რატომ უნდა გამოვიყენოთ მზისგან დამცავი, ღრუბლიან ამინდშიც კი და როგორ შევარჩიოთ ის? - Marao

დერმატოლოგები თანხმდებიან, რომ მზისგან დამცავი კანის მოვლის რუტინის მთავარი პროდუქტია, რომელიც არასდროს უნდა უგულებელვყოთ. 

ის გვეხმარება ნაოჭების, წვრილი ხაზების, პიგმენტაციისა და რაც მთავარია, მელანომის პრევენციაში. იმის გათვალისწინებით, რომ ულტრაიისფერი გამოსხივება დაბერების ერთ-ერთი წამყვანი მიზეზია, მზისგან დამცავის რეგულარულად გამოყენება ეფექტურად დაიცავდა თქვენს კანს.

დერმატოლოგები გვირჩევენ, რომ მზისგან დამცავი საშუალებები დავიტანოთ როგორც გარეთ ყოფნისას, მათ შორის ღრუბლიან ამინდში, ისე შენობაშიც, სადაც UVA/UVB გა­მოს­ხი­ვე­ბა მარტივად აღწევს. 

რატომ აბერებს UVA/UVB გამოსხივება კანს და რატომ არის მისგან თავის დაცვა კრიტიკულად მნიშვნელოვანი?

UVA – (Ultraviolet A Rays) - ულტრა­ი­ის­ფე­რი A სხი­ვე­ბი გან­სა­კუთ­რე­ბით აქ­ტი­უ­რია 10:00 საათიდან 16:00 სა­ა­თამ­დე, ღრმად აღ­წევს კა­ნის შრე­ებ­ში, აჩ­ქა­რებს და­ბე­რე­ბას, იწ­ვევს მუტაციურ პრო­ცესს, რაც შემ­დგომ­ში შე­იძ­ლე­ბა უჯრე­დე­ბის გა­დაგ­ვა­რე­ბი­სა და მათ შორის სიმსივნური პრო­ცე­სე­ბის დაწყების მიზეზი გახდეს. 

 UVB – (Ultraviolet B Rays) - ულტრა­ი­ის­ფე­რი B სხი­ვე­ბი UVA-ს მსგავ­სად 10:00-დან 16:00 საათამდეა გან­სა­კუთ­რე­ბით აქ­ტი­უ­რი, ამი­ტომ დერ­მა­ტო­ლო­გე­ბი გვირ­ჩე­ვენ, ამ პერიოდ­ში პირდაპირი მზის სხი­ვე­ბის ზე­მოქ­მე­დე­ბას მო­ვე­რი­დოთ. სწო­რედ UVB სხივე­ბის­გან ვი­ღებთ დამ­წვრო­ბა­სა და რუჯს. მზის­გან დამ­ცა­ვი სა­შუ­ა­ლე­ბა კი ზი­ა­ნის გარკვე­ულ­წი­ლად შემცირებაში გვეხ­მა­რე­ბა. 

როგორ შევარჩიოთ ჩვენზე მორგებული მზისგან დამცავი?

მზისგან დამცავი საშუალებები სხვადასხვა ფორმულისგან იქმნება და სხვადასხვანაირად „ანეიტრალებს“ UVA/UVB სხივებს. არსებობს ქიმიური და მინერალური (ფიზიკური) მზისგან დამცავები და ორივე მათგანი 15>-ის გამოყენების შემთხვევაში ეფექტურად გვიცავს.

ქიმიური ფორმულისგან შექმნილი დამცავი იწოვება კანში ფილტრავს მზის სხი­ვებს, გარდაქმნის და გა­მო­დევ­ნის მათ ორ­გა­ნიზ­მი­დან. აღ­ნიშ­ნუ­ლი ფორ­მუ­ლით შედ­გე­ნი­ლი პროდუქტების ტექ­სტუ­რა თხე­ლია, გა­ცხი­მოვ­ნე­ბის გა­რე­შე ატე­ნი­ა­ნებს კანს. სწორედ ამიტომ სახის კანის ყოველდღიურ რუტინაში დამატენიანებელ საშუალებასთან ერთად შეიძლება ის უფრო კომფორტული არჩევანი იყოს და მაკიაჟის ბაზადაც გამოგვადგეს.

რაც შეეხება მინერალურ მზისგან დამცავს, ის წარმოქმნის ბარიერს, რომელიც აირეკლავს მზის სხივებს და გვიცავს მისი ზემოქმედებისგან. ამგვარი დამცავი, განსაკუთრებით იმ შემთხვევაში, თუ თეთრ ლაქებს ტოვებს, შეიძლება ნაკლებად კომფორტული იყოს ყოველდღიურ რუტინაში, თუმცა ეფექტურად დაგვიცავს სანაპიროსა თუ აუზზე, სადაც ინტენსიური მზის სხივების ზემოქმედების ქვეშ ვართ. 

თუ მთელს დღეს გარეთ ვატარებთ, პროდუქტი ყოველ 2 საათში ერთხელ უნდა დავიტანოთ კანზე და კარგად გადავინაწილოთ. ასეთ დროს განსაკუთრებით კომფორტულია მყარი, ე.წ Stick-ის ფორმის მზისგან დამცავის გამოყენება, რადგან მარტივად ვიცავთ ჰიგიენას და ნებისმიერ ადგილზე შეგვიძლია მისი წასმა, ქუჩაში, სანაპიროზე, ტრანსპორტში თუ სხვა. 

მყარ მზისგან დამცავ საშუალებებს შორის ერთ-ერთი საუკეთესოა ფრანგული ბრენდის „კოდალის“ (Caudalie) კომპაქტური პროდუქტი 50-იანი ფაქტორით, რომელიც ერთდროულად გამოიყენება სახის კანსა და ტუჩზე, არ ტოვებს კვალს, არ აქვს ზეთოვანი სტრუქტურა და მარტივად იწოვება.

როგორც წესი, ქიმიურ ფორმულაზე დაფუძნებული პროდუქტები (ავობენზონი, ოქსიბენზონი და ოქტოკრილენი) უფრო უკეთ ერგება ცხიმიან და კომბინირებულ კანს. ფიზიკური დამცავები დაფუძნებულია ტიტანის დიოქსიდსა და თუთიის ოქსიდზე და როგორც წესი, უფრო სქელი კონსისტენცია აქვს, ამიტომ შეიძლება იდეალური იყოს მშრალი და ნორმალური კანისთვის. 

გირჩევთ, დამცავი შენობის დატოვებიდან მინიმუმ 15 წუთით ადრე გადაინაწილოთ კანზე და დაელოდოთ მის აქტივაციას. 

თუ პიგმენტური ლაქებისკენ მიდრეკილი კანი გაქვთ და ეს პრობლემა გაზაფხული-ზაფხულის სეზონზე კიდევ უფრო მწვავდება, გირჩევთ, ერთდროულად გამოიყენოთ სპეციალური შრატი და მზისგან დამცავი ფაქტორი, რომლისგანაც ორმაგ სარგებელს მიიღებთ. 

კოდალის შრატი Vinoperfect-ის ხაზიდან ეფექტურად შეგიმცირებთ პიგმენტურ ლაქებს, რაც მთავარია, არის არაკომედოგენური და არ შეიცავს სილიკონს, პარაბენებსა და ცხოველური წარმოშობის ინგრედიენტებს.  მზისგან დამცავი ფილტრი კი უზრუნველყოფს, არ წარმოიქმნას ახალი პიგმენტური ლაქები და წვრილი ხაზები. 

მნიშვნელოვანია ზაფხულის სეზონს მომზადებულები შევხვდეთ, რათა ჩვენი კანი დავიცვათ დაბერებისა და რთული ქრონიკული დაავადებებისაგან, მზისგან დამცავი ფილტრები კი ამაში აუცილებლად დაგვეხმარება. 

R