"მთავარია ფსიქიკური ჯანმრთელობა, შემდეგ ფიზიკური სილამაზეც მოჰყვება" - ქეთი ჟღენტი გამომწერებს რჩევებს უზიარებს - Marao
"მთავარია ფსიქიკური ჯანმრთელობა, შემდეგ ფიზიკური სილამაზეც მოჰყვება" - ქეთი ჟღენტი გამომწერებს რჩევებს უზიარებს
თოშა ქებურიასა და ქეთი ჟღენტის ოჯახს სოციალურ ქსელში კარგად იცნობენ. ქეთი ოჯახურ კადრებს ხშირად აქვეყნებს. ამჯერად კი ის გამომწერების შეკითხვებს პასუხობს:
"მაგალითი ხარ იმის, რომ დედობის შემდეგ ქალი უფრო უნდა გალამაზდეს:
- მთავარია ფსიქიკური ჯანმრთელობა, შემდეგ ფიზიკური სილამაზეც მოყვება.
"რა არის შენი თავდაჯერებულობის გასაღები?"
- საკუთარ თავზე მუშაობა და ადამიანები, რომლებიც მოტივაციას მაძლევენ.
ქეთი ჟღენტი და თოშა ქებურია
თორნიკე, იგივე თოშა ქებურია, საზოგადოების ყურადღების ცენტრში ხშირად ექცევა. ის მილიონერი ბიზნესმენის, ბუბა ქებურიას შვილია და თავადაც წარმატებული ბიზნესმენია. 2017 წელს თოშამ მოდელ ქეთი ჟღენტზე იქორწინა. თოშამ მომავალ მეუღლეს ხელი საფრანგეთში, კანის სანაპიროზე სთხოვა, მათი გრანდიოზული ქორწილის შესახებ კი მედია დიდი ხნის განმავლობაში წერდა.
წყვილს სამი შვილი ჰყავს. მოდელი ოჯახურ კადრებს სოციალურ ქსელში ხშირად ავრცელებს, განსაკუთრებით კი, უფროსი შვილების, კატერინასა და ბუბას ფოტოებს.
მეუღლისგან განსხვავებით, თოშა ქებურია სოციალურ ქსელებში აქტიურობით არ გამოირჩევა, თუმცა შვილებთან ერთად გადაღებულ კადრებს ხშირად უზიარებს გულშემატკივრებს. თოშა მილიონერი ბიზნესმენის, ბუბა ქებურიას ვაჟია. მან პირველად ყურადღება მისი სპორტისადმი, კერძოდ კი, რბოლის სიყვარულით მიიქცია. ქებურიას არაერთ მოტორბოლაში მიუღია მონაწილეობა. ცნობილია ასევე თავისი მოტოციკლეტებისა და ავტომობილების გატაცებითაც. ამის შემდეგ თორნიკესადმი ინტერესი მისი პირადი ცხოვრების გამო გამძაფრდა. სიმპათიური ბიჭი ქრისტინე იმედაძეს რამდენიმე წელი ხვდებოდა. წყვილი ურთიერთობას არ ასაჯაროებდა, თუმცა დამალვა ვეღარ შეძლეს. მომღერალთან დაშორების შემდეგ ქეთი ჟღენტზე მალევე დაინიშნა. თოშამ ქეთის ხელი საფრანგეთის ულამაზეს სანაპიროზე სთხოვა.
ქეთი ცნობილი მოდელის, ლიკა შენგელიას შვილია. ლიკა შენგელია ძველი თაობის მოდელებს მიეკუთვნება. ბევრისთვის დაუჯერებელია, თუმცა ულამაზეს ქართველ ქალს ხუთი შვილი ჰყავს – ორი – ბიჭი და გოგონა, პირველი ქორწინებიდან, სამი ბიჭი – მეორე ქორწინებიდან.