ნინო გაჩეჩილაძის 5 ყველაზე გამორჩეული როლი: უმშვენიერესი ვარსკვლავის დაუვიწყარი პერსონაჟები - Marao
ნინო გაჩეჩილაძის 5 ყველაზე გამორჩეული როლი: უმშვენიერესი ვარსკვლავის დაუვიწყარი პერსონაჟები
ქართველი კინოსა და თეატრის მსახიობი ნინო გაჩეჩილაძე 1980 წლის 31 მარტს, თბილისში დაიბადა. დაამთავრა შოთა რუსთაველის თეატრისა და კინოს უნივერსიტეტი. ფართო საზოგადოებისთვის ცნობილი გახდა კატოს როლის შესრულებით სერიალში „ჩემი ცოლის დაქალები“.
კარიერა
მსახიობი ნინო გაჩეჩილაძე ცნობილია თავისი მრავალფეროვანი როლებით ქართულ კინოსა და ტელესერიალებში. მისი კარიერა მოიცავს როგორც დრამატულ, ასევე კომედიურ ჟანრებს, რამაც მას განსაკუთრებულ პოპულარობას მოუტანა მაყურებელთა შორის.
გარდა კინოროლებისა, ნინო გაჩეჩილაძე აქტიურად მონაწილეობს თეატრალურ წარმოდგენებში, სადაც მისი შესრულება ყოველთვის აღფრთოვანებას იწვევს. მისი პროფესიონალიზმი და მრავალმხრივი ნიჭი მას ერთ-ერთ გამორჩეულ მსახიობად აქცევს ქართულ კულტურულ სივრცეში.
წლების მანძილზე ნინომ თეატრის სცენასა თუ კინოში არაერთი დასამახსოვრებელი სახე შექმნა. გარდა "ჩემი ცოლის დაქალებისა", მას მონაწილეობა აქვს მიღებული ისეთ ცნობილ ფილმებში, როგორებიცაა: „რაც ყველაზე ძალიან გიყვარს", "წვრილვარსკვლავთა ღამე“, "ტაქსი“ და სხვ. თეატრში კი მისი გამორჩეული როლები შემდეგ სპექტაკლებს უკავშირდება: სემუელ ბეკეტის „ბედნიერი დღეები“, დოსტოევსკის „დამცირებულნი და შეურაცხყოფილნი“, ლაშა თაბუკაშვილის „თოვლივით თეთრი თოვლი“, ვაჟა-ფშაველა „გველისმჭამელი“, ბერტოლტ ბრეხტის „სამგროშიანი ოპერა“, ჯოვანი ბოკაჩოს „დეკამერონი“, ლევ ტოლსტოის „ჰაჯი-მურატ“, ლევან წულაძის და სანდრო ელოშვილის „მთვრალი ალუბალი“, ვაცლავ ჰაველის „წასვლა“ და სხვ.
მაგრამ მისი ფილმოგრაფიიდან ყველზე ცნობილი მაინც კატო კირვალიძის როლია... სამი სეზონის შემდეგ ნინო გაჩეჩილაძემ სერიალი დატოვა, რამაც დიდი მითქმა-მოთქმა გამოიწვია. მაშინ მსახიობი ამბობდა, რომ გადაწყვეტილების მიღების მთავარი მიზეზი უსამართლობა გახდა: გაჩეჩილაძე თავისი კუთვნილი ჰონორარის აუნაზღაურებლობაზე საუბრობდა, თუმცა სხვა ვერსია აქვთ სერიალის პროდიუსერებს - აზრთა შეუთავსებლობის გამო თანამშრომლობა ვერ მოხერხდა.
"მსახიობისთვის მნიშვნელოვანია, მის შრომას პატივს სცემდნენ. მე ეს ვერ დავინახე. უნდათ დაამტკიცონ, რომ შეუცვლელი მსახიობი არ არსებობს... სხვა მსახიობები ამაზე საუბარს ვერ ბედავენ, პირველმა მე ამოვიღე ხმა და ჩემი გაშვებით თითქოს ისინიც გააფრთხილეს" - ამბობდა მაშინ ნინო.
ასეა თუ ისე, ნინო გაჩეჩილაძის კარიერაში, კატო კირვალიძესთან ერთად, რამდენიმე ყველაზე დასამახსოვრებელი როლი შეგვიძლია გავიხსენოთ.
ნინო გაჩეჩილაძის 5 ყველაზე გამორჩეული როლი
- „ჩემი ცოლის დაქალები“- კატო კირვალიძე;
- „წვრილვარსკვლავთა ღამე“ - თამრიკო;
- „ტაქსი“ - ნიცა;
- „ჯაყო - ხვალ ომი იქნება“ - მარგო;
- „ჰაჯი-მურატ“ - სოფიათი.
პირადი ცხოვრება
44 წლის მსახიობი ამბობს, რომ ცხოვრებაში სიყვარული მხოლოდ ერთხელ ეწვია. “რაც უფრო მეტი დავთმე, თუნდაც პირად ცხოვრებაში, მით მეტი შეცდომა დავუშვი. ადამიანმა, ამ შემთხვევაში ქალმა, როცა იცის, რომ მართალია, პირველ რიგში საკუთარ თავთან და მერე სხვა ადამიანთან, არ უნდა წავიდეს დათმობაზე, თუნდაც იმიტომ, რომ ვიღაცა სხვას ასიამოვნოს ამით. თითქოს მე ყველაფერს სწორად ვაკეთებ, მაგრამ გარშემო ყველაფერი ისე არ არის, როგორც შენ გინდა“, - ამბობდა ნინო გაჩეჩილაძე.