"მამიდა ინ ექშენ... "ეს ქალი"-ს ძახილს რა მიზანი აქვს?" - თეა წულუკიანი თბილისში მომხდარი დაპირისპირების შესახებ წერს - Marao

"მამიდა ინ ექშენ. "ეს ქალი"-ს ძახილს რა მიზანი აქვს?? აჰ, "იმ ქალის" ბრალია ყველაფერი და თვითონ არის სპეტაკის მამიდა... "იმ ქალს" ექნება ალბათ ჯანმრთელობის საბუთები, სათანადო არგუმენტები, მათ შორის, მის სამწუხაროდ დანგრეულ ცხოვრებასთან დაკავშირებით, მაგრამ თქვენს მხარეს რა არგუმენტია, ის, რომ მამიდა ხმას კარგად აკანკალებს?!

ძვირფასო მამიდა, ხმის აკანკალებას თავი დაანებეთ და "კანონი და სამართლიანობის" ფარგლებში იმოქმედეთ, შეაფასეთ ასევე დაზარალებულის მდგომარეობაც ! აჰ, არ გინდათ, იმიტომ რომ, ამ შემთხვევაში, დაზარალებულზე საუბარი არ გაწყობთ??! და "იმ ქალზე" ხელის შეწმენდას თავი დაანებეთ, რადგან ეს უზნეობაა, რაც თქვენს ძმის შვილს არ უკადრია და სავარაუდოდ არც მერე იკადრებს.

და ნუ შეგვაწუხეთ თქვენი პირადი პრობლემებით, ყველას ჰყავს ოჯახი, რაც მამიდას ყოველთვის ცალ ფეხზე ეკიდა. სულ მე, მე რა, (საბჭოელი) თხა ხართ? ნეტავ, დაზარალებულს არ მოსთხოვდეთ იქით პასუხს იმაზე, რომ ბაბუამისს ჯანუკი არ ერქვა და რაღას დავეძებ. ძალით ევროპიელები, ესენი", - წერს სოციალურ ქსელში თეა წულუკიანი და თბილისში მომხდარ დაპირისპირებას ეხმაურება. 

5 ნოემბერს შინაგან საქმეთა სამინისტრომ გაავრცელა კადრები, სადაც ჩანს, როგორ ძალადობს 6 მამაკაცი ერთ-ერთი სუპერმარკეტის 2 თანამშრომელზე. ფაქტს წინ უძღოდა მანანა გიორგობიანის ინციდენტი, როცა მას შელაპარაკება მოუვიდა და სწორედ მან დაურეკა ძალადობაში მონაწილე 6 პირს დახმარებისთვის. 

თეა წულუკიანი საკუთარ გვერდზე გამოქვეყნებულ ამ პოსტში თაკო ჩარკვიანს მიმართავს. თაკო ჩარკვიანის ძმისშვილი, ჯაკო ჩარკვიანი იმ 6 პირს შორის ერთ-ერთია, ვისაც მანანა გიორგობიანმა დახმარებისთვის დაურეკა. 

• "დაურეკა თავისი გარდაცვლილი ბავშვობის მეგობრის დედამ - მცემენო. ყველაფერია ვიდეოში. ეს ქალი ყვირის კიდეც, რომ "დავურეკავ", ამ ფრაზას ამბობს. ეტყობა, დაურეკა, როგორც მე გავიგე, რა ვიცი... ეს ქალი მანამდე ჩხუბობს. არის ერთი ამბავი. მერე, როგორც ჩანს, ურეკავს, რომ მცემენ და მომეშველეო. ძალიან მეცოდება ჯაკო, ძალიან კარგი ბიჭია. ძალიან მებრალება. მკვდარი ამხანაგის დედა რომ დაგირეკავთ, მცემენო, ალბათ ჩახვალ, ხომ?! შვილისტოლა ბიჭს როგორ უნდა დაურეკო, ნუ რა არის. არ არის ეს ნორმალური. კონსულტანტთან მოუვიდა რაღაც ჩხუბიო ამ ქალს. ცოდოა ამ საქმისთვის, ახალგაზრდა კაცი რომ ასე უბრალოდ დაისაჯოს," - თქვა თაკო ჩარკვიანმა, ჯაკო ჩარკვიანის მამიდამ „ტვ პირველათან“ კომენტარში.

• "თა­ვი­სი ფე­ხით მი­ვი­და ჯაკო ად­ვო­კატ­თან ერ­თად პო­ლი­ცი­ა­ში, რამ­დე­ნი­მე სა­ა­თი გა­ვი­და უკვე. არ ვიცი რა ჩვე­ნე­ბა მის­ცა, მაგ­რამ ფაქ­ტი მოხ­და ასე, ჯაკო და მისი მე­გობ­რე­ბი სვამ­დნენ, ამ დროს და­უ­რე­კა მისი გარ­დაც­ვლი­ლი მე­გობ­რის დე­დამ, მან­ჩო გი­ორ­გო­ბი­ან­მა კი­ვი­ლით, მიშ­ვე­ლეთ, მცე­მე­სო. უთხრა რომ შვე­ლა სჭირ­დე­ბო­და. მთვრა­ლი ბი­ჭე­ბი მი­ვიდ­ნენ და მოხ­და ის, რაც ვნა­ხეთ კად­რებ­ში.. მე ვფიქ­რობ ჩემ­თვის, მთვრა­ლე­ბი რომ არ ყო­ფი­ლიყ­ვნენ, შე­იძ­ლე­ბა გა­ერ­კვი­ათ დე­ტა­ლე­ბი, მე არა­ნა­ი­რად არ ვა­მარ­თლებ ამ ქმე­დე­ბას, ბევ­რმა რა­ტომ­ღაც აღიქ­ვა ასე, რომ თით­ქოს ვა­მარ­თლებ. არა, არა­ვი­თარ შემ­თხვე­ვა­ში არ ვა­მარ­თლებ, კი­თხვებს ვსვამ და ვკი­თხუ­ლობ.

  მან­ჩო გი­ორ­გო­ბი­ა­ნი ამ ხე­ლი­სუფ­ლე­ბის მე­ხოტ­ბეა, შე­მომ­წირ­ვე­ლი, ამ ქალ­მა რა­ტომ არ და­რე­კა პო­ლი­ცი­ა­ში? მის­თვის ხომ არის სან­დო პატ­რუ­ლი. ამის ნაც­ვლად მთვრალ ბი­ჭებს და­უ­რე­კა. არა­ნა­ი­რი გა­მარ­თლე­ბა მომ­ხდარს არ აქვს, შენი შვი­ლის ტოლა ბი­ჭებს რა­ტომ უნდა და­ურ­ე­კო? პრო­ვო­კა­ცია მგო­ნია ეს ყვე­ლა­ფე­რი. გაშ­ტე­რე­ბუ­ლე­ბი ვსხედ­ვართ მთე­ლი ოჯა­ხი. მე პი­რა­დად ჯაკო არ მი­ნა­ხავს, მარ­თლა შოკი მი­ვი­ღე ეს ამ­ბა­ვი როცა გა­ვი­გე ჟურ­ნა­ლის­ტე­ბის­გან, მერე კად­რე­ბი რომ ვნა­ხე, გა­ვოგნ­დი. წარ­მო­უდ­გე­ნე­ლია. არ ვიცი, რა ვთქვა. სა­ა­თე­ბია უკვე თა­ვი­სი ფე­ხით მი­ვი­და. არ ვიცი თვი­თონ რა ჩვე­ნე­ბა მის­ცა. კი­დევ კარ­გი იმ ბი­ჭებს რამე არ და­ე­მარ­თათ, სა­ერ­თოდ და­ვი­ღუ­პე­ბო­დით" - ამ­ბობს თაკო ჩარ­კვი­ა­ნი.

ვინ არის ჯაკო ჩარკვიანი 

ჯაკო ჩარკვიანის სახელი და გვარი ბოლო წლების მანძილზე მედიაში არაერთხელ გაჟღერებულა - 2016 პირ­ველ ოქ­ტომ­ბერს, სა­ღა­მოს 7-ის ნა­ხე­ვარ­ზე,­ დო­ლი­ძის ქუ­ჩა­ზე, სა­კუ­თა­რი­ სახ­ლის სა­დარ­ბა­ზოს­თან, კომ­პო­ზი­ტორ მამუ­კა ჩარ­კვი­ა­ნის 19 წლის ვაჟს - ჯაკო (ჯან­სუღ) ჩარ­კვი­ანს ცე­ცხლსას­რო­ლი­ იარა­ღი­დან სამი ტყვია ეს­რო­ლეს. სა­ბედ­ნი­ე­როდ, არც ერთი ჭრი­ლო­ბა სიცო­ცხლის­თვის სა­ში­ში არ აღ­მოჩ­ნდა.

„ჯა­ნუ­კის სა­დარ­ბა­ზო­დან ათი­ო­დე­ მეტრში­ ეს­რო­ლეს. მა­ნამ­დე, ერთი სა­ა­თით­ ადრე ვნა­ხე, საქ­მე­ზე მი­დი­ო­და. ღმერ­თმა­ დაგ­ვი­ფა­რა, რომ გა­დავ­რჩით - ორი ტყვია ფეხ­ში, ერთი კი იღ­ლი­ა­ში აქვს ნას­რო­ლი”, - ამბობდა მაშინ თაკო ჩარკვიანი. იმ დროისთვის ჯაკო ჩარკვიანი 19 წლის იყო.

ჯაკო ჩარკვიანი კიდევ ერთხელ მოექცა მედიის ყურადღების ცენტრში 2025 წლის იანვარში, როცა პარტია „კანონი და სამართლის“ მასმედიასთან ურთიერთობის სპეციალისტი თამარ ბუჩუკური წერდა, რომ ჩარკვიანს თავ დაესხნენ. მაშინ თამარ ბუჩუკური განმარტავდა, რომ ორ მხარეს შორის დაპირისპირება პირად საკითხებზე დაიწყო. ამ ამბამდე მათ შორის ადგილი ჰქონდა ფიზიკურ დაპირისპირებას, როცა ჩარკვიანს მრავლობითი ტრავმა და დაზიანება მიაყენეს, 2025 წლის იანვარში კი ეს კონფლიქტი გაგრძელდა.

ამჯერად ჯაკო ჩარკვიანი ისევ ყურადღების ცენტრშია.

მამუკა ჩარკვიანის ოჯახი და შვილები

ცნობილ ქართველ პოეტის, ჯანსუღ ჩარკვიანის შვილები საზოგადოებისთვის ასევე კარგად ნაცნობი სახეები, თაკო და მამუკა ჩარკვიანები არიან. თაკო ჩარკვიანი არის  ქართველი მუსიკოსი, პოლიტიკოსი და პუბლიცისტი, არის 63 წლის, ჰყავს მეუღლე, ჯონი გიგანი და ერთი ქალიშვილი, პიანისტი ირმა გიგანი.

მამუკა ჩარკვიანი სულ ცოტა ხნის წინ 69 წლის ასაკში გარდაცვალა. ყველასთვის საყვარელი მუსიკოსისა და შემსრულებლის გარდაცვალებამ უამრავ ადამიანს დასწყვიტა გული. მამუკა ჩარკვიანს ჰყავს ორი შვილი ირინოლა და ჯაკო (ჯანსუღ) ჩარკვიანები.

წაიკითხეთ სრულად