" ბავშვთა სახლში ჩავაბარე გოგონა, ლამაზი და ჯანმრთელი. სვანი ვარ, შვილი ქორწინების გარეშე გავაჩინე და სიკვდილს გამოვგლიჯე ხელიდან" - რა წერილს აზიარებს თამუნა მუსერიძე - Marao

ჟურნალისტი თამუნა მუსერიძე სოციალურ ქსელში ერთ-ერთი დედის მიერ გაგზავნილ წერილს გვიზიარებს, სადაც მძიმე ისტორიაა აღწერილი.

როგორც წერილში ვკითხულობთ დედა იძულებული გახდა, რომ შვილი ბავშვთა სახლში ჩაებარებინა.

ქალი თამუნა მუსერიძეს შვილის პოვნაში დახმარებას სთხოვს.

„გამარჯობა, ბავშვთა სახლში ჩავაბარე გოგონა, ლამაზი და ჯანმრთელი. სვანი ვარ, შვილი ქორწინების გარეშე გავაჩინე და სიკვდილს გამოვგლიჯე ხელიდან. მამაჩემმა სანადირო თოფი მიადო თავზე და რომ არა ჩემი ძმა არ ვიცი რა მოხდებოდა, მზარავს. გამოვიქეცი, მამამ და მამის ოჯახმა უარი თქვა, ნაბიჭვარი არ გვჭირდებაო. მიპოვეს და ძალიან მცემეს, მამიდამ გადაგვარჩინა და გვმალავდა, თუმცა მაინც გვიპოვეს. დაიბადე 1998 წლის პირველ აპრილს. სიკვდილი გამოვიარე, როდესაც იმ დაწყევლილ ადგილას ვიდექი და უნდა მიმეტოვებინე. დაგტოვე, რადგან თუ გიპოვიდნენ მოგკლავდნენ. მაშინ როცა შენ ტიტინებდი, ყველაფერი გაინტერესებდა და გიყვარდი. მიწა გამისკდეს და ჩამიტანოს თუ ყოველ წუთს შენზე არ მეფიქროს. მახსოვს შენი სუნი ყველაფერს ვფიცავ და შენი ყოველი ნაკვთი…“, – ვკითხულობთ წერილში, რომელიც თამუნა მუსერიძემ უცნობი ადამიანისგან მიიღო. ქალი თამუნა მუსერიძეს შვილის პოვნაში დახმარებას სთხოვს.

• აღნიშნული წერილი არ ეკუთვნის თამუნა მუსერიძის ბიოლოგიურ დედას. 

თამუნა მუსერიძე

როგორც ცნობილია, ჟურნალისტი თამუნა მუსერიძე 8 წლის მანძილზე ეძებდა ბიოლოგიურ მშობლებს. ამ ხნის მანძილზე ის უამრავ ადამიანს დაეხმარა ოჯახის წევრების პოვნაში, შექმნა ჯგუფი "ვეძებ", ჰქონდა საავტორო გადაცემა, სადაც ბავშვების სამშობიაროდან მოპრავისა და გაყიდვა/გაშვილების ფაქტებზე საუბრობდა. სულ ცოტა ხნის წინ თამუნამ თავადაც შეძლო ბიოლოგიური მშობლების პოვნა. მას მამასთან კარგი ურთიერთობა აქვს, თუმცა დედამ შვილთან კონტაქტი არ ისურვა. 

თამუნა განმარტავს, რომ ეს იმედგაცრუება მისთვის წარმოუდგენელია, რადგან დედამ სთხოვა, ეთქვა, რომ მოპარულია, რადგან საკუთარ სახელს უფრთხილდება. 

• "10 წელი და მაინც ყველაფერი ისე არის, როგორც უნდა იყოს" - რა ფოტოებს აქვეყნებს თამუნა მუსერიძე 
• "დედას არ უნდა ჩემთან ურთიერთობა. ყველას ვერ მოეწონები და რას ვიზამთ" - თამუნა მუსერიძე 

 „ისტორია ასეთია. მე მოპარული ბავშვი არ ვარ და ტყუილს ვერ ვიტყვი. მე რომ ეს ვთქვა, მერე იმ დედებს არ დაუჯერებენ, რომელთაც მართლა მოჰპარეს შვილები. ამდენ ადამიანს საკუთარი ისტორიისთვის ვერ გავწირავ. მოხდა ჩემი გაშვილება, რადგან მამა იყო ცოლიანი კაცი, რომელსაც ორი შვილი ჰყავდა. დედა არ იყო გათხოვილი. იმ პერიოდში ბავშვის უმამოდ გაზრდა წარმოუდგენელი იყო და ეს მესმის. დედას არ უნდა ჩემთან ურთიერთობა, მას სიმსივნე აქვს მძიმე ფორმით. ყველას ვერ მოეწონები და რას ვიზამთ. მას არც გამოჩენა სურს და არც ჩემთან კონტაქტი“, –ამბობდა თამუნა მუსერიძე.

მისი თქმით, მამამისი ცოლიანი იყო, ხოლო დედა კი 22 წლის გოგონა. მის ბიოლოგიურ მშობლებს ბევრი საერთო მეგობარი ჰყავდათ და ერთმანეთს ხშირად ხვდებოდნენ. მამამ ქალის ორსულობის შესახებ არ იცოდა, თავად თამუნას ბიოლოგიურმა დედამაც ამ ფაქტის შესახებ გვიან გაიგო და მისთვის ეს დიდი შოკი იყო. არ სურდა, მასზე ჭორები აეგორებინათ, ამიტომ ბავშვის დატოვებაზე არც უფიქრია. მას თამუნასთან ურთიერთობა არც ახლა სურს და არც მასთან შეხვედრა უნდოდა. ის ახლა ვენაში იმყოფება და მძიმე სენს ებრძვის. დედა-შვილის შეხვედრა დაცლილი იყო ემოციებისგან, მათ დაახლოებით 2 საათის მანძილზე ისაუბრეს და, ამ საუბარში, თამუნასთვის ყველაზე მტკივნეული ის აღმოჩნდა, რომ დედამ მას სახელი არ დაარქვა. როგორც გაირკვა, თამუნა დაბადებიდან 10 დღის მანძილზე ბიოლოგიურ დედასთან იყო, მას კი სახელის დარქმევაზე არც უფიქრია. 

თამუნა ამბობს, რომ ბიოლოგიურ დედასთან შეხვედრას არ ნანობს, რადგან მას დედის მხრიდანაც შესანიშნავი ნათესავები ჰყავს.