ლევან კალაძე 17 წლის გახდა: კახა კალაძე და ანუკი არეშიძე უფროს შვილს დაბადებსი დღეს ულოცვენ - Marao

თბილისის მერი, პოლიტიკოსი და ყოფილი სპორტსმენი კახა კალაძე და მისი მეუღლე, დიზაინერი ანუკი არეშიძე უფროსი ვაჟის, ლევანის დაბადების დღეს აღნიშნავენ. ლევანი, რომელსაც ზედმეტ სახელად ბუბუსაც ეძახიან, 17 წლის გახდა. მისი ფოტოები მშობლებმა სოციალურ ქსელში გააზიარეს. "ბუბუ კალაძე 17 წლის - მიყვარხარ", - წერს ნუკი არეშიძე. "გილოცავ დაბადების დღეს, ჩემო სიყვარულო", - დაწერა კახა კალაძემ. 

კახა კალაძისა და ანუკი არეშიძის ოჯახი 

ლევან კალაძე კახა კალაძისა და ანუკი არეშიძის უფროსი ვაჟია - ის მამის გზას აგრძელებს - თავადაც ფეხბურთითაა გატაცებული. ცოტა ხნის წინ სპორ­ტუ­ლი გა­მო­ცე­მა LaGazzetta წერდა, რომ ლევან კალაძე კა­რი­ე­რას სამ­ტრე­დი­ა­ში იწყებს. მან გუნდთან 2-წლი­ა­ნი პრო­ფე­სი­ო­ნა­ლუ­რი კონ­ტრაქ­ტი გა­ა­ფორ­მა. ახლა ლევანი ხშირად აქვეყნებს კადრებს ვარჯიშიდან. 

• "ნიკოლას, სიცელქესთან ერთად, ძალიან უყვარს წიგნების კითხვა" - ანუკი არეშიძე ოჯახურ კადრებს აქვეყნებს

LaGazzetta-ს ინფორმაციით, ლევან კალაძე კონტრაქტის გაფორმებამდე კლუბთან რამდენიმე თვის მანძილზე ვარჯიშობდა, ის 4-ნომ­რი­ა­ნი მა­ი­სუ­რით თამაშობს და მცველის პოზიციას იკავებს. 

"ჩემი მთა­ვა­რი მო­ტი­ვა­ტო­რი მა­მაა. მან და­მა­ნა­ხა, რო­გორ შე­იძ­ლე­ბა შრო­მით წარ­მა­ტე­ბის მიღ­წე­ვა. იმე­დი მაქვს, მას ვა­ჯო­ბებ და უკე­თე­სი ფეხ­ბურ­თე­ლი ვიქ­ნე­ბი. ჩემ­თვის კომ­ფორ­ტუ­ლია, რომ მეც მა­მა­ჩე­მის პო­ზი­ცი­ა­ზე ვთა­მა­შობ, რად­გან მა­გა­ლითს მის­გან ვი­ღებ, ბევრ რა­მეს მას­წავ­ლის და მეხ­მა­რე­ბა.

ჩემი საყ­ვა­რე­ლი ფეხ­ბურ­თე­ლი კრიშ­ტი­ა­ნო რო­ნალ­დუა. მა­მას შემ­დეგ, ჩემი მთა­ვა­რი მო­ტი­ვა­ტო­რი სწო­რედ ის არის. რო­ნალ­დუ შრო­მის­მოყ­ვა­რეა და მის თა­მა­შებს ძა­ლი­ან ხში­რად ვუ­ყუ­რებ ხოლ­მე", - ამბობდა ლევან კალაძე LaGazzetta.ge-სთან სა­უ­ბარ­ში.

ანუკიმ და კახამ ერთმანეთი იტალიაში გაიცნეს: “მე ვიყავი 18 წლის. კახა ჩემზე 11 წლით დიდია. მაშინ შევხვდით ერთმანეთს და უბრალოდ გავიცანით. მერე, როგორც მითხრა, პირდაპირი ჩართვა მქონდა და მაშინ ვუნახივარ. მერე მითხრა, რომ შეგხვდი, მაშინ გამახსენდა, რომ ის გოგო იყავი, რომელიც მომეწონაო. ყველაფერი ძალიან ნელა დაიწყო და განვითარდა ძალიან სწრაფად. 6 თვეში შევქმენით ოჯახი.მე ძალიან ემოციური ვარ, ყველაფერს გამოვხატავ, ვამბობ. კახი სიყვარულს უთქმელად, ჩუმად გამოხატავდა. თვალებით რომ მელაპარაკებოდა, ეს იყო ჩემთვის ყველაფერი. ალბათ, ცოტა გულდაწყვეტილებიც იყვნენ სხვა გოგონები, როცა მის გვერდით მხედავდნენ“, – ამბობდა ანუკი არეშიძე.

• "უფლის მადლიერი ვარ, რომ ასეთი კეთილშობილი და იშვიათად კარგი ადამიანი მარგუნა ცხოვრების მთავარ მეგზურად" - ანუკი არეშიძე მეუღლეს დაბადების დღეს ულოცავს

დღეს ანუკი არეშიძე და კახა კალაძე 4 ვაჟს, ლევანს, კახაბერს, ვაჩესა და ნიკოლასს ზრდიან. ლევანმა ფეხბურთისადმი ინტერესი უკვე გამოხატა, რა გზას აირჩევენ მისი უმცროსი ძმები, ჯერ უცნობია.