„დათუნა რომ გავაჩინე, 22 წლის ვიყავი, თინაზე – 40-ის: მენტალურად ბევრად უფრო მზად ვიყავი დედობისთვის“ – ნატა ბერეჟიანი შვილებზე, აღზრდასა და ოჯახურ ურთიერთობებზე - Marao

ცნობილმა და საყვარელმა მსახიობმა, ნატა ბერეჟიანმა, რომელსაც საზოგადოება ფართოდ იცნობს სერიალიდან „ჩემი ცოლის დაქალები“, „რადიო ფორტუნას“ ობიექტივში შვილებთან - დათუნასთან და პატარა თინასთან ერთად მოექცა. ინტერვიუში მსახიობმა ღიად ისაუბრა შვილების აღზრდაზე, დედობის გამოცდილებასა და იმ ცვლილებებზე, რაც წლების მატებასთან ერთად მის შინაგან სამყაროში მოხდა.

"მე და დათუნას ურთიერთობაც ძალიან შეცვალა თინას დაბადებამ,  მე მგონი, უკეთესობისკენ, არა? დათუნა რომ გავაჩინე, ვიყავი 22 წლის. თინა რომ გავაჩინე, ვიყავი 40 წლის და რაღაცნაირად, მენტალურად ბევრად უფრო მზად ვიყავი დედობისთვის. მაგალითად, აი დათუნას რომ ვაძინებდი და არ იძინებდა, წყობიდან გამოვდიოდი, თავს ვერ ვაკონტროლებდი და ყვირილს ვიწყებდი. ახლაც გამოვდივარ წყობიდან, თინა რომ არ იძინებს, მაგრამ აი გამოვალ აქეთ ოთახში და აი, ღრმად ჩაისუნთქავს და ამოისუნთქავს, ესე ვიქცევი... ხვდები, რომ იმიტომ, რომ შენ თავს ვერ აკონტროლებ, ბავშვს არაფერი დაუშავებია.

ჩემთვისაც ყველაზე მნიშვნელოვანია, რომ რაღაცა ემოციური კავშირი არ დაკარგო შვილთან, იმიტომ რომ თუ ძალიან კრიტიკული და რადიკალური იქნები, ძალიან ბევრს გააკონტროლებ და აუკრძალავ ყველაფერს, რაც შენ თვითონ გიკეთებია მაგ ასაკში, მანდ უკვე რაღაცა კედელი შენდება, შენდება, შენდება, შენდება და მერე აი ეს წყდება, რა - რაღაცა კონტაქტი. დათუნაც ძალიან თბილია და მოსიყვარულეა, თინაც ეგეთივეა, ძალიან თბილი და მოსიყვარულეა. მეც ძალიან თბილი ვარ და მიყვარს, რა, რაღაცა ეგ ეგ ურთიერთობა.“ - ამბობს ნატა.

• უსაყვარლესი და ძმა - რა ფოტოებს აქვეყნებს მსახიობი ნატა ბერეჟიანი 

ნატა ბერეჟიანი

ნატა ბერეჟიანი ქართველი კინოსა და თეატრის მსახიობია. 2004 წელს დაამთავრა შოთა რუსთაველის სახელობის თეატრისა და კინოს სახელმწიფო უნივერსიტეტის სამსახიობო ფაკულტეტი. 2006 წლიდან კოტე მარჯანიშვილის სახელობის სახელმწიფო აკადემიური თეატრის მსახიობი. 2012 წლიდან მუსიკისა და დრამის სახელმწიფო თეატრის მსახიობია.

"ძალიან ცელქი და უთავმოყვარეო ბავშვი ვიყავი. დედაჩემისგან ვიცი, რომ ყველას “ვეტენებოდი”. ერთი მეზობელი მყავდა - თამუნა, რომელიც არ მეთამაშებოდა და საათობით ვიდექი ხოლმე მის ღობესთან და ვტიროდი, რომ გამთამაშებოდა. სამწუხაროდ, ცოტა მოგონება მაქვს ოზურგეთთან დაკავშირებული. სხვათა შორის, ოზურგეთელი მეგობარი და კურსელი მყავს და ინსტიტუტის პერიოდში მასთან ვიყავი ჩასული. სწორედ მაშინ ვნახე ჩემი სახლი ბავშვობის შემდეგ და ძალიან განვიცადე, რადგან ძალიან ცუდ მდგომარეობაში, თითქმის დანგრეული დამხვდა."

• ნატა ბერეჟიანი: დედა, მსახიობი და ქართული თეატრის გამორჩეული სახე 

მას შემდეგ ის არაერთხელ მოექცა ყურადღების ცენტრში, განსაკუთრებული ინტერესის საგანი კი მისი ოჯახი და პირადი ცხოვრებაა.

ნატა ბერეჟიანს ვაჟი, დათუნა ჰყავს: „დათუნა 22 წლის ასაკში გამიჩნდა. დედობა ჩემს ცხოვრებაში ერთადერთი მოვლენაა, რომელსაც არ ვნანობ და დარწმუნებული ვარ, რომ არ შევცდი. ადამიანს ყველაფერში შეიძლება ეჭვი შეგეპაროს - პროფესიის არჩევაში, სახლის შეძენაში, თუნდაც შენი მეორე ნახევრის არჩევაში... დედობა ყველაზე სწორი გადაწყვეტილებაა, ჩემთვის დანარჩენი უკვე ნაკლებად მნიშვნელოვანია“ - ამბობდა ის ერთ-ერთ ინტერვიუში. პირ­ვე­ლი შვი­ლის გაზ­რდა­ში ნა­ტას ოჯა­ხის წევ­რე­ბი ეხ­მა­რე­ბოდ­ნენ, ახლა კი გეგ­მავს, რომ გო­გო­ნა თა­ვად გა­ზარ­დოს და სა­დაც სა­შუ­ა­ლე­ბა იქ­ნე­ბა, ყველ­გან თან ატა­როს, უნდა, რომ მაქ­სი­მა­ლუ­რად დიდი დრო და­უთ­მოს შვილს, ისე, რომ სა­კუ­თარ საქ­მე­საც არ მო­წყდეს. "ბევ­რი მო­ვი­მა­ტე. სამ­შო­ბი­ა­რო­ში რომ მი­ვე­დი, 100 კილო ვი­ყა­ვი. იმ პე­რი­ოდ­ში სარ­კე­ში რომ ვი­ხე­დე­ბო­დი, სულ მე­ტი­რე­ბო­და. ბავ­შვის გა­ჩე­ნის დღი­დან ინ­ტენ­სი­უ­რად და­ვი­წყე ვარ­ჯი­შებ­ზე სი­ა­რუ­ლი. ჩვი­ლი­ან დე­დებს შე­დე­დე­ბულ რძეს და ორ­ცხო­ბი­ლებს ურ­ჩე­ვენ, თით­ქოს რძეს უმა­ტებს მკერ­დში. სი­სუ­ლე­ლეა! თუ რძე აქვს დე­დას, აქვს, თუ არა­და - არა! მე­ნი­უ­დან კა­ლო­რი­უ­ლი საკ­ვე­ბი ამო­ვი­ღე. და­თუ­ნა 3 თვი­საც არ იყო, ორ­სუ­ლო­ბამ­დე რა წო­ნი­საც ვი­ყა­ვი, იმა­ზე ნაკ­ლებს რომ ვი­წო­ნი­დი" - ამბობდა ნატა.

ცოტა ხნის წინ მსახიობი მეორე შვილის დედა გახდა - მას გოგონა შეეძინა.