ვენსან კასელისა და ნარა ბაპტისტას გამოჩენა ნამდვილ სენსაციად იქცა - კანის 79-ე კინოფესტივალის ყველაზე შთამბეჭდავი წყვილი - Marao
ვენსან კასელისა და ნარა ბაპტისტას გამოჩენა ნამდვილ სენსაციად იქცა - კანის 79-ე კინოფესტივალის ყველაზე შთამბეჭდავი წყვილი
კანის 79-ე კინოფესტივალი ყოველთვის ახერხებს მაყურებლის გაოცებას, თუმცა წელს ღონისძიებას წითელმა ხალიჩამ განსაკუთრებული ელვარება შეიძინა. მიზეზი კინოსამყაროს ერთ-ერთი ყველაზე ქარიზმატული ფიგურა - ვენსან კასელი გახლავთ. მსახიობმა, რომელიც ფილმში "პარალელური ისტორიები“ მთავარ როლს ასრულებს, კიდევ ერთხელ დაამტკიცა, რომ სტილი და ასაკი მასთან მიმართებით მხოლოდ ციფრებია.
ვენსან კასელისა და მისი მეგობარი გოგონას, ნარა ბაპტისტას გამოჩენა კანის ფესტივალზე ნამდვილ სენსაციად იქცა. ნარა ბაპტისტა, რომელიც წარმოშობით ბრაზილიელია, გვერდს უმშვენებდა ვენსანს და თავისი ეგზოტიკური სილამაზითა და დახვეწილი კაბით ყველას ყურადღება მიიპყრო. კრიტიკოსები აღნიშნავენ, რომ წყვილი ერთმანეთს იდეალურად ავსებს: ვენსანის ფრანგული, ოდნავ მკაცრი ელეგანტურობა და ნარას ახალგაზრდული, ნათელი ენერგია წითელ ხალიჩაზე საოცარ კონტრასტს ქმნიდა.
ვენსან კასელი და ნარა ბაპტისტა
ვენსან კასელი არასდროს ყოფილა ტიპური „ლამაზი ბიჭი“. მისი სახე უფრო კლდეს ჰგავს - მკვეთრი, უხეში და დაუმორჩილებელი.
„ვიცი, რომ სიმპათიური არ ვარ, მაგრამ ყოველთვის ვიცოდი, როგორ ვყოფილიყავი საინტერესო“.
სწორედ ეს არის მისი მთავარი იარაღი: მან დაამტკიცა, რომ ქალისთვის იდეალური ნაკვთები კი არა, ის ენერგიაა გადამწყვეტი, რომელსაც მამაკაცი ასხივებს. ალბათ, სწორედ ასე მოხიბლა მან 27 წლის მოდელი, რომელიც ფრანგ გულთამპყრობელზე თავდავიწყებითაა შეყვარებული.
წყვილის ურთიერთობის შესახებ ჭორები 2023 წლის სექტემბერში გავრცელდა. მედიამ ისინი პირველად ბრაზილიაში, რიო-დე-ჟანეიროს სანაპიროზე შენიშნა. ვენსანი, რომელიც ცნობილია ბრაზილიური კულტურის, მუსიკისა და სერფინგის სიყვარულით, ხშირად ატარებს დროს ამ ქვეყანაში. სწორედ აქ, საერთო ინტერესების ნიადაგზე გადაიკვეთა მათი გზები.
ნარა ბაპტისტამ სოციალურ ქსელში ვენსანის ფოტოების გამოქვეყნება დაიწყო წარწერით: „შენი“, რასაც მსახიობმა საჯარო კომენტარით უპასუხა: „მე შენი ვარ“. ამით მათ ფაქტობრივად დაადასტურეს რომანი, თუმცა ოფიციალურ გამოჩენამდე პაუზა აიღეს.
მათი, როგორც წყვილის, ოფიციალური დებიუტი 2024 წლის იანვარში, პარიზის მოდის კვირეულზე შედგა. Ami-ს ჩვენებაზე ისინი ხელჩაკიდებულები გამოჩნდნენ, რითაც ყველა კითხვას პასუხი გასცეს.
მიუხედავად მათ შორის არსებული 30-წლიანი ასაკობრივი სხვაობისა (ვენსანი 60 წლისაა, ნარა - 30-ის), საზოგადოება აღნიშნავს მათ გასაოცარ ვიზუალურ ჰარმონიას. ნარას ხშირად ადარებენ კასელის ყოფილ მეუღლეს, ტინა კუნაკის, თუმცა ბაპტისტამ მალევე შეძლო საკუთარი, ინდივიდუალური სტილით დაემკვიდრებინა ადგილი მოდის ინდუსტრიაში.
წყვილის ურთიერთობა საკმაოდ სწრაფად და სერიოზულად განვითარდა. 2024 წლის შემოდგომაზე ნარამ Instagram-ის საშუალებით გაამხილა, რომ ორსულად იყო. მან გამოაქვეყნა დახვეწილი ფოტოები, სადაც ხაზგასმული იყო მისი ახალი მდგომარეობა.
2025 წლის დასაწყისში მათ ვაჟი შეეძინათ, რომელსაც კაეტანო დაარქვეს. ეს ნარასთვის პირველი შვილია, ვენსანისთვის კი - მეოთხე, მას ორი ქალიშვილი ჰყავს მონიკა ბელუჩისთან და ერთი - ტინა კუნაკისთან.