"მადლობელი ვარ შენი ყველა სიყვარულით სავსე ჩახუტებისთვის, სიტყვისა და საქციელისთვის..." - ჯორჯინა უზკატეგუის ეოციური მილოცვა ილია თოფურიას ვაჟს - Marao
"მადლობელი ვარ შენი ყველა სიყვარულით სავსე ჩახუტებისთვის, სიტყვისა და საქციელისთვის..." - ჯორჯინა უზკატეგუის ეოციური მილოცვა ილია თოფურიას ვაჟს
"გილოცავ დაბადების დღეს, ჰუგო. შენი კეთილშობილება, სიყვარული, გონიერება და სიხარული, რომელიც მუდამ თან დაგყვება, ყველას გვაოცებს. მადლობელი ვარ შენი ყველა სიყვარულით სავსე ჩახუტებისთვის, სიტყვისა და საქციელისთვის. კიდევ ბევრ დაბადების დღეს დაესწარი და ყოველთვის ასეთი დიდი გული გქონდეს. წინ ლამაზი ცხოვრება გელის. საუკეთესო უფროსი ძმა ხარ და ჩვენ ძალიან გვიყვარხარ!" - წერს სოციალურ ქსელში ილია თოფურიას მეუღლე, ჯორჯინა უზკატეგუი და ილია თოფურიას ვაჟს, ჰუგოს დაბადების დღეს ულოცავს.
ილია თოფურიას ოჯახი
ილია გერმანიაში, ქართველი მშობლების ოჯახში დაიბადა. შვიდი წლის ასაკში ოჯახთან ერთად საცხოვრებლად საქართველოში გადავიდა, სადაც სკოლაში დაიწყო ბერძნულ-რომაული ჭიდაობის ვარჯიში.
2012 წელს, როცა თოფურია თხუთმეტი წლის იყო, მისი ოჯახი საცხოვრებლად გადავიდა ესპანეთის ქალაქ ალიკანტეში, სადაც მან დაიწყო ვარჯიში დაიწყო საბრძოლო ხელოვნებაში, „კლიმენტ კლუბში“. ის და მისი ძმა ალექსანდრე პირველი ქართველები არიან, ვინც ჯიუ-ჯიცუს შავი ქამრის მფლობელები გახდნენ.
2024 წელს UFC 298-ზე ქვემსუბუქი დივიზიონის ქამრისთვის ილია თოფურია დაუპირისპირდა ამ დივიზიონის ჩემპიონს, ალექს ვოლკანოვსკის და ნოკაუტით მოუგო ბრძოლა. ამ მნიშვნელოვან ბრძოლამდე ილიას 14-დან 14 მოგება ჰქონდა, ხოლო ვოლკანოვსკის 26 მოგება და 3 მარცხი. ალექს ვოლკანოვსკიმ ამ წონის ქამრის დაცვა 5-ჯერ შეძლო. ჯოშ ემეტის დამარცხების შემდეგ, თოფურიამ 8 თვე დაისვენა და სატიტულო ჩხუბით, რომელსაც მთელი საქართველო ასე ელოდა, გახდა პირველი ქართველი, რომელმაც UFC-ის ქამარი მოიგო!
ეს დღე ქართველებისთვის განსაკუთრებით მნიშვნელოვანი აღმოჩნდა და სწორედ ამ განსაკუთრებული ტიტულის შემდეგ გაიცნო ილია თოფურია საზოგადოების იმ ნაწილმაც, ვინც ამ სპორტით მანამდე დაინტერესებული არასდროს ყოფილა.
"ილიას პირველ მეუღლესთან ბიჭი შეეძინა, რომელიც სვეტიცხოველში მოვნათლეთ, მას ქართველი ნათლიები ჰყავს", - ამბობდა ილია თოფურიას ბაბუა. პატარა ჰუგო ახლა უკვე უფროსი ძმაა - ილიასა და მის მეუღლეს, ჯორჯინას, ქალიშვილი შეეძინათ. ჰუგო დასთან ერთად სიყვარულით სავსე ოჯახში იზრდება და მამის დიდი გულშემატკივარია - მას ილიას ბრძოლის დროს ყოველთვის ნახავთ ტრიბუნაზე.