"გადავიარე, გადავლახე თუ ამას გადალახვა ჰქვია..." - ქეთი ხუციშვილი მისი ცხოვრების რთულ ეტაპზე - Marao

მსახიობი ქეთი ხუციშვილი, რომელიც ფართო საზოგადოებამ სერიალ „ჩემი ცოლის დაქალებიდან“ გაიცნო და შეიყვარა, პოდკასტ „ჩემი ტოლის“ სტუმარი იყო. გადაცემაში მან საკუთარი ცხოვრების ყველაზე მძიმე, ტრაგიკულ ამბავზე ღიად ისაუბრა.

„ბევრი წლების უკან დავკარგე ჩემთვის ძვირფასი ადამიანები. გამოაკლდნენ ჩემი ოჯახის წევრები, ჩემი და და ჩემი სამი თვის შვილი. ეს იმდენად ემოციური იყო, რომ წლები დამჭირდა გასათავისებლად. გადავიარე, გადავლახე თუ ამას გადალახვა ჰქვია, თუმცა ეს სტრესი მაინც მომყვება. დღემდე ვმკურნალობ და რაღაცებს სხვანაირად შევხედე“, – ამბობს ქეთი ხუციშვილი.

• "ძალიან მიჭირს, თვიდან თვემდე რომ მეყოს შემოსავალი... ჩემი ყოფილი მეუღლე არასდროს დამივალდებულებია, დამხმარებოდა" - ქეთი ხუციშვილი ოჯახის, შვილისა და კარიერის შესახებ 

ქეთი ხუციშვილი

სერიალ „ჩემი ცოლის დაქალებიდან“ და „კომედი შოუდან“ ფართო საზოგადოებისთვის ცნობილი და საყვარელი მსახიობი, ქეთი ხუციშვილი, ეკრანული პერსონაჟებისგან განსხვავებით, რეალურ ცხოვრებაში საოცარი მოკრძალებით გამოირჩევა. მისმა განვლილმა გზამ, შრომისმოყვარეობამ და ცხოვრებისეულმა სიძნელეებმა დღევანდელი წარმატებული და ძლიერი ქალი ჩამოაყალიბა.

მსახიობი სიამოვნებით იხსენებს ბავშვობასა და მშობლებს, რომლებმაც მას ზომიერებისა და შრომის ფასი ასწავლეს. მიუხედავად იმისა, რომ ოჯახს მატერიალურად არ უჭირდა და შვილებს ყოველთვის გვერდით ედგა, ქეთი იხსენებს, რომ გარკვეული ნაკლოვანების შეგრძნება მაინც ყოველთვის ახლდა, რაც მას განვითარებისკენ უბიძგებდა.

სტუდენტობის წლებში ქეთიმ დაუსწრებელ განყოფილებაზე ჩააბარა. სწავლის პარალელურად მან იუსტიციის სამინისტროში დაიწყო მუშაობა, სადაც მიუხედავად სიმბოლური, უმცირესი ხელფასისა, საკუთარი შრომითა და დამოუკიდებლობით უზომოდ ბედნიერი იყო.

• „დეპრესია ძალიან რთულად მქონდა - ფსიქიატრის ჩარევა დამჭირდა, ვმკურნალობდი... ნელ-ნელა ცხოვრების ჩვეულ რიტმს დავუბრუნდი” - ქეთი ხუციშვილი 

ქეთი ხუციშვილის ცხოვრებაში ყველაზე დიდი გარდატეხა ვაჟის დაბადებამ შეიტანა. ადრეულ ასაკში შექმნილი ოჯახი მალევე დაიშალა. ყოფილ მეუღლესთან ურთიერთობის დასრულების შემდეგ, შვილის გაზრდის მთელი პასუხისმგებლობა და ზრუნვა სრულად ქეთის დააწვა.

"ნორ­მა­ლუ­რი ურ­თი­ერ­თო­ბა გვქონ­და, მაგ­რამ ოჯა­ხის შექ­მნა ნა­ად­რე­ვი იყო. ბავ­შვის და­ბა­დე­ბამ ძა­ლი­ან შემ­ცვა­ლა. შვი­ლის მოვ­ლა, საკ­ვე­ბი, ყვე­ლა­ფერს მე ვუ­ძღვე­ბო­დი. ჩემი მშობ­ლე­ბი რომ არა, მარ­თლა ძნე­ლი იქ­ნე­ბო­და. ჩემი ყო­ფი­ლი მე­უღ­ლე არას­დროს და­მი­ვალ­დე­ბუ­ლე­ბია, დამ­ხმა­რე­ბო­და. და­ვამ­თავ­რე ურ­თი­ერ­თო­ბა მას­თან და არაფ­რის პრე­ტენ­ზია არ მქონ­და." - ამბობდა ქეთი.