"შეხედეთ მის გაბრწყინებულ თვალებს" - ხვიჩა კვარაცხელიას და ნიცა თავაძის ემოციური შეხვედრა - Marao
"შეხედეთ მის გაბრწყინებულ თვალებს" - ხვიჩა კვარაცხელიას და ნიცა თავაძის ემოციური შეხვედრა
უეფას 2026 წლის სუპერ თასის ფინალი ქართველი ფეხბურთის მოყვარულთათვის განსაკუთრებულად ისტორიული და ემოციური აღმოჩნდა. ხვიჩა კვარაცხელიას „პარი სენ-ჟერმენმა“ მორიგი ტიტული მოიპოვა და სუპერ თასს დაეუფლა. თუმცა, საფეხბურთო ზეიმის პარალელურად, გულშემატკივრებისა და სოციალური ქსელების ყურადღების ცენტრში კიდევ ერთი განსაკუთრებული მომენტი მოექცა.
მატჩისა და დაჯილდოების ცერემონიალის დასრულების შემდეგ, მოედანზე ხვიჩას მეუღლე, ნიცა თავაძეც გამოჩნდა, რომელმაც ქართველი ვარსკვლავის გამარჯვება და სიხარული უშუალოდ მის გვერდით გაიზიარა.
სოციალურ ქსელებში ელვისებურად გავრცელდა წყვილის შეხვედრის კადრები.
"შეხედეთ მის გაბრწყინებულ თვალებს. we calls it “სიყვარული” - ვკითხულობთ Geo team-ის გვერდზე.
ხვიჩა კვარაცხელია და ნიცა თავაძე
ხვიჩა კვარაცხელია საზოგადოების ყურადღების ცენტრში ხშირად ექცევა. მისი წარმატებული კარიერა არასდროს რჩება შეუმჩნეველი. ხვიჩას ერთ-ერთი ყველაზე დიდი გულშემატკივარი მისის მეუღლე, ნიცა თავაძეა ახლა უკვე პატარა დამიანესთან ერთად.
ხვიჩა კვარაცხელიამ და ნიცა თავაძემ ერთმანეთი ჯერ კიდევ მაშინ გაიცნეს, როდესაც ხვიჩა რუბინში თამაშობდა. ახალგაზრდა წყვილის ურთიერთობა კი საბოლოოდ ქორწილით დაგვირგვინდა. წყვილმა ჯვარი სამთავროს მონასტერში დაიწერა, საქორწინო წვეულებამ კი ვიწრო წრეში, ოჯახის წევრებისა და უახლოესი მეგობრების გარემოცვაში ჩაიარა.
ნიცა თავაძე მედიასთან თითქმის არასდროს ჩნდება და სოციალურ ქსელებში დიდი აქტიურობით არ გამოირჩევა. მის შესახებ რამდენიმე დეტალია ცნობილი, მაგალითად: სკოლა 2022 წელს დაამთავრა, შემდეგ კი დავით ტვილდიანის სახელობის სამედიცინო უნივერსიტეტში განაგრძო სწავლა, თუმცა მალევე ხვიჩასთან ერთად ნეაპოლში მოუწია საცხოვრებლად გადასვლა. ამჟამად კი ოჯახი პარიზში ცხოვრობს.
შვილის დაბადების შემდეგ კვარაცხელიამ თქვა: „ჩემი ცხოვრება მთლიანად შეიცვალა! უეცრად ვიგრძენი უდიდესი პასუხისმგებლობა, რომ მამა გავხდი. ჩემი შვილის დაბადებამ უდიდესი ბედნიერება მომიტანა და ახლა ყველაფერს სხვანაირად ვუყურებ. ყოველდღე ბედნიერი ვიღვიძებ და იმედი მაქვს, რომ ყველა განიცდის ასეთ ბედნიერებას ცხოვრებაში“.