30–31 მაისს, მზიურის პარკში, ბავშვებსა და უფროსებს ორდღიანი დღესასწაული გელით! განსაკუთრებულ სივრცეში ერთიანდება თამაში, შემეცნება, დასვენება და სასიამოვნო გარემო.
ბავშვთა დაცვის საერთაშორისო დღის აღსანიშნავად, "World Vision საქართველოს" თანამედროვე ხელოვნების სივრცის „კუბი კონტექსტში” და სოციალური პლატფორმა „სინათლის მანდალას” კოლაბორაციით იმართება „ბავშვთა დაცვის დღის ზეიმი.“
ღონისძიების მიზანია ბავშვთა უფლებების შესახებ ცნობიერების ამაღლება და საზოგადოებისთვის შეხსენება, რომ ყველა ბავშვი იმსახურებს უსაფრთხო, ჯანსაღ, ბედნიერ ბავშვობას, რომელიც მათი სრულფასოვანი განვითარებისთვის აუცილებელია. ასევე, ღონისძიების ერთ-ერთი მთავარი მიზანია მშობლების მხარდაჭერა და გაძლიერება და ბავშვებისთვის ჯადოსნური დღეების მოწყობა. ეს ნიშნავს, რომ ღონისძიებაზე მოსულ ყველა ბავშვს და უფროსს ექნება შესაძლებლობა, სრულიად უფასოდ ჩაერთოს მათთვის საინტერესო და სასარგებლო სესიებში, ვორქშოფებსა და თამაშებში.
მშობლებს შესაძლებლობა ექნებათ დაესწრონ სხვადასხვა სპეციალისტის შემეცნებით შეხვედრებს, დასვან მათთვის მნიშვნელოვანი კითხვები და მიიღონ სასარგებლო ინფორმაცია, რომელიც პოზიტიურ მშობლობაში დაეხმარებათ. პარალელურად, პატარები ჩაერთვებიან მრავალფეროვან აქტივობებში - თამაშებში, არტთერაპიაში, შემოქმედებით და გასართობ სივრცეებში.
ყველა აქტივობა ტარდება მზიურის ქვედა სივრცეში "კუბი კონტექსტში" და მის მიმდებარე ტერიტორიაზე, სკეიტ პარკთან ახლოს.
პროგრამა მრავალფეროვანია და ორიენტირებულია როგორც ბავშვებზე, ისე უფროსებზე:
ბავშვთა დაცვის დღისადმი მიძღვნილო ორდღიანი ზეიმის მნიშვნელოვანი ნაწილია საბავშვო ფლი მარკეტი და ბავშვთა უფლებების თემაზე, პატარა ავტორების მიერ შექმნილი გამოფენა. გარე მარკეტში როგორც ადგილობრივი მეწარმეები, ასევე ბავშვებიც იღებენ მონაწილეობას. მარკეტის სივრცეში იქნება, ღონისძიების პარტნიორის, „ბიბლუსის” სტენდიც, სადაც მშობლებსა და ბავშვებზე ორიენტირებული შემეცნებითი წიგნები იქნება ხელმისაწვდომი.
ბავშვთა უფლებების თემაზე ორგანიზებული გამოფენა „როცა ადამიანი მიღიმის…” - სხვა და სხვა ასაკის, ინტერესებისა და გამოცდილებისა მქონე ბავშვების თანამშრომლობით შექმნილი ინტერაქციული ექსპოზიციაა, სადაც პატარა დამთვალიერებლებსაც ექნებათ შესაძლებლობა, საკუთარი ნამუშევრები დაამატონ გალერეის კედლებს და გამოფენის თანაავტორები გახდნენ. გამოფენის მომზადებაში ასევე, „World Vision საქართველოს” ცენტრის ბავშვებმაც მიიღეს მონაწილეობა და ექსპოზიციაში მათ ნამუშევრებსაც შეხვდებით. გამოფენა გაიხსნება 31 მაისს, 12:00 საათზე, გალერეაში პირველ სართულზე „კუბი კონტექსტში.“
დღის ბოლოს, იქნება დასკვნითი კონცერტი ბავშვების მონაწილეობით.
ღონისძიების შესახებ დამატებითი ინფორმაციისთვის გადადით ბმულზე - https://www.facebook.com/share/1CvTJmMAC1/
პროექტის მხარდამჭერები არიან: „ბიბლუსი“, „სანტე“, „ნიკორა”, „მინიკუბი“, „ლიბრუსი“ , „ოკტოპუს ფიტნეს კლუბი”, „წითელი ჯვარი“, „ბაკურიანი“, „პილთონი“ , „კეთილი და პატიოსანი“, „ბუნებარე“, „ალუბალა” „თვითონ“, „სოფიოგა”, „ცეში“, „ცოდნის ლაბორატორია“, „კაიკონა“, „ლილაკი“, „მირაბალდები”.
R