უსაყვარლესი ძმები - ქეთი წიქვაძე, როგორც სამი შვილის დედა და ოჯახური ბედნიერება - Marao

მსახიობი ქეთი წიქვაძე და მისი მეუღლე, ნიკა არველაძე ცოტა ხნის წინ პირველი საერთო შვილის მშობლები გახდნენ. წყვილმა პატარას ბაბუის პატივსაცემად რეზი დაარქვა და მას ერთად დიდი სიყვარულით ზრდის. 

აღსანიშნავია, რომ ქეთისთვის ეს მესამე შვილია, წინა ქორწინებიდან მას ორი უფროსი შვილი ჰყავს, რომლებიც პატარა ძმის დაბადებას განსაკუთრებული სიხარულით შეხვდნენ. 

ქეთი წიქვაძე სოციალურ ქსელში ხშირად უზიარებს გამომწერებს ოჯახურ სიახლეებსა და ფოტოებს. როგორც ჩანს, უფროსი ძმები პატარა რეზის მოვლაში აქტიურად არიან ჩართულები. ამჯერად მან ძმების უსაყვარლესი კადრები გააზიარა.

• "ქეთიმ გადაწყვიტა ამ სახელის დარქმევა, რეზის კი ძალიან აუჩუყდა გული და ბევრი იტირა..." - ნანა ლორთქიფანიძე უმცროსი რეზი არველაძისა და ოჯახის შესახებ 

ქეთი წიქვაძის ოჯახი   

ქეთი წიქვაძე მსახიობ ნანა ლორთქიფანიძის შვილია. მისი ბებია-ბაბუა ყველასთვის ცნობილი და საყვარელი მსახიობი, ქეთევან კიკნაძე და რეჟისორი გიგა ლორთქიფანიძე იყვნენ. მიუხედავად იმისა, რომ ქეთის პროფესიად მსახიობობა არ აურჩევია, ის ფართო საზოგადოებამ მაინც ამ ამპლუით გაიცნო - ქეთი პოპულარულ სერიალში "ჩემი ცოლის დაქალები" სახასიათო როლით გამოჩნდა და მაყურებელს მალევე შეაყვარა თავი. 

ქეთი წიქვაძე პირველად 22 წლის ასაკში დაქორწინდა და ორი ვაჟი, გიორგია და ილია შეეძინა. ქეთის მეუღლეს მალევე დაშორდა და პირადი ცხოვრების შესახებაც იშვიათად საუბრობდა.

ორი ბიჭი მყავს, შვილები ჩემი ყველაზე ახლო მეგობრები არიან, ძალიან მოსწონთ ის ფაქტი, რომ ქუჩაში მცნობენ, ამით ამაყობენ", - ამბობდა ქეთი. 

რამდენიმე წლის წინ ცნობილი გახდა, რომ ქეთი წიქვაძე ნიკა არველაძეზე იყო შეყვარებული. ნიკა არველაძე ასევე ცნობილი მშობლების, რეზი არველაძისა და თეონა თავართქილაძის უფროსი ვაჟია. ნიკას ჰყავს უმცროსი ძმა, ვატო არველაძე, რომელიც დაოჯახებულია მაკუნა ზედაშიძეზე. წყვილს ერთი შვილი, სოფია არველაძე ჰყავს.

• ვის ჰგავს პატარა რეზი? თეონა თავართქილაძე პატარა რეზი არველაძის პირველ კადრებს გვიზიარებს 

"ბოლო ერთი წელია მე, ნიკა და ბავშვები ერთად ვცხოვრობთ. გავხდით ერთი დიდი ოჯახი, რაც ყველაზე მეტად მაბედნიერებს. ჩვენი ოჯახები ძალიან მშვიდად შეხვდნენ ამ ფაქტს და ამ ურთიერთობას, საბედნიეროდ, ბარიერები არ შეუქმნია, პირიქით, კიდევ უფრო ახლობლები გავხდით ყველანი ერთმანეთისთვის. ზაფხულობით ხშირად ვისვენებდი ნიკას ოჯახთან ერთად ჩაქვში. ამდენად ჩვენ - მე, თეონა და რეზი უფრო ვმეგობრობთ", - ამბობდა ქეთი. 

ქეთი წიქვაძე და ნიკა არველაძე 2025 წელს ვაჟის მშობლები გახდნენ, რომელსაც ცნობილი ბაბუის, რეზის სახელი დაარქვეს.  

"ნიკა ძალიან კარგი მამაა, მით უმეტეს - ფეხის ამბავი როცა იყო. ყველაფერში მეხმარებოდა და, მოკლედ, კარგი მამაა ნიკა. მე არველაძეების ოჯახს მანამდეც ძალიან კარგად ვიცნობდი, ძალიან კარგი ურთიერთობა მქონდა, მაგრამ ახლა, რაც უფრო დავახლოვდით, მე ამ ადამიანებით ვარ გაოცებული. ყველაზე საყვარლები არიან დედამიწის ზურგზე.

ჩემი და ნიკას ურთიერთობის საფუძველი, ალბათ, ერთმანეთის 100%-იანი ნდობაა; ჩემი აზრით, ესაა ყველაზე მნიშვნელოვანი ურთიერთობაში", - ამბობდა ქეთი ერთ-ერთ ბოლო ინტერვიუში.