თაკო ჩარკვიანი სოციალურ ქსელში შვილის, ირმა გიგანის წარმატების შესახებ წერს, რომელმაც ვატიკანში საიუბილეო კონცერტი გამართა.
"დე მიყვარხარ, გილოცავ, ბედნიერი ვარ, ირმა, დე გენაცვალე...18 იანვარი ვატიკანი -საიუბილეო კონცერტი" - წერს თაკო ჩარკვიანი.
- "ჩემს წინსვლაში, რა თქმა უნდა, დიდი როლი ითამაშეს მშობლებმა" - სად ცხოვრობს და რას საქმიანობს თაკო ჩარკვიანის შვილი
- "არ მჯერა, როცა ამბობენ, დროთა განმავლობაში სიყვარული ნელდება და ქრებაო. პირიქით... უკვე 30 წელია, გვერდით ისეთი ადამიანი მყავს, რომლის გარეშეც ერთი დღე ნუ მაცოცხლოს ღმერთმა!" - თაკო ჩარკვიანის მეუღლე, წარმატებული ქალიშვილი და ოჯახი
- აბა, დაუდექით გვერდით სიტყვაში, ხმაში, მელოდიაში, ღირსებაში, სამშობლოს სიყვარულში” - ირმა გიგანი დედის, თაკო ჩარკვიანის ვიდეოს აქვეყნებს (ვიდეო)
ირმა გიგანი
ირმა გიგანი 1996 წლის 5 აპრილს პოლიტიკოს თაკო ჩარკვიანისა და ჯონი გიგანის ოჯახში დაიბადა. მისი ბაბუა ცნობილი პოეტი ჯანსუღ ჩარკვიანია, ბიძა - მუსიკოსი მამუკა ჩარკვიანი. 5 წლისა შევიდა თბილისის ზაქარია ფალიაშვილის სახელობის 1-ელ ცენტრალურ სამუსიკო სასწავლებელში ნიჭიერთა ათწლედში.
2002 წლის 16 ივნისს ქალაქ მინერბიოში, შემსრულებელთა მეორე საერთაშორისო კონკურსზე, ირმა გიგანი გახდა 8-13 წლის ბავშვებს შორის გრან-პრის მფლობელი. 2002 წლის 9 ივლისს თბილისის მწერალთა კავშირის საკონცერტო დარბაზში კამერული ორკესტრის თანხლებით შეასრულა ბახის კონცერტი რევაზ ტაკიძის დირიჟორობით.
"ჩემს წინსვლაში რა თქმა უნდა, დიდი როლი ითამაშეს მშობლებმა. შეიძლება იყო ნიჭიერი, მაგრამ მათ რომ ჩემთვის ხელი არ შეეწყოთ, ვერაფერს მივაღწევდი. მადლიერი ვარ ჩემი არაჩვეულებრივი პედაგოგის, თენგიზ ამირეჯიბის. ის ფანტასტიკური მუსიკოსია და ძალიან მიხარია, რომ თუნდაც კვირაში ორჯერ მიწევს მასთან ურთიერთობა.
მუსიკა ჩემთვის ყველაფერია. როდესაც ვუკრავ, უდიდეს სიამოვნებას განვიცდი, ყველაზე კომფორტულად როიალთან ვგრძნობ თავს. არ არსებობს დღე მის გარეშე, თუ არ ჩავთვლი გამონაკლისს - კონცერტის მეორე დღეს" - ამბობდა ირმა.
2002 წლის 25 ივლისს მონაწილეობა მიიღო საკონცერტო მარათონში „ნიჭიერი ბავშვები“ და პირველ საერთაშორისო ფესტივალში „ხელოვნების ზეიმი“. 2003 წლის თებერვალში თბილისის სახელმწიფო კონსერვატორიის დიდ დარბაზში გამართა სოლო-კონცერტი, სადაც შეასრულა ბახის კონცერტი ზაალ აზმაიფარაშვილის დირიჟორობით.
2010 წელს ირმა გიგანი ფრედერიკ შოპენის სახელობის პიანისტთა მეორე კონკურსის პირველი პრემიის მფლობელი გახდა. პიანისტი დროის ნაწილს საქართველოში, ნაწილს კი ავსტრიაში ატარებს და გულშემატკივრებს საკუთარი წარმატებით ხშირად ანებივრებს.