"ოჯახთან არ მქონია უსიამოვნება, კონკრეტულად გიორგისთან მქონდა უთანხმოება" - კრისტი ყიფშიძე ყოფილ მეუღლესთან ურთიერთობას იხსენებს - Marao

„ისიც არ მახსოვს, მე და გიორგი რატომ დავშორდით. რა თქმა უნდა, იყო წყენა, მაგრამ ყველაფერი ხდება. ბავშვს არ უნდა ეგრძნო დაშორება, რომ დავშორდით, სამი წლის არ იყო. ოჯახთან არ მქონია უსიამოვნება, კონკრეტულად გიორგისთან მქონდა უთანხმოება. ნატალია ორივე ოჯახში იყო ხოლმე. დღესაც მე და ლენუკა, ჩემი ყოფილი მული, ძალიან კარგი მეგობრები ვართ. ვერ ვიტყვი, რომ ახლა გიორგისთან ვმეგობრობ, მაგრამ ნორმალური ურთიერთობა გვაქვს. გიორგის ბავშვებიც მოდიან ჩვენთან. ნატალია მარტო არაა“, – ამბობს კრისტი ყიფშიძე Humana Georgia-სთან ინტერვიუში. 

გიორგი ყიფშიძე და კრისტი ყიფშიძე

კრისტი ყიფშიძე ქართული მოდის ინდუსტრიის ერთ-ერთი ყველაზე ცნობილი და გამორჩეული სახეა. მისი კარიერა ათწლეულებს მოიცავს და ის დღემდე აქტიურად ჩანს პოდიუმსა თუ ტელეეკრანებზე.

კრისტი ყიფშიძე დაიბადა 1977 წელს. სამოდელო სფეროში 90-იან წლებში გამოჩნდა, როდესაც საქართველოში ეს ინდუსტრია ჯერ კიდევ ჩამოყალიბების პროცესში იყო. თავისი დახვეწილი გარეგნობისა და არტისტულობის წყალობით, მან მალევე მოიპოვა პოპულარობა და გახდა წამყვანი ქართველი დიზაინერების მუზა.

კრისტი მონაწილეობდა უამრავ ჩვენებასა და ფოტოგადაღებაში როგორც საქართველოში, ისე მის ფარგლებს გარეთ. ის დღემდე ინარჩუნებს "ტოპ-მოდელის" სტატუსს და ხშირად ხსნის ან ხურავს ცნობილი ქართველი დიზაინერების ჩვენებებს.

• "ოდესმე, შენი შვილები, შენი შვილიშვილები ან სრულიად უცხო ადამიანები შეხედავენ ამ პორტრეტს...." - რას წერს მარი ნაკანი კრისტი ყიფშიძეზე

გარდა პოდიუმისა, კრისტიმ ძალები ტელევიზიაშიც მოსინჯა. ის მონაწილეობდა სხვადასხვა მეგაშოუში, მაგალითად, „ცეკვავენ ვარსკვლავებში“ და იყო სხვადასხვა გადაცემის სტუმარი თუ წამყვანი.

• "შეიძლება, ზურამაც არ იცის ეს ისტორია - ხომ ხედავთ, რომ ზურა არჩილია და მე ამ როლზე არ ვიქნებიო" - ნინელი ჭანკვეტაძე ზურა ყიფშიძისა და ზაზა მიქაშავიძის შესახებ

კრისტი ყიფშიძე ცნობილი მსახიობის, გიორგი ყიფშიძის ყოფილი მეუღლეა. მათ საერთო ქალიშვილი, ნატალია ყიფშიძე ჰყავთ, რომელიც ასევე აგრძელებს ოჯახურ ტრადიციას და ხელოვნებისა თუ მოდის სფეროში საქმიანობს. მიუხედავად განქორწინებისა, კრისტის მჭიდრო და მეგობრული ურთიერთობა აქვს ყიფშიძეების ცნობილ სამსახიობო დინასტიასთან. კრისტი ყიფშიძე თავად აღარ დაქორწინებულა, თუმცა გიორგი ყიფშიძემ ორჯერ იქორწინა და ნატალიას უმცროსი და-ძმები ჰყავს.