ალექსანდრა პაიჭაძე საცხოვრებლად მილანში გადავიდა: შეურიგდა თუ არა ცნობილი მოდელი დავით კოდუას - Marao

ცოტა ხნის წინ ალექსანდრა პაიჭაძე საცხოვრებლად მილანში გადავიდა. იქიდან კი ფოტოები პარტნიორთან, დავით კოდუასთან ერთად გამოაქვეყნა. რომანტიკულმა კადრებმა დიდი გამოხმაურება გამოიწვია - "რეიტინგის მამა - განახოთ სტატისტიკა?" - დაწერა მოდელმა ერთ-ერთ ფოტოზე.

განსაკუთრებული ყურადღება პაიჭაძისა და კოდუას მიმართ ახალი არ არის - წყვილი მედიის ინტერესის ობიექტად ჯერ კიდევ წლების წინ იქცა, როცა ალექსანდრა დიდი ხნის მანძილზე მალავდა დათოს ვინაობას, ბოლოს კი გაამხილა, რომ მისგან შვილს ელოდებოდა. შემდეგ იყო კონფლიქტი თავად დავით კოდუასა და მის ოჯახის წევრებს - ცოლსა და შვილებს შორის. მათთან დაპირისპირება ჰქონდა ალექსანდრა პაიჭაძესაც, დეტალების შესახებ მოდელმა მაშინ თავად ისაუბრა. 

• ალექსანდრა პაიჭაძე ყოფილი ქმრისა და შვილის ვიდეოს აქვეყნებს - ვინ არის ალექსანდრა პაიჭაძის ყოფილი ქმარი 

ცოტა ხნის წინ ალექსანდრამ დავით კოდუასთან დაშორების შესახებ დაწერა: "ბევრი ჭორის თავიდან აცილების მიზნით ვწერ ძვირფასებო. ჩვენ დავშორდით ოფიციალურად. მიჭირს, თუმცა დიდი მადლიერებით და სრულიად გაცნობიერებულად. საოცარი თავგადასავლებით სავსე ვნებათაღელვა, სიყვარული და თანაცხოვრება დასრულდა. ვრჩებით მეგობრებად სამუდამოდ და სულ ვიქნებით ერთმანეთის გულშემატკივრები. მადლობა დათუჩა ყველაფრისთვის, სიყვარულისთვის, თავგანწირვისთვის, გაბედნიერებისთვის! ყველაზე კეთილი ადამიანი ხარ ვისაც ვიცნობ და მინდა უბედნიერესი იყო სიცოცხლის ბოლომდე, რაც ჩვენ სამწუხაროდ აღარ გამოგვივა“, – წერდა ალექსანდრა პაიჭაძე სოციალურ ქსელში.

მოგვიანებით ალექსანდრამ გამომწერებთან კითხვა-პასუხის დროს, მისსა და საქართველოს ეროვნული ნაკრების მეკარის, გიორგი მამარდაშვილის შესახებ გავრცელებულ ჭორებზეც ისაუბრა, თითქოს მოდელმა მეკარეს პირად შეტყობინებაში საკუთარი შიშველი ფოტოები გაუგზავნა. ალექსანდრას ეკითხებოდნენ, იყო თუ არა დავით კოდუასთან დაშორების მიზეზი მამარდაშვილი, ალექსანდრა კი ამ ფაქტს უარყოფდა: 

• "თქვა, რომ მის სიყვარულს ვერ გავექცევი..." - ალექსანდრა პაიჭაძისა და დავით კოდუას ხმაურიანი ურთიერთობა და ოჯახური კადრები 

"აზ­რზე არ ვარ, მაგ­რამ პირ­ველ­წყა­რო ვიცი, ვინ­ცაა და იმას, მაგ ლა­მაზ ოჯახს ჩა­მო­ვა­შო­რებ­დი. იმე­დია, ჩა­მო­ი­შო­რა "მა­მარ­და­მაც" და ცოლ­მაც. მიყ­ვარს ორი­ვე, ულა­მა­ზე­სე­ბი არი­ან. ეგე­თი უტვი­ნო უნ­დათ გა­მო­მიყ­ვა­ნონ, რომ ეგ ლა­მა­ზი, ახა­ლი ოჯა­ხი და­ვა­ზი­ა­ნო. ან ჭო­რი­კა­ნა ფეხ­ბურ­თე­ლებს ჩემი "ნუდი" ჩა­ვუგ­დო. ქმა­რი მა­ინც არ მყო­ლო­და ნაკ­რე­ბი­დან, იცის ერ­თმა, იცის ათას­მა. ამას მხო­ლოდ უტვი­ნო გოგო მო­ი­ფიქ­რებ­და", - წერდა პაიჭაძე. 

ალექსანდრა პაიჭაძემ დავით კოდუასთან შერიგების შესახებ საჯაროდ საუბრისგან თავი შეიკავა, თუმცა მასთან ერთად გადაღებული რომანტიკული კადრები გაასაჯაროვა. ახლა წყვილი შვილთან ერთად იტალიაში იმყოფება. 

ალექსანდრა პაიჭაძის ყოფილი მეუღლე

მოდელის, ალექსანდრა პაიჭაძის ყოფილი ქმარი, გიორგი ხატიაშვილი, მოცეკვავისა და ტელეწამყვანის, ქეთევან ხატიაშვილის ბიძაშვილია. ალექსანდრას ვაჟი სწორედ გიორგისგან ჰყავს. წყვილი დიდი ხანია რაც ერთმანეთს დაშორდა, მათ დაშორებასთან დაკავშირებით უამრავი ჭორი იყო, თუმცა ალექსანდრას თქმით, მათი დაშორება აზრთა სხვადასხვაობამ გამოიწვია.