70 წელს გადაცილებული TOP 8 ქალი საქართველოში: როცა ასაკი მხოლოდ ციფრებია - Marao

ეს ულამაზესი ქალბატონები ყოველ წუთს ამტკიცებენ, რომ ასაკი მხოლოდ ციფრებია. 

ნანი ბრეგვაძე

• „იცი, რა მაიმედებს? რომ არაფერი დამიკლია მისთვის... გაუკეთებელი გავაკეთე" - ნანა ფაჩუაშვილი გარდაცვლილ შვილზე საუბრობს 

ნანი ბრეგვაძე არაერთი უკვე მრავალი წელია, რაც სცენაზე დგას და ამ ხნის მანძილზე ყველა თაობის საყვარელი მუსიკოსი გახდა. მას ცოცხალ ლეგენდადაც კი მოიხსენიებენ. ის საზოგადოებას საკუთარი გამორჩეული, დახვეწილი და ელეგანტური გარეგნობითაც აღაფრთოვანებს. მუსიკოსი 88 წლის ასაკში შესანიშნავად გამოიყურება და აქტიურად აგრძელებს საქმიანობას. 

კირა ანდრონიკაშვილი

• პირადი ტრაგედია, შვილის გარდაცვალება, საკუთარი წიგნი და ვარსკვლავი თეატრის წინ - ნანა ფაჩუაშვილის რთული ცხოვრების გზა დიდი წარმატებისკენ 

მაყურებელს დღემდე ახსოვს მის მიერ განსახიერებული ცირა, ფილმიდან "მე, ბებია, ილიკო და ილარიონი"; ძაბული, ფილმიდან "მთვარის მოტაცება" და მრავალი სხვა.  კირა ანდრონიკაშვილი ხშირად ამბობს, რომ სილამაზის საიდუმლო გენეტიკასთან ერთად ადამიანის პოზიტიური აზროვნების შედეგია და რომ ბედნიერი ქალბატონები ყველაზე ლამაზები არიან. 

ნონა გაფრინდაშვილი

ლეგენდარულ მოჭადრაკე ნონა გაფრინდაშვილს ყველა დროის საუკეთესო ქართველ სპორტსმენ ქალად მოიხსენიებენ. ჭადრაკის თამაში ნონას 5 წლისას ასწავლეს ძმებმა. სწორედ მათი მეშვეობით მოხვდა ნონა ზუგდიდის ნაკრებში, რომელიც 1953 წლის ზაფხულში ბათუმში გამართულ მოსწავლეთა რესპუბლიკურ პირველობაში მონაწილეობდა. სწორედ ამ ტურნირზე შეამჩნია ის ჭადრაკის ცნობილმა პედაგოგმა ვახტანგ ქარსელაძემ. 

თინათინ მგალობლიშვილი

• გიული ჩოხელის, როგორც საბჭოთა კავშირში ყველაზე მამაცი ქალის ამბავი: " როდესაც ჯაზმენებს ციხეში სვამდნენ და თავში ურტყამდნენ, მე სცენაზე ვიდექი და ჯაზს ვახურებდი" 

თინათინ მგალობლიშვილი 1937 წელს თბილისში დაიბადა. იყო საქართველოს ტელევიზიისა და რადიომაუწყებლობის სახელმწიფო კომიტეტის დიქტორი, საქართველოს დამსახურებული არტისტი. გაახმოვანა 600-მდე კინოგმირი. მათ შორისაა: მარიტა („ნატვრის ხე“), ხათუნა („როცა აყვავდა ნუში"), ესმა („სამი სიცოცხლე“), თამარი („მთვარის მოტაცება“), შორენა („დიდოსტატის მარჯვენა“) და სხვ. წლების განმავლობაში იყო საინფორმაციო პროგრამა „მოამბის“ წამყვანი.  

არიადნა შენგელაია

არიადნა შენგელაია 2015 წლი­დან სა­ქარ­თვე­ლო­ში ცხოვ­რობს. აქ დაბ­რუ­ნე­ბის შემ­დეგ შოთა რუს­თა­ვე­ლის სა­ხე­ლო­ბის თე­ატ­რი­სა და კი­ნოს სა­ხელ­მწი­ფო უნი­ვერ­სი­ტეტ­ში მსა­ხი­ო­ბის ოს­ტა­ტო­ბას და მე­ტყვე­ლე­ბას ას­წავ­ლი­და. ფილ­მებ­ში სა­თა­მა­შოდ მას ჯერ კი­დევ სტუ­დენტს იწ­ვევ­დნენ და ყო­ველ­თვის მთა­ვა­რი რო­ლე­ბი ჰქონ­და. 

გიული ჩოხელი

გიული ჩოხელი საბჭოთა კავშირში პირველი ჯაზ-მომღერალი ქალი იყო. მისი კარიერა 1950-იანი წლების შუაში დაიწყო. ის მალევე გახდა საბჭოთა კავშირის ერთ-ერთი წამყვანი ჯაზ-მომღერალი ქალი. მისმა პოპულარობამ პიკს 1960-იანი წლების მეორე ნახევარში მიაღწია სოპოტის პოპ-ფესტივალზე შთამბეჭდავი გამოსვლის შემდეგ.

ნანა ფაჩუაშვილი

„ღვთაებრივი კომედია“, „ხანუმა“, „ჭინჭრაქა“, „კავკასიური ცარცის წრე“, „რიჩარდ III“, „ჯაყოს ხიზნები“… ეს იმ სპექტაკლების მცირე ჩამონათვალია, რომლებშიც ნანა ფაჩუაშვილმა კარიერის დაწყებიდან დღემდე ითამაშა. მდიდარია მისი ფილმოგრაფიაც - სხვადასხვა დროს მთავარი თუ მეორეხარისხოვანი როლი არაერთ ცნობილ ფილმში შეასრულა.

ლამარა აბჟანდაძე

ლამარა აბჟანდაძე 90 წელს გადაცილებული ბლოგერია. სპეციალობით პედაგოგია, მათემატიკის მასწავლებელი იყო.

"ადამიანმა ბარიერი საკუთარ თავს არ უნდა შეუქმნას. არ უნდა იფიქრო არცერთ ასაკში, რომ უნდა გაჩერდე − მაშინ მართლაც დამთავრდება ყველაფერი. ვიცი, რომ კიდევ ბევრი რამის გაკეთება შემიძლია და მინდა, გავაკეთო. მე კიდევ მინდა სიცოცხლე და განვითარება."

.