ალა პუგაჩოვას ხმაურიანი ინტერვიუ: "არის ასეთი ცნება - სინდისი. ის დიდებაზე, ფუფუნებაზე და საერთოდ, ყველაფერზე ძვირფასია..." - Marao
ალა პუგაჩოვას ხმაურიანი ინტერვიუ: "არის ასეთი ცნება - სინდისი. ის დიდებაზე, ფუფუნებაზე და საერთოდ, ყველაფერზე ძვირფასია..."
ლეგენდარულმა რუსმა მომღერალმა ალა პუგაჩოვამ რუსეთიდან წასვლის შემდეგ პირველი ინტერვიუ მისცა. შეგახსენებთ, რომ 2022 წელს, რუსეთის უკრაინაში შეჭრის მომღერლის მეუღლე, შოუმენი მაქსიმ გალკინი „უცხოურ აგენტად“ გამოაცხადეს, რის შემდეგაც ცოლ-ქმარმა რუსეთი დატოვა.
„არის ასეთი ცნება - სინდისი. ის დიდებაზე, ფუფუნებაზე და საერთოდ, ყველაფერზე ძვირფასია. პატრიოტიზმი სწორედ ის არის, როდესაც სამშობლოს ეტყვი, რომ ის არ არის მართალი“, - ამბობს პუგაჩოვა.
„როგორ მძულს, როდესაც პრიმადონას მეძახიან. „პრიმადონა“ სიმღერის სახელწოდებაა, მე კი ქალი ვარ, რომელიც მღერის“, - ამბობს მომღერალი.
მისი თქმით, თავდაპირველად ის პუტინის ფანი იყო და მხარს უჭერდა რუსეთის პრეზიდენტს.
„ის საოცრად სწორ რაღაცებს ლაპარაკობდა, მათ შორის უკრაინაზეც. საერთოდ, რასაც მე ვფიქრობდი, სწორედ იმას ლაპარაკობდა“, - თქვა პუგაჩოვამ.
მისი თქმით, წყალქვეშა ნავის „კურსკის“ ტრაგედიის შემდეგ, მისი დამოკიდებულება პუტინის მიმართ შეიცვალა.
წაიკითხეთ სრულად აქ
ალა პუგაჩოვა და მაქსიმ გალკინი
მაქსიმ გალკინი და ალა პუგაჩოვა რუსული შოუბიზნესის გამორჩეული ფიგურები არიან.
ალა პუგაჩოვა საბჭოთა და რუსული ესტრადის პრიმადონად ითვლება, რომლის კარიერა 1960-იანი წლიდან იწყება. იგი ცნობილია მრავალი ჰიტით და დღემდე სარგებლობს პოპულარობითა და სიყვარულით.
მაქსიმ გალკინი კომიკოსი, ტელეწამყვანი და იმპრესიონისტია, რომელმაც პოპულარობა 2000-იან წლებში მოიპოვა. იგი ცნობილია თავისი იუმორისტული ნომრებითა და სატელევიზიო შოუებით.
მათი ურთიერთობა 2001 წელს დაიწყო, ხოლო 2011 წელს დაქორწინდნენ. 2013 წელს სუროგაციის გზით შეეძინათ ტყუპები - ლიზა და ჰარი.
2022 წელს, უკრაინაში მიმდინარე მოვლენების ფონზე, ოჯახი რუსეთიდან ისრაელში გადავიდა საცხოვრებლად. გალკინმა ისრაელში საკონცერტო ტურნე გამართა, ხოლო მათი შვილები სწავლას ადგილობრივ სკოლაში აგრძელებდნენ.
მიუხედავად იმისა, რომ მედიაში მათი დაშორების შესახებ ჭორები ვრცელდებოდა, ამის ოფიციალური დასტური არ არსებობს. ოჯახი მანამდე აგრძელებდა ისრაელში ცხოვრებას, სანამ იქ სამხედრო მოქმედებები დაიწყებოდა. მას შემდეგ ალა და გალკინი შვილებთან ერთად კვიპროსზე, ლიმასოლში გადავიდნენ, სადაც სახლი პანდემიის დაწყებამდე შეიძინეს. მიუხედავად იმისა, რომ ოჯახის ყველა წევრმა ევროპული პასპორტი მიიღო, მშობლებმა ბავშვებისთვის შესაფერისი სკოლა კვიპროსზე ვერ იპოვეს და სასწავლელად ლონდონში გაუშვეს.
იმის გამო, რომ გალკინი ხშირად მოგზაურობს და აწყობს კონცერტებს სხვადასხვა ქვეყანაში, ალას ლიმასოლში თითქმის მარტო უწევს ცხოვრება. მისთვის ეს კლიმატი შესაფერისი არ არის და, როგორც მედია წერს, ჯანმრთელობის პრობლემები აქვს...