სეზონის მთავარი ტრენდები - სტილის ინსპირაცია ანუკი არეშიძისგან - Marao
სეზონის მთავარი ტრენდები - სტილის ინსპირაცია ანუკი არეშიძისგან
ანუკი არეშიძემ საკუთარი ბრენდის სამოსი მოირგო, ლუქები კი სოციალურ ქსელში გამომწერებსაც გაუზიარა. ანუკის სტილი ამ სეზონზე შესაძლოა, თქვენთვისაც გახდეს შთაგონების წყარო, სწორედ ამიტომ გთავაზობთ რამდენიმე მათგანს:
ანუკი არეშიძის ბრენდი
ანუკი არეშიძემ საკუთარი ბრენდი Anouki 2013 წელს თბილისში შექმნა, თუმცა მას უკვე ევროპაშიც კარგად იცნობენ. დიზაინერი ქალის ხაზის ფეხსაცმელსა და ტანსაცმელთან ერთად, აქსესუარებსაც ქმნის. სულ ცოტა ხნის წინ ანუკი არეშიძემ საბავშვო ხაზის წარმოება დაიწყო, რომელსაც უმცროსი შვილის, ნიკოლასის სახელი დაარქვა.
როგორც ცნობილია, ანუკი არეშიძე ფოტოგრაფიითაა გატაცებული. ის ბევრს მოგზაურობს და მინიმალისტურ, ესთეტიკურ კადრებს გამომწერებსაც ხშირად უზიარებს.
ანუკი გამორჩეული სტილის გამო მოდურად ჩაცმის მოყვარულების ინსპირაციის წყაროდ არა მხოლოდ საქართველოში, არამედ იტალიაში, საფრანგეთსა და უკრაინაშიც იქცა.