"ბოლო დროს ძალიან გახშირდა და რაღაც სეგმენტში ტრენდულიც კი გახდა დეზინფორმაციის გავრცელება და ადამიანისთვის ტყუილის დაბრალება, ცილისმწამებლური კამპანიების აგორება და, რაც მთავარია, მეც ვარ ერთ-ერთი მსხვერპლი ამგვარი ცილისწამების. ამას უკვე მივეჩვიე, რომ მეც და ჩემს ოჯახსაც გაფართოებული თვალებით, ჩასაფრებულები, გამადიდებელი შუშით გვაკვირდებიან და გვიყურებენ, მაგრამ ახლა ხდება ის, რომ პირდაპირ და ხელაღებით მაბრალებენ და ავრცელებენ, რომ მე ვარ სუს-ის მიერ დაქირავებული ტროლი.
თითქოს, სოციალურ ქსელებშიც სხვა სახელს და გვარს ვარ ამოფარებული. ეს კამპანია დიდი ხანია გრძელდება ჩემ წინააღმდეგ, თუმცა განსაკუთრებულად გამწვავდა ბოლო პერიოდში, ბოლო დღეებში და გამოიყენეს ჩემს დაბადების დღეზე გადაღებული ვიდეო, სადაც ჩემი მეგობრები მადღეგრძელებენ და ხუმრობით იმ ქალბატონის სახელით მომმართავენ, გაგიმარჯოსო - მეუბნებიან, რადგან სწორედ იმ დღეებში გავიგეთ რასაც მაბრალებდნენ.
ჯერ მართლა სასაცილოდ არ მყოფნიდა, ამაზე ვხუმრობდით მე და ჩემი მეგობრები და დაბადების დღესაც კი მილოცავდნენ, ამ ქალბატონის სახელით მომმართავდნენ, მაგრამ თანდათან მიიღო ამან ძალიან სერიოზული სახე და დაიწყეს უკვე სტატუსების წერა, პირდაპირ ხელის დადება, რომ თითქოს ასი პროცენტით იციან, რომ ვარ სუს-ის მიერ დაქირავებული ტროლი, ეს ბრალდებები სოციალურ ქსელში არამარტო სტატუსებშია, კომენტარებშიც კი ერთმანეთთან საუბრობენ - "კი, კი, უკვე დადგინდა, რომ ეს ნამდვილად ნანაა..."
პირდაპირ გვწერენ პირადში მეც და ჩემს ფეხმძიმე ქალიშვილს მტკიცებით ფორმაში, რომ, თითქოს, მე ვარ ეს ადამიანი და გვაყენებენ საშინელ შეურაცხყოფას და, რაც მთავარია, ეს წერილები არის მუქარის შემცველიც. აყენებენ შეურაცხყოფას ჩემს გარდაცვლილ მშობლებს, ჩემს უსაყვარლეს მამიდას, წყევლა-კრულვასაც არ იშურებენ, სხვათა შორის.
მოკლედ, მე ვაპირებ შევიტანო საჩივარი კონკრეტული ადამიანების წინააღმდეგ, მე მათ სახელებსა და გვარებს აქ არ დავასახლებ, დიდი პატივი იქნება ამ ეთერიდან ჩემგან მათი სახელების და გვარების წარმოთქმა. მინდა, მივმართო ყველას, ჩემი ოჯახის გულშემატკივრებს, რომ მე ვარ ნანა ლორთქიფანიძე, რასაც ვამბობ ან ვწერ, ვაკეთებ, მხოლოდ ჩემი, ნანა ლორთქიფანიძის სახელით და არაფერში მჭირდება, რომ ამოვეფარო ფსევდო სახელს. მე და ჩემს ოჯახს ძალიან სერიოზული და მორალური ზიანი მოგვადგა და, ამიტომ, მე ვუპასუხებ კანონის გზით. შესაბამისად, ამ ადამიანებს, ცილისმწამებლებს, მოუწევთ, რომ სასამართლოში მტკიცებულებები წარადგინონ ჩემ წინააღმდეგ" - თქვა "იმედის" ეთერში მსახიობმა ნანა ლორთქიფანიძემ.
ამ განცხადებას გამოეხმაურა მისი ქალიშვილი, მსახიობი ქეთი წიქვაძეც: "ფრთხილად იყავით, ცილისწამებასა და მუქარას კარგი არავისთვის მოუტანია", - დაწერა მან.
მსახიობი ქეთი წიქვაძე მაყურებელმა სერიალიდან „ჩემი ცოლის დაქალებიდან“ გაიცნო, სადაც ის ჩიკას მეგობრის, ლეკას როლს ასრულებდა. ქეთი ხელოვანი ადამიანების ოჯახში გაიზარდა - ის ცნობილი ქართველი რეჟისორის, გიგა ლორთქიფანიძის შვილიშვილი და მსახიობი ნანა ლორთქიფანიძის შვილია.
"ჩემი ოჯახი ჩემი სიამაყეა. ბაბუ, ვიცი, რომ ძალიან მკაცრი იყო გადაღებებზე, თუმცა მისი პროფესიონალიზმიდან გამომდინარე სიმკაცრის გამო არავის სძულდა. პირიქით, მსახიობებს ის სწორედ ამის გამო უყვარდათ", - ამბობდა ქეთი.
ცოტა ხნის წინ ცნობილი გახდა, რომ ქეთი წიქვაძე და ნიკა არველაძე შვილს ელოდებიან. ქეთი გიგა ლორთქიფანიძისა და ქეთევან კიკნაძის შვილიშვილია. ნიკა თეონა თავართქილაძისა და რეზი არველაძის უფროსი ვაჟია.
"მე და ნიკა ბევრი წელია ერთმანეთს ვიცნობთ, დიდი ხანია ერთად ვართ. ერთმანეთი ოჯახების მეშვეობით არ გაგვიცნია, თუმცა, ჩვენი ოჯახები ახლობლობენ და ზუსტად ეს ახლობლობა იყო იმის მიზეზი, რომ ჩვენი ერთად ყოფნა უფრო საპასუხისმგებლო და მოსაფრთხილებელი ყოფილიყო. იგივე პასუხისმგებლობა გვქონდა ჩემი შვილების მიმართ; არ გვინდოდა ჩემი პირადი ცხოვრება, ჩემი ბიჭებისთვის, რაიმეთი მტკივნეული ყოფილიყო. ამიტომ ძალიან ფრთხილად მოვეკიდეთ ამ ყველაფერს და ასეც მოხდა..." - წაიკითხეთ სრულად