რეალურ ცხოვრებაშიც ნინას ვგავარ. ოჯახის წევრებსაც უთქვამთ, შენ აქ სერიალი ხომ არ გგონიაო?
ანა ტყებუჩავა ნინას როლში
"ეს როლი მაშინ მომცეს, როცა 22 წლის ვიყავი. თან ბავშვი შემეძინა და ეს წლები ბევრ ემოციას უკავშირდება. გარდა იმისა, რომ გავხდი პოპულარული, ჩემი ცხოვრება შეიცვალა. გამიმართლა იმაშიც, რომ ამ ჯგუფში მოვხვდი. ამასთანავე, ძალიან შეიცვალა საზოგადოების დამოკიდებულება - პოპულარობა და სიყვარული მოვიდა, რომელიც ძალიან მნიშვნელოვანია. ამიტომ ვამბობ, რომ აუცილებლად გაგრძელდება სერიალი და უფრო მნიშვნელოვანი პროექტებიც უნდა იყოს, მეტი და უკეთესი შესაძლებლობების გამოსახატად.
ჩვენი სერიალი არის აბსოლუტურად ქართული, ქართულ სინამდვილეს ასახავს. ეს ყველაფერი ჩემთვის ძალიან ძვირფასია. ჩცდ-ს ყველანი "პირველ შვილს“ ვეძახით და მისი წარმატება სიყვარულია, რაც ამ ყველაფრის დიდი გამართლებაა. კი, ჩემი როლიც მთავარია. ჩემს გმირს, რა თქმა უნდა, თანავუგრძნობ, ბევრ რაღაცაშიც არ ვეთანხმები, მაგრამ ლოგიკურად მესმის მისი..." - ამბობდა ანა.