რა ღირს Hermès-ის ლეგენდარული მოდელი, რომლითაც კვარაცხელიამ სოციალური ქსელი აალაპარაკა - Marao
რა ღირს Hermès-ის ლეგენდარული მოდელი, რომლითაც კვარაცხელიამ სოციალური ქსელი აალაპარაკა
საქართველოს ეროვნული ნაკრების მთავარმა მწვრთნელმა, ვილი სანიოლმა 2026 წლის მსოფლიო ჩემპიონატის საკვალიფიკაციო ეტაპის პირველი ორი მატჩისთვის გუნდის შემადგენლობა დაასახელა. ფეხბურთელებმა კი შეკრება უკვე დაიწყეს. მათი ოფიციალური ფოტოები ეროვნულმა ნაკრებმა გაავრცელა.
ქართველი ფეხბურთელების განსაკუთრებულმა სტილმა ყურადღება მალევე მიიქცია. უამრავი კომენტარი დაიწერა ხვიჩა კვარაცხელიას Hermès-ის ბირკინის ჩანთის შესახებ.
ქართველი ვარსკვლავი ეროვნული ნაკრების მიერ გავრცელებულ ფოტოებში Hermès-ის ლეგენდარული მოდელითაა წარმოდგენილი. დიდი ზომის ეს შავი ბირკინი "იუნისექს" მოდელად ითვლება და მას არაერთი ცნობილი ვარსკვლავი იყენებს - ამ გამორჩეული ჩანთით კი ხვიჩა კვარაცხელია კიდევ უფრო ბრწყინავს.
Hermès-ის ბირკინის ამ ჩანთის საშუალო ფასი ბაზარზე საშუალოდ $9 000-$14 000 მერყეობს.
Hermès-ისა და ბირკინის ისტორია
Hermès აწარმოებს ყველაზე სასურველ ძვირადღირებულ ჩანთებს... კომპანია მკაცრად ზღუდავს მიწოდებს, შესაბამისად, ამ ბრენდის პროდუქტის შეძენა არც თუ ისე მარტივია. ბუნებრივია, ყველას აინტერესებს, თუ როგორ იყიდოს მსოფლიოში ყველაზე მოთხოვნადი ჩანთა:
მსოფლიოში ყველაზე ცნობილი ჩანთა ბირკინი 80-იანი წლების დასაწყისში შეიქმნა. ჯეინ ბირკინი ერთხელ მგზავრობდა Hermès -ის სახლის მეპატრონე ჟან-ლუი დიუმასთან ერთად და მასთან საუბარში დაიჩივლა, რომ ჩანთას Hermès Kelly მოუხერხებელი შესაკრავი ჰქონდა და მასში სამგზავროდ აუცილებელ ნივთებს ვერ ატევდა.
ჟან-ლუი დაპირდა მას, რომ სპეციალურად მისთვის შექმნიდა ჩანთას. 1984 წელს გაჩნდა Hermès-ის ლეგენდარული ჩანთა, რომელსაც ჯეინის პატივსაცემად დაარქვეს -ბირკინი.
Hermès-ის ჩანთები დამზადებულია უმაღლესი ხარისხის ტყავისგან. თითოეული ჩანთა იჭრება, იკერება და პრიალდება ერთი ხელოსნის მიერ, რომელიც ტრენინგს Hermès-ის დიზაინის სახლში მინიმუმ ხუთი წლის განმავლობაში გადის. სამუშაო ხანგრძლივია, ხოლო საბოლოო ხარისხი- დახვეწილი.
იცოდით, რომ 80-ზე მეტი Hermès-ის ჩანთის სტილია წარმოებაში? მათ შორისაა ლინდი , პიკოტინი , ეველინი , ბოლიდი და მრავალი სხვა . იმის გარკვევა, თუ როგორ იყიდოთ Hermès-ის ჩანთა, საკმაოდ მარტივია. მათი შეძენა შესაძლებელია ონლაინ ან ბრენდის მაღაზიაში.
თუმცა, ჰერმესის მოყვარულებს ყველაზე მეტად უყვართ ბირკინის, კელის და კონსტანსის ჩანთები. აქედან გამომდინარე, მათი გაყიდვა ძალიან შეზღუდულია.
ჰერმესის ჩანთის ყიდვის საუკეთესო გზა?არსებობს ორი სრულიად განსხვავებული პასუხი იმის შესახებ, თუ სად ვიყიდოთ Hermès-ის ჩანთა: Hermès-ის მაღაზიაში ან გამოცდილი დამოუკიდებელი დილერისგან.
რაც შეეხება იმას, თუ როგორ უნდა შეიძინოთ Hermès-ის ჩანთა ბრენდის მაღაზიაში, ეს ყველაფერი იწყება ჰერმესის გაყიდვების კონკრეტულ ასოციაციასთან (SA) ურთიერთობის განვითარებით. ამისთვის შემდგი რამ უნდა გააკეთოთ:
კარგად ჩაიცვით ბუტიკში სტუმრობისას - სასურველია Hermès-ის ტანსაცმელი და ფეხსაცმელი. აჩვენეთ ცოდნა მთელი ჰერმესის ხაზის, ასევე კონკრეტულად ბირკინის ან კელის შესახებ.გააკეთეთ მრავალჯერადი შესყიდვები ერთსა და იმავე Hermès-ის ბუტიკში, იდეალურად ერთი და იგივე SA-ით, რათა დაამყაროთ შესყიდვების ისტორია (ანუ თქვენი „პროფილი“).