ანი ფხაკაძე მეორე შვილს ელოდება – ცნობილი ქართველი ბიზნესმენის ქალიშვილი გამომწერებს ოჯახურ სიახლეს უზიარებს - Marao
ანი ფხაკაძე მეორე შვილს ელოდება – ცნობილი ქართველი ბიზნესმენის ქალიშვილი გამომწერებს ოჯახურ სიახლეს უზიარებს
ცნობილი ქართველი ბიზნესმენის, ლევან ფხაკაძის ქალიშვილი - ანი ფხაკაძე, უკვე წლებია, საზოგადოების ყურადღების ცენტრში იმყოფება. მისი გამორჩეული სტილი, მოგზაურობით სავსე ცხოვრება და საინტერესო კარიერული თუ პირადი სიახლეები მედიისა და გამომწერების ინტერესს ყოველთვის იპყრობს. ანი წლების განმავლობაში ლონდონში ცხოვრობდა, სადაც უმაღლესი განათლება მიიღო და თავისი პროფესიული თუ პირადი გზა დაიწყო, მოგვიანებით კი საცხოვრებელი ადგილი შეიცვალა და ამერიკაში, კერძოდ ნიუ-იორკში გადავიდა.
მისი პირადი ცხოვრებაც შთამბეჭდავად განვითარდა: 2021 წელს ანი ფხაკაძე და ამურ დე სადელიერი ოფიციალურად დაინიშნნენ, 2022 წელს კი წყვილმა ქორწილი შვედეთში, ახლობლებისა და მეგობრების გარემოცვაში გადაიხადა. დღეს წყვილი პირველ ვაჟს - ლეონს ზრდის და სულ მალე ოჯახს კიდევ ერთი წევრი შეემატება. ანი ფხაკაძე მეორე შვილს, ისევ ბიჭს ელოდება. ცოტა ხნის წინ მან სოციალურ ქსელში ახალი ფოტოები გააზიარა წარწერით - „ბიჭის დედა“, რასაც გამომწერებისა და მეგობრებისგან უამრავი კომენტარი და მილოცვა მოჰყვა.
ანი ფხაკაძე, მისი ცხოვრება და ოჯახი
ანი ფხაკაძეს, სოციალური ქსელის მომხმარებლები კარგად იცნობენ. მან მენეჯმენტი Glion Institute of Higher Education-ში შეისწავლა, ბიზნესი და მარკეტინგი - George town University-ში. ასევე სწავლობდა Bentley University-სა და ბარსელონას უნივერსიტეტში. ანის ძალიან უყვარს მოგზაურობა და 30 ათასზე მეტ გამომწერს ხშირად უზიარებს ულამაზეს კადრებს.
ანი წლების განმავლობაში ლონდონში ცხოვრობდა. მოგვიანებით ნიუ-იორკში გადავიდა. ამჯერად კი მეუღლესთან ერთად მონაკოში ცხოვრობს. ანამ ცოტა ხნის წინ ამ გადაწყვეტილების შესახებ ვრცლად დაწერა:
"არ არის კონკრეტული მიზეზი, რატომაც გადავწყვიტეთ მონაკოში ცხოვრება. დიდი ხნის მანძილზე ვფიქრობდით, სად გვინდოდა დაფუძნება პატარასთან ერთად და გადავწყვიტეთ მონაკო ცხოვრების ხარისხის გამო. თან სულ მზეა და სულ კარგი ამინდია და ამ არეულ მსოფლიოში ძალიან დაცულად ვგრძნობთ თავს" - აღნიშნა ანიმ.
ანი ფხაკაძის მეუღლე შვეიცარიელი ამურ დე სადელიერია. ანი და ამური 2021 წელს დაინიშნნენ, „დიახ! ერთი სული მაქვს, როდის ვიქორწინებ შენზე“ - წერდა მაშინ ანი, როცა საქმროსგან გულის ფორმის ბრილიანტის ბეჭედი მიიღო.
2022 წელს კი ანიმ და ამურმა ქორწილი შვეიცარიაში გადაიხადეს. გრანდიოზულ ქორწილს მათი ოჯახის წევრები და მეგობრები დაესწრნენ, კადრები კი სოციალურ ქსელშიც გავრცელდა.
"ჩემი მეუღლე საერთო მეგობრის საშუალებით იბიცაზე გავიცანი. ჩვენ ერთად 2017 წლიდან ვიყავით და 5 წლის შემდეგ, 2023 წელს ვიქორწინეთ. ის შვეიცარიიდანაა და დიახ, კულტურული სხვაობა ჩვენ შორის არსებობს, თუმცა ნელ-ნელა ვისწავლე, როგორ მივიღო და ვიპოვო საერთო ენა მასთან" - აღნიშნა ანიმ.
2023 წლის მაისში ანიმ მეგობრებს სასიხარულო სიახლე ამცნო და დაწერა, რომ ის მალე დედა გახდებოდა. 8 თვის ორსული იყო, როცა 30-ე დაბადების დღეზე კიდევ ერთხელ შეკრიბა საყვარელი ადამიანები და საოცნებო წვეულება მოაწყო: "ეს ნამდვილად ოცნება იყო. 8 თვის ორსული ვიყავი, გარშემო ჩემი საყვარელი ადამიანები მყავდნენ ჩემს საყვარელ ადგილას. მეტი რა უნდა ვინატრო?" - დაწერა ანიმ.