დედა-შვილი თუ დები - თიკა ჯამბურია შვილთან ერთად გადაღებულ ვიდეოს აქვეყნებს - Marao

თიკა ჯამბურიას საზოგადოება პატარა ასაკიდან იცნობს, მან მისი საოცარი ვოკალური შესაძლებლობით მალევე მოიგო გულშემატკივრების გულები. თიკა ბექა ხოფერიაზე დაქორწინდა, თუმცა მათმა ოჯახურმა თანაცხოვრებამ დიდხანს ვერ გასტანა. წყვილს ერთი საერთო ქალიშვილი, ნინა ჰყავს. თიკამ ცოტა ხნის წინ შვილთან ერთად გადაღებული ვიდეო გააზიარა. კადრებმა უამრავი კომპლიმენტი დაიმსახურა. 

"რა ბედნიერებაა ამხელა შვილის ყოლა. თიკა ჩემი ბავშვობის ტკბილი მოგონებაა,იმ დროის მომღერალი", "საუკეთესო დედა-შვილი", "როგორი ლამზები არიან " - წერდნენ კომენტარებში.

• "თუ ვინმეს სურვილი ჰქონდა, რომ ჩემი გულის ტკენა გამოეწვია, გამოუვიდა, მაგრამ..." - თიკა ჯამბურია კრიტიკოსებს მიმართავს 

თიკა ჯამბურია 

მომღერალ თიკა ჯამბურიას ფართო საზოგადოება ჯერ კიდევ ბავშვობიდან იცნობს, როცა მის მიერ შესრულებული სიმღერა ჰიტად იქცა. მას შემდეგ თიკას კარიერისა თუ პირადი ცხოვრების მიმართ ინტერესი მუდმივად არსებობდა და თიკა პოპულარული შოუების სასურველი სტუმარია დღესაც. 

თიკა ჯამბურია 1991 წლის 14 მარტს თბილისში დაიბადა. დაამთავრა შოთა რუსთაველის სახელობის თეატრალური უნივერსიტეტი და მიიღო მუსიკალური განათლება ფორტეპიანოს განხრითაც. მისი განსაკუთრებული ვოკალური მონაცემები სულ მცირე ასაკში შენიშნეს და ლადო გუდიაშვილის 100 წლის იუბილეზე თბილისის ნაციონალური ბალეტისა და ოპერის თეატრში სიმფონიურ ორკესტრთან ერთად იმღერა. მოგვიანებით, 9 წლის ასაკში, ჩაწერა ყველასთვის კარგად ნაცნობი და საყვარელი ჰიტი "ჯეირანი", რამაც განსაკუთრებული პოპულარობა მოუტანა. ხალხმა განსაკუთრებით შეიყვარა მისი და დათო ხუჯაძის დუეტი "ცისარტყელები".  

• ბედნიერი წყვილი და სიყვარულის ლამაზი ისტორია: თიკა ჯამბურია რჩეულთან ერთად გადაღებულ ახალ ვიდეოს გვიზიარებს 

2006 წელს გამართა სოლო-კონცერტი ფილარმონიის დიდ საკონცერტო დარბაზში თბილისის ბიგ-ბენდთან ერთად. სხვადასხვა დროს საქართველოში, რუსეთში, იტალიასა და ბულგარეთში ჩატარებულ კონკურსებში მიღებული აქვს გრან-პრი.წარმატებული კარიერის პარალელურად, საზოგადოება ახალგაზრდა ნიჭიერი და პოპულარული მომღერლის პირადი ცხოვრებითაც ინტერესდებოდა. მან ადრეულ ასაკში იქორწინა ჟურნალისტ ხათუნა ხოფერიას ვაჟზე, ბექა ხოფერიაზე. წყვილს ერთი შვილი, ნინა ხოფერია შეეძინა, თუმცა ისინი ერთმანეთს დაშორდნენ. დღეს თიკაც და ბექაც ბედნიერად აგრძელებენ ცხოვრებას, აქვთ მეგობრული ურთიერთობა და შვილის აღზრდაში ორივე ჩართულია.