„ზუსტად 19 წლის წინ ეს საოცარი ქალი ჩემი ცხოვრების პარტნიორი გახდა" - დავით და ანა იმედაშვილების ოჯახური ბედნიერება და ცხოვრება აშშ-ში - Marao

„ზუსტად 19 წლის წინ ეს საოცარი ქალი ჩემი ცხოვრების პარტნიორი გახდა.19 წელი ერთად - წარმატებების, მარცხისა და იმ გამოწვევის ფონზეც კი, რასაც ახალ ქვეყანაში ცხოვრების თავიდან დაწყება ჰქვია (მადლობა აშშ-ს). თითოეულ ეტაპზე ის ჩემ გვერდით დგას, ძალას მაძლევს და მახსენებს, რომ არასდროს დავნებდე. მადლობა ჩემი რწმენისთვის, განსაკუთრებით მაშინ, როცა ყველაზე მეტად რთული იყო. მიყვარხარ. გილოცავ 19 წლის იუბილეს, ჩემო სიყვარულო", - წერს სოციალურ ქსელში დავით იმედაშვილი მეუღლის, ანა იმედაშვილის შესახებ.

დავით და ანა იმედაშვილების ოჯახი

დავით იმედაშვილი 1979 წლის 23 აპრილს დაიბადა. 2004 წელს დაამთავრა შოთა რუსთაველის სახელობის თბილისის თეატრალური ინსტიტუტის სარეჟისორო ფაკულტეტი.

• როგორია დავით და ანა იმედაშვილების ამერიკული ცხოვრება

ცნობილი ნამუშევრებია  „ოცნების ქალაქი“ (2009) და „ვისი სული გსურს“ (2016). აგრეთვე არის ჰოლივუდური მძაფრსიუჟეტიანი თრილერის, „აგვისტოს 5 დღე“ აღმასრულებელი პროდიუსერი.

პირველი სრულმეტრაჟიანი მხატვრული ფილმი - „ოცნების ქალაქი“, 2009 წელს გადაიღო. 2016 წელს მისი რეჟისურით ეკრანებზე ახალი რომანტიკული კომედია და ფენტეზი - „ვისი სული გსურს“ გამოვიდა.

2011 წელს იყო ქართულ-ამერიკული თრილერი ფილმის „აგვისტოს 5 დღე“ აღმასრულებელი პროდიუსერი, რომელშიც მონაწილეობენ ჰოლივუდის ვარსკვლავები, როგორებიც არიან: ენდი გარსია, ველ კილმერი, რუპერტ ფრენდი და სხვები.

• "ყველა ადამიანი ბედნიერად უნდა ცხოვრობდეს თავის სამშობლოში, მაგრამ რადგან არ მოგვეცა ამის საშუალება, ამიტომ გადავწყვიტეთ ამერიკაში წამოსვლა" - ანნა იმედაშვილი, როგორც ემიგრანტი, მეუღლესა და შვილებთან ერთად

დავით იმედაშვილს 3 ქორწინებიდან 4 შვილი ჰყავს. ანა რეჟისორის რიგით მესამე ცოლია და წყვილს ორი საერთო შვილი ჰყავთ. „ის ის იყო კორონამ შემოგვიტია, ფორიაქი და ბრაზი მემატებოდა, რომ ანა მომადგა და მეუბნება: დავით, მოემზადე, მეოთხე შვილის მამა ხდებიო", - წერდა დათო იმედაშვილი სოციალურ ქსელში.