VALENTINO-ს პიჯაკი და ძვირადღირებული ჩანთა: როგორ გამოიყურებოდა ნანუკა გუდავაძე დღეს არჩევნებზე - Marao
VALENTINO-ს პიჯაკი და ძვირადღირებული ჩანთა: როგორ გამოიყურებოდა ნანუკა გუდავაძე დღეს არჩევნებზე
ნანუკა გუდავაძე დღეს, 4 ოქტომბერს არჩევნებზე ოჯახთან ერთად მივიდა. მან ამ დღისთვის VALENTINO-ს კლასიკური ორეული, პიჯაკი და კაბა შეარჩია, რომელიც იტალიურ ბრენდის, Loro Piana-ს პატარა ზომის ჩანთას შეუხამა.
ნანუკას პიჯაკის ფასი 3 200 ევროა, ხოლო კაბის - 4 200.
რაც შეეხება ნანუკა გუდავაძის მიერ შერჩეულ ჩანთას, ის ძვირადღირებულ იტალიურ ბრენდს ეკუთვნის, რომელიც ფუფუნების საგნების შექმნაზეა ორიენტირებული. Loro Piana ცნობილია ტანსაცმლის, ტყავის ნაწარმის, ფეხსაცმლის, სუნამოების და მასთან დაკავშირებული აქსესუარების ავთენტური და გამორჩეული დიზაინით. ნანუკა გუდავაძის ჩანთა სწორედ ერთ-ერთი ასეთი ნიმუშია, რომლის ღირებულებაც 5 100 დოლარია.
ნანუკა გუდავაძე
ბერა ივანიშვილი და ნანუკა გუდავაძე სოციალურ ქსელში აქტიურობით არ გამოირჩევიან. მათ ცხოვრებაში იყო ეტაპი, როცა ისინი კორეაში ცხოვრების დროს გატაცებული იყვნენ ტიკტოკის სახალისო ტრენდების გადაღებით. მაშინ მეგობრებთან ერთად ბერა და ნანუკა თითქმის ყოველდღიურად აზიარებდნენ ვიდეოებს. ამჯერად კი ისინი ცხოვრების უფრო მშვიდ სტილს ირჩევენ და თითქმის არასდროს ჩნდებიან სოციალურ ქსელში.
ნანუკა გუდავაძე ბერასთან ქორწინებამდე საქართველოს მორაგბეთა ნაკრების კაპიტნის, მერაბ შარიქაძის შეყვარებული იყო. წყვილის დაშორების შემდეგ გოგონა მალევე დაინიშნა ბერა ივანიშვილზე. თუმცა, ერთ-ერთ ინტერვიუში კაპიტანმა თქვა, რომ ბერა არ ყოფილა მათი დაშორების მიზეზი.
ახლა ძირითადად ტიკტოკზე ვიდეოების გადაღებითა და შვილების მოვლით არის დაკავებული. შეგახსენებთ, რომ მილიარდერმა მამამთილმა რამდენიმე ნანუკას სამშობიაროდ მინი საავადმყოფო მოუწყო. ივანიშვილების ოჯახმა რძლის მშობიარობისთვის სპეციალურად უცხოეთის წამყვანი ექიმებიც კი მოიწვიეს საქართველოში.
ბერა ივანიშვილი და ნანუკა გუდავაძე
ბერა ივანიშვილმა და ნანუკა გუდავაძემ 2018 წელს იქორწინეს. მათ პირველი შვილი, ბერუკა ივანიშვილი, 4 წლის წინ, 29 ნოემბერს შეეძინათ. ცოტა ხნის წინ, 2023 წლის 20 მარტს კი, მეორე ვაჟის, დადუ ივანიშვილის მშობლები გახდნენ.
ბერა ივანიშვილი ფართო საზოგადოებამ მას შემდეგ გაიცნო, რაც მისი მამა, ბიზნესმენი და პოლიტიკოსი ბიძინა ივანიშვილი, აქტიურ პოლიტიკაში მოვიდა. სწორედ ამის შემდეგ გახდა ბერა, როგორც მომღერალი, მუსიკოსი და კომპოზიტორი განსაკუთრებით პოპულარული, მისი სიმღერები კი - ცნობილი.
მისმა პირველმა სინგლმა, Favorite Things, მსმენელებისგან მალევე დაიმსახურა მოწონება. ამის შემდეგ კინოთეატრ „რუსთაველში“ შედგა მისი მუსიკალური ვიდეოს — „ჰიპ-ჰოპ ვალსის“ პრემიერა. ვიდეო გადაღებულია ნიუ-იორკში ფრანგი რეჟისორის, რეი ქეის მიერ.
ბერას მომდევნო სინგლმა — Don't Worry, არანაკლები პოპულარობა მოუტანა მომღერალს. აქვს ჩაწერილი ამერიკელ რეპერ Lil PLayy-სთან, სიმღერაზე Summertime.
2011 წლის შემოდგომაზე ბერამ მამამისის, ბიძინა ივანიშვილის მხარდასაჭერად გამოუშვა მუსიკალური ვიდეო „ქართული ოცნება“. ამით მან მამის მხარდამჭერებშიც გაიჩინა მსმენელები. ამავე წლის 11 დეკემბერს, პოლიტიკური კოალიცია — „ქართული ოცნების“ პრეზენტაციაზე შედგა მისი კიდევ ერთი ახალი მუსიკალური ვიდეოს — „გპირდების“ პრემიერა.
2013 წელს ბერას ჰქონდა რიგით მეორე ტურნე „ჩვენ ვართ საქართველო“.
2014 წელს ბერა წავიდა აშშ-ში და იქ აგრძელებს კარიერას. მას ურთიერთობა ჰქონია ისეთ მომღერლებთან, როგორებიც არიან: კრის ბრაუნი, რიანა, ჯასტინ ბიბერი, მაილა ჯეი, ბასტა რაიმზი, უაიკლეფ ჟანი და სხვები. 2014 წლის 24 ნოემბერს მან გამოუშვა ახალი ვიდეო, სახელწოდებით Calypso Love“, რომელიც მის გულშემატკივრებში პოპულარული გახდა.
2015 წლის 8 იანვარს კინოთეატრ "რუსთაველში" გაიმართა ბერას ახალი მუსიკალური ვიდეოს, სახელწოდებით Tickets to the Movies – პრემიერა. 16 იანვარს მან გამოუშვა კიდევ ერთი ახალი ნამუშევარი Don't Go.
2015 წლის აგვისტოში ბერამ გამოუშვა ახალი მუსიკალური ვიდეო სიმღერაზე I Look Good on You. ამ ვიდეოს რეჟისორი იყო ამერიკელი ახალგაზრდა დამწყები რეჟისორი ნეშ გრიერი. ვიდეომ ერთ დღეში ნახევარ მილიონზე მეტი ნახვა დააგროვა. ოქტომბერში ბერამ გრიერი საქართველოში ჩამოიყვანა და გულშემატკივრებს შეახვედრა.