მაკა ძაგანია „ნიკოლოზის კითხვებში“ იხსენებს „ჩემი ცოლის დაქალების“ გადაღებიდან რთულ პერიოდებს და ასევე საკუთარი ცხოვრების შესახებაც საუბრობს, მათ შორის, გადაწყვეტილებაზე, როცა მეორედ ოჯახის შექმნას დათანხმდა:
„მამაჩემი იყო ძალიან ცუდად. მახსოვს, სიცოცხლის ბოლო პერიოდში მკითხა, ვიყავი თუ არა ბედნიერი. მივხვდი, რომ უნდა მომეტყუებინა, რომ ვარ ბედნიერი. ძალიან მალე მამაჩემი გარდაიცვალა. ძალიან მეშინოდა მეორე ოჯახის შექმნის. როდესაც სტრესული ურთიერთობა გაქვს და ცუდად გახსენდება, გაქვს შიში, რომ იგივე არ განმეორდეს. ჩემზე რვა წლით პატარაა და უარს ვეუბნებოდი. ვეუბნებოდი, რვა წელია ბევრია და შემეშვი-მეთქი“.
მაკა ძაგანია
მაკა ძაგანია ქართველი მსახიობია, რომელსაც განსაკუთრებული პოპულარობა მოუტანა სერიალ „ჩემი ცოლის დაქალებში“ ნათამაშებმა „თინას“ როლმა. 2014 წელს დატოვა სერიალი, მაგრამ 1 წელიწადში დაბრუნდა. ჰყავს მეუღლე გიგა ცერცვაძე და ორი შვილი.
"ნუცა რომ გავაჩინე, 19 წლის ვიყავი. ახალგაზრდა ასაკის გამო, ცოტათი რთულად მივხვდი, რა იყო ახალი სიცოცხლის დაბადება.
რა თქმა უნდა, დედობას მალევე ავუღე ალღო - მივხვდი, დედობისთვის რა იყო საჭირო და რამდენი რამ უნდა გამეკეთებინა... ნუცა ძალიან საყვარელი ბავშვი იყო. ულამაზესი თმის ფერი ჰქონდა. თან, მსუქანი და "გემრიელი" იყო. ნუცას გამო, ქუჩაში გვაჩერებდნენ... ნელ-ნელა ერთად გაზრდა დავიწყეთ. ცხოვრებაში ძალიან რთული ეტაპებიც გვქონდა, რადგან მარტომ გავზარდე. ძნელია, როცა ბავშვს უმამოდ ზრდი. ყოველთვის იმის განცდა გაქვს, რომ მას რაღაც დააკელი, სრულფასოვანი ოჯახი არ აქვს... ეს კომპლექსები სულ მქონდა", - იხსენებს მაკა ერთ-ერთ ინტერვიუში.