ჩემპიონი კამერებს მიღმა - ილია თოფურიას ორი შვილი, უმშვენიერესი მეუღლე და ოჯახური იდილია - Marao

UFC-ის ქართველი ჩემპიონი, 27 წლის ილია თოფურია კიდევ ერთხელ მოექცა ყურადღების ცენტრში. მას შემდეგ, რაც 18 თებერვალს მან UFC-ის ლეგენდარული მებრძოლი, ალექსანდრ ვოლკანოვსკი დაამარცხა და ქვემსუბუქი დივიზიონის ჩემპიონი გახდა, თოფურიამ აბუ დაბიში გამართულ ღონისძიებაზე ამერიკელი მაქს ჰოლოუეიც დაამარცხა და ქამარი შეინარჩუნა. 

აქამდე მაქს ჰოლოუეი იყო მებრძოლი, რომელიც ოქტაგონზე ნოკაუტით არავის დაუმარცხებია. ილია თოფურიამ კი პირობა დადო და სიტყვა შეასრულა - ჰოლოუეი მესამე რაუნდში "დაანოკაუტა". 

როგორც ყოველთვის, ილიას გვერდით ამ ბრძოლის დროსაც იყვნენ მისი ოჯახის წევრები - ძმა, მშობლები, შვილი, დები და მეუღლე - ჯორჯინა უზკატეგუი. ბრძოლის დასრულების შემდეგ ჯორჯინამ მეუღლესთან ერთად სამახსოვრო კადრებიც გადაიღო და გულშემატკივრებს გაუზიარა. ამჯერად კი ჯორჯინა და ილია Dolce&Gabbana-ს სილამაზის ხაზის კამპანიაში იღებენ მონაწილეობას:

ილია თოფურიას ცხოვრება

ილია გერმანიაში, ქართველი მშობლების ოჯახში დაიბადა. შვიდი წლის ასაკში ოჯახთან ერთად საცხოვრებლად საქართველოში გადავიდა, სადაც სკოლაში დაიწყო ბერძნულ-რომაული ჭიდაობის ვარჯიში.

2012 წელს, როცა თოფურია თხუთმეტი წლის იყო, მისი ოჯახი საცხოვრებლად გადავიდა ესპანეთის ქალაქ ალიკანტეში, სადაც მან დაიწყო ვარჯიში დაიწყო საბრძოლო ხელოვნებაში, „კლიმენტ კლუბში“. ის და მისი ძმა ალექსანდრე პირველი ქართველები არიან, ვინც ჯიუ-ჯიცუს შავი ქამრის მფლობელები გახდნენ.

• "ჩემს ტკი­ვილ­თან ერ­თად, ამით ჩემ­ნა­ი­რი ადა­მი­ა­ნე­ბის სათ­ქმე­ლიც მინ­დო­და მეთ­ქვა..." - ილიას დედის რთული გზა ომიდან შვილის ისტორიულ წარმატებამდე 

2015 წელს პროფესიონალთა ადგილობრივ შეჯიბრებებში შედგა მისი დებიუტი. 27 წლის ილია თოფურია პირველად შევიდა ტიტულოვან წრეში: ის UFC-ში 2020 წლიდან ასპარეზობს და რეკორდი 6-0 აქვს დამყარებული. 2020 წლის 11 ოქტომბერს თოფურია "მაროკოელ ეშმაკს“ იუსეფ ზალალს დაუპირისპირდა და სამ რაუნდიან ორთაბრძოლაში გამარჯვება მოიპოვა. 2022 წლის 19 მარტს, ლონდონში, UFC-ის ღონისძიებაზე, ორგანიზაციაში მე-4 ორთაბრძოლა გამართა ილია თოფურიამ და ინგლისელი მეტოქე ჯეი ჰერბერტი მეორე რაუნდში ნოკაუტით დაამარცხა.

• "ცხოვრების სიყვარულის პოვნა ღმერთის უდიდესი საჩუქარია" ქართველი ჩემპიონისა და მისი უმშვენიერესი მეუღლის ოჯახური კადრები 

2024 წელს UFC 298-ზე ქვემსუბუქი დივიზიონის ქამრისთვის ილია თოფურია დაუპირისპირდა ამ დივიზიონის ჩემპიონს, ალექს ვოლკანოვსკის და ნოკაუტით მოუგო ბრძოლა. ამ მნიშვნელოვან ბრძოლამდე ილიას 14-დან 14 მოგება ჰქონდა, ხოლო ვოლკანოვსკის 26 მოგება და 3 მარცხი. ალექს ვოლკანოვსკიმ ამ წონის ქამრის დაცვა 5-ჯერ შეძლო. ჯოშ ემეტის დამარცხების შემდეგ, თოფურიამ 8 თვე დაისვენა და სატიტულო ჩხუბით, რომელსაც მთელი საქართველო ასე ელოდა, გახდა პირველი ქართველი, რომელმაც UFC-ის ქამარი მოიგო!