პირველი ევროპული ოქრო - ნიტა ჯამაგიძის ისტორიული გამარჯვება და 14 წლის სპორტსმენის საინტერესო გზა - Marao

ნიტა ჯამაგიძე სულ რაღაც 14 წლისაა, თუმცა მან უკვე შეძლო ის, რაც აქამდე არცერთ ქართველ ტანმოვარჯიშეს არ გამოუვიდა. იგი დაიბადა 2011 წლის 25 ივლისს და დღეს ჩვენი ქვეყნის ნამდვილი სიამაყეა - იუნიორთა შორის ევროპის ჩემპიონატზე მხატვრულ ტანვარჯიშში მან საქართველოს ისტორიული ოქროს მედალი მოუტანა.

• "გამიჭირდა იმის თქმა, რომ 40 წლის ვიყავი, შიშმა შემიპყრო..." - ქართველი ჩემპიონის, ირმა ხეცურიანის სირთულეებითა და წარმატებით სავსე გზა 

ვინ არის ნიტა ჯამაგიძე

სანამ დიდ სპორტში გამოჩნდებოდა, ნიტა 2023 წელს „საბავშვო ევროვიზიაზეც“ კი გამოდიოდა, როგორც მოცეკვავე. თუმცა, მან მხატვრულ ტანვარჯიშში გადაინაცვლა.

ბოლო ორ წელიწადში ნიტამ წარმოუდგენელ წარმატებას მიაღწია.

ნიტასთვის 2025 წელი გარდამტეხი გამოდგა. საბერძნეთსა და აზერბაიჯანში მოპოვებული წარმატებების შემდეგ, მან სოფიაში გამართულ იუნიორთა მსოფლიო ჩემპიონატზე ნამდვილი ფურორი მოახდინა. ნიტა ჯამაგიძე გახდა პირველი ქართველი ტანმოვარჯიშე, რომელმაც მსოფლიო ჩემპიონატზე ბურთით ვარჯიშში ბრინჯაოს მედალი მოიპოვა.

• ბულინგი წონის გამო, ხმაურიანი პირადი ცხოვრება და დაუღალავი შრომა მიზნისთვის: ვინ არის საქართველოს სახელით მოასპარეზე ანასტასია გუბანოვა? 

2026 წელს ბულგარეთში, ქალაქ ვარნაში, ნიტა ევროპის ჩემპიონი გახდა. ქართველმა სპორტსმენმა ფინალში 26,900 ქულა მოაგროვა და ევროპის ჩემპიონობა იზეიმა. ამავე წელს მან საქართველოშიც ყველაზე მაღალი ქულები დააგროვა და ქვეყნის საუკეთესო ტანმოვარჯიშის ტიტული მიიღო. 

ნიტა ჯამაგიძე არის პირველი ქართველი, ვინც დამოუკიდებელი საქართველოს სახელით ევროპის ჩემპიონატზე ოქროს მედალი მოიპოვა. მისი გამოსვლები ყოველთვის დახვეწილი, ემოციური და ტექნიკურად რთულია.