ჭორები რეალობად იქცა: კიმ კარდაშიანის ახალი სიყვარული და პაპარაცული ფოტოები - Marao

კიმ კარდაშიანი და ლუის ჰამილტონი დამალობანას აღარ თამაშობენ. ის, რაც ბოლო რამდენიმე კვირის განმავლობაში უბრალო ჭორად გავრცელდა, მალევე  ყველაზე განხილვად  ურთიერთობად იქცა. როდესაც ბიზნეს ლედი და ფორმულა 1-ის მრბოლელი სცენაზე ერთად ჩნდებიან, მათი ტანდემი ყოველთვის ყურადღებას იქცევს

მათი ურთიერთობის ერთგვარი დასაწყისი coachella-ს ფესტივალი იყო, სადაც ისინი თითქმის ინკოგნიტოდ გამოჩნდნენ - სტრატეგიულად შერჩეული ნიღბებით დამალულებმა, შენიღბვის ნაცვლად, საიდუმლო უფრო გაასაჯაროვეს. სულ ცოტა ხნის წინ კი, ისევ იქცნენ განხილვად წყვილად ნობუ მალიბუში გამართულ ვახშამზე.

• კრის ჯენერის "ახალი სახე" ყველას გაოცებას იწვევს:გაიკეთა თუ არა მან სახის ყოვლისმომცველი ქირურგიული ოპერაცია 

პაპარაცებმა სრული სიზუსტით დააფიქსირეს წყვილის განსაკუთრებული გამოჩენა - რესტორნიდან გამოსვლისას ჰამილტონმა კიმს კარი გაუღო, რის შემდეგაც მათ ერთმანეთს უსიტყვოდ, მხოლოდ ცნობისმოყვარე ღიმილით გადახედეს. თუმცა, ყველაზე საინტერესო ქვეტექსტს, როგორც ყოველთვის, მათი სტილი გვიყვება.

ამ შემთხვევისთვის კიმმა ერთი შეხედვით მარტივი სამოსი აირჩია: მხრებზე გადასული ღია ვარდისფერი ქურთუკი, ასიმეტრიული ქვედაბოლო და მაღალქუსლიანი ფეხსაცმელი. ლუისმა კი ფართო პიჯაკი და შარვალი მოირგო. 

• "ახდენილი ოცნება" - კიმ კარდაშიანის ბრენდის ახალი წარმატება 

მოკლედ - რა უნდა ვიცოდეთ კიმ კარდაშიანზე

კიმ კარდაშიანი თანამედროვეობის ერთ-ერთი ყველაზე გავლენიანი ამერიკელი მედიაფიგურა, ბიზნესმენი და მოდის ხატია. მან მსოფლიო პოპულარობა რეალითი შოუთი "Keeping Up with the Kardashians" მოიპოვა, რის შემდეგაც საკუთარი სახელი მრავალმილიონიან იმპერიად აქცია. დღეს ის წარმატებულ ბიზნესებს უდგას სათავეში, რომელთაგან განსაკუთრებით აღსანიშნავია ტანსაცმლის ბრენდი SKIMS და კოსმეტიკური ხაზი SKKN.

ბიზნესის მიღმა, კიმ კარდაშიანი მნიშვნელოვან როლს ასრულებს მოდის ინდუსტრიაში და მჭიდროდ თანამშრომლობს წამყვან მოდის სახლებთან. ბოლო პერიოდში მან სრულიად ახალი ამპლუა მოირგო და აქტიურად ჩაერთო იურიდიულ საქმიანობასა და ციხის რეფორმების ადვოკატირებაში, რაც მის პერსონას კიდევ უფრო მრავალფეროვანს ხდის. ის რჩება სოციალური მედიის ეპოქის მთავარ სიმბოლოდ, რომელიც მუდმივად ახერხებს საზოგადოების ყურადღების ცენტრში ყოფნას.

ვინ არის ლუის ჰამილტონი

ლუის ჰამილტონი ყველა დროის ერთ-ერთი უდიდესი ბრიტანელი ავტომრბოლელია, რომელიც ფორმულა 1-ის ისტორიაში რეკორდული მაჩვენებლებით გამოირჩევა. ის არის მსოფლიოს შვიდგზის ჩემპიონი, რაც ლეგენდარული მიხაელ შუმახერის მიღწევის გამეორებაა, თუმცა ჰამილტონი ერთპიროვნულად ფლობს რეკორდებს მოგებული რბოლების რაოდენობითა და პოულ-პოზიციების მიხედვით.

კარიერის უდიდესი ნაწილი მან „მერსედესის“ გუნდში გაატარა, სადაც ეპოქალური წარმატებები მოიპოვა, თუმცა მისი გავლენა სპორტის ფარგლებს სცდება. ლუისი ცნობილია როგორც მოდის ხატი, რომელიც ხშირად ჩნდება წამყვანი დიზაინერების ჩვენებებზე და თანამშრომლობს ცნობილ ბრენდებთან. გარდა ამისა, ის აქტიური სოციალური აქტივისტია, რომელიც იბრძვის გარემოს დაცვის, მრავალფეროვნებისა და ადამიანის უფლებებისთვის. 2025 წლიდან მან სპორტულ სამყაროში კიდევ ერთი ისტორიული ნაბიჯი გადადგა და „ფერარის“ გუნდს შეუერთდა.