მომღერალ ნანკა გვარიშვილს ფართო აუდიტორია პროექტიდან "დიდი სცენა“ იცნობს. გოგონამ მომხიბვლელი გარეგნობითა და განსაკუთრებული მონაცემებით მალევე დაიპყრო როგორც ჟიურის, ისე მსმენელის გულიც. ნანკას მუსიკის მოსმენა სხვადასხვა მუსიკალურ პლატფორმაზეა შესაძლებელი, თუმცა ეს მისი საქმიანობის ერთადერთი მიმართულება არ არის - ახალგაზრდა და მშვენიერი მუსიკოსი ასევე წარმატებული მსახიობია. მისი ხილვა კი მსურველებს თეატრის სცენაზე შეუძლიათ.
სწორედ თეატრში გაიცნო მან მომავალი მეუღლე, ასევე ცნობილი მსახიობი, ბუბა ჭოღო შვილი. ბუბას პერსონაჟს პოპულარული სერიალიდან "ჩემი ცოლის დაქალები" ბევრი იცნობს, თუმცა ცოტამ თუ იცის, რომ ის უფრო აქტიურად თეატრში თამაშობს.
"ერთმანეთი "ახალ თეატრში" გავიცანით, სპექტაკლის "მე გადმოვცურავ ზღვას" დადგმისას. ერთ დღესაც, შუა "პრაგონის" დროს, გვერდზე მიდგება და მეუბნება, დღეს წამო, სადმე ვჭამოთო. მეთქი, ღმერთო... რვა ძაღლი გვყავს და ჩვენს მრავალფეროვან ცხოვრებას ისინი უფრო ამრავალფეროვნებენ... " - ამბობდა ნანკა.
მოგვიანებით ნანკამ და ბუბამ თანაცხოვრება ქალაქიდან შორს, სოფელ დიდგორში გადაწყვიტეს და რვა ძაღლთან და ორ კატასთან ერთად დაიწყეს ოჯახის შენება. ქალაქგარეთ ცხოვრება ორივეს ოცნება იყო და ამ მიზნის შესასრულებლად ყველაფერი გააკეთეს. მიუხედავად ბევრი სირთულისა, სიყვარულის დახმარებით ყველაფერი შეძლეს.
„ეს სახლი არის ჩემი დიდი დიდი ბაბუის აშენებული. ჩემი ცხოვრების მიზანი იყო, რომ ქალაქგარეთ საცხოვრებლად გადავსულიყავი. ბევრად უფრო ბედნიერი ვარ, რომ ძროხის ხმა მაღვიძებს. აღმოჩნდა, რომ ბუბაც იმავეს ფიქრობდა. მე ამ მიზნისკენ ისე ვისწრაფოდი, რომ ღობეც კი გავაკეთე ამ სახლში. ამასობაში შეგვიყვარდა ერთმანეთი და გადავწყვიტეთ, ერთად გაგვეკეთებინა. ღობე რომ გავაკეთე და თავდაპირველად სახლში რომ შემოვედი, თავზე მენგრეოდა ყველაფერი. ბუბამ მითხრა, მოდი, ერთად მივხედოთ ამ სახლს და გავაცოცხლოთო. აღმოჩნდა, რომ ორი ადამიანისგან მაგარი გუნდი შეიკრა,“ - ამბობდა ნანკა.
ამავე პერიოდში ნანკა და ბუბა კულინარიულ პროექტ "სამზარეულოს ომებში" გამოჩნდნენ. ისინი, როგორც წყვილი, ფართო საზოგადოებამ გაიცნო და შეიყვარა, თუმცა, დიდი სიყვარულისა და საერთო მიზნების მიუხედავად, ბუბა და ნანკა ერთმანეთს დაშორდნენ.
ბოლო დროს ნანკა იშვიათად ჩნდება ტელეეკრანებზე, თუმცა აქტიურია სოციალურ ქსელში. მსახიობი და მომღერალი ხშირად აქვეყნებს საკუთარ ჩანაწერებს, რჩევებსა და გამოცდილებას სხვადასხვა საკითხის შესახებ.
ბოლო დროს ნანკას საქმიანობაში საინტერესო სიახლეა - მას საავტორო რუბრიკა "მარტოობის 15 წუთი" აქვს. გადაცემას ცნობილი ადამიანები სტუმრობენ და სხვადასხვა საკითხის შესახებ წამყვანთან ერთად საუბრობენ. გადაცემის ნახვა Youtube-ზეა შესაძლებელი.