„ჯადოსნური ელექსირი“ თუ უბრალო მითი? – როგორ დავლიოთ ვაშლის ძმარი წონაში კლებისთვის - Marao

ბევრისთვის ვაშლის ძმარი წონაში კლებისა და ენერგიის მომატების "ჯადოსნურ ელექსირთან" ასოცირდება. ინტერნეტში უამრავ ურთიერთგამომრიცხავ რჩევას შეხვდებით, რაც ხშირად დაბნეულობას იწვევს. რეალურად, ვაშლის ძმარი არა სასწაულმოქმედი საშუალება, არამედ სასარგებლო დანამატია, რომლის ეფექტურობა სწორ დროსა და დოზირებაზეა დამოკიდებული.

მთავარი მოქმედი ნივთიერება, რომელიც ვაშლის ძმარს სამკურნალო თვისებებს სძენს, ძმარმჟავაა. სწორედ ის ახდენს გავლენას სისხლში შაქრის დონესა და დანაყრების შეგრძნებაზე.

როდის არის საუკეთესო დრო მისაღებად? 

ვაშლის ძმრის ეფექტი პირდაპირ კავშირშია კვების რეჟიმთან.

• ჭამამდე რამდენიმე წუთით ადრე

ეს ყველაზე ეფექტური დროა მათთვის, ვისაც სისხლში შაქრის დონის კონტროლი ან წონაში კლება სურს.

ძმარი აფერხებს სახამებლის დაშლის პროცესს, რაც იმას ნიშნავს, რომ ნახშირწყლებით მდიდარი საკვების (პური, კარტოფილი, ცომეული) მიღების შემდეგ შაქრის დონე მკვეთრად აღარ იმატებს.

• პროგესტერონის როლი ქალის ჯანმრთელობაში და ჰორმონალური დისბალანსის ნიშნები 

ძმარი ანელებს კუჭიდან საკვების გადასვლას თორმეტგოჯა ნაწლავში, რაც დანაყრების შეგრძნებას ახანგრძლივებს.

• დილის საათებში

თუ თქვენი მიზანი ზოგადი მეტაბოლიზმის სტიმულირებაა, დილა კარგი დროა, თუმცა ერთი პირობით: არასოდეს დალიოთ ის უზმოზე, თუ მგრძნობიარე კუჭი ან გასტრიტისკენ მიდრეკილება გაქვთ. უმჯობესია, დალიოთ საუზმის დროს ან უშუალოდ საუზმის წინ.

• ძილის წინ

არსებობს მოსაზრება, რომ ძილის წინ ძმრის მიღება აუმჯობესებს დილის შაქრის მაჩვენებელს. თუმცა, ექიმები გვაფრთხილებენ: მჟავე სასმელმა ჰორიზონტალურ მდგომარეობაში შეიძლება გამოიწვიოს ძლიერი გულძმარვა. თუ მაინც გადაწყვეტთ ძილის წინ მიღებას, გააკეთეთ ეს დაწოლამდე მინიმუმ 2 საათით ადრე.

• ხვეული თმის მოვლის მინიმალისტური რუტინა 

უსაფრთხოების წესები: როგორ ავირიდოთ ზიანი?

ვაშლის ძმარი აგრესიული მჟავაა, ამიტომ მისი არასწორი გამოყენება ხშირად გვერდით მოვლენებს იწვევს:

• აუცილებელია გაზავება: 1-2 ჩაის კოვზი (ან მაქსიმუმ 1 სუფრის კოვზი) აუცილებლად უნდა გაიხსნას მინიმუმ 250-300 მლ წყალში. სუფთა სახით მისი მიღება დაუშვებელია - ამან შეიძლება დააზიანოს საყლაპავი და კბილის ემალი.
• კბილების დაცვა: ემალი რომ არ დაგიზიანდეთ, გამოიყენეთ საწრუპი და ძმრიანი წყლის დალევის შემდეგ პირის ღრუში სუფთა წყალი გამოივლეთ.
• ეტაპობრივი დაწყება: ორგანიზმს შეგუების დრო მიეცით. დაიწყეთ მინიმალური დოზით და დააკვირდით, ხომ არ გეწყებათ გულძმარვა ან კუჭის ტკივილი.

წყარო: clichemag.com