რიანა ქალიშვილთან ერთად Dior-ის ახალ კამპანიაში გამოჩნდა – მომღერალმა სრულიად შიშველმა პოზირებით საზოგადოება გააოცა - Marao

რიანა ქალიშვილთან ერთად Dior-ის ახალ კამპანიაში გამოჩნდა – მომღერალმა სრულიად შიშველმა პოზირებით საზოგადოება გააოცა

2026-11-21 16:23:05+04:00

 რიანა კვლავ ყურადღების ცენტრშია. ამჯერად ის Dior-ის ახალ სარეკლამო კამპანიაში გამოჩნდა, რომელშიც მასთან ერთად მისი ერთი წლის ქალიშვილი, როკი აირიშ მაიერსიც მონაწილეობს.

განსაკუთრებული ყურადღება კამპანიის ვიდეომ მიიპყრო. 27-წამიან კადრებში რიანა სრულიად შიშველი პოზირებს და პატარა ქალიშვილი ხელში ჰყავს აყვანილი. მომღერლის სხეულის ნაწილს შავი, საკულტო Lady Dior-ის ჩანთა ფარავს, რომელიც ვიდეოს მთავარ ვიზუალურ აქცენტად იქცა.

კამპანია სახელწოდებით „Lady Dior 2027“ 19 ნოემბერს გამოქვეყნდა და კადრები სოციალურ ქსელებში მალევე გავრცელდა.

rihhana

  • რიანამ ახალი მოდური ხრიკი გვაჩვენა - ერთი შეხედვით უმნიშვნელო დეტალი, რომელმაც ყურადღება მიიპყრო 

რიანა და მისი ქალიშვილი

ახალ კამპანიაში რიანა მხოლოდ თამამი ვიზუალით არ შემოიფარგლება. ფოტოსესიაში მომღერალი ქალიშვილთან ერთად რამდენიმე განსხვავებულ კადრში გამოჩნდა. ერთ-ერთ ფოტოში დედა-შვილს ერთნაირი შავი ტყავის ქურთუკები აცვიათ.

rihana

კამპანიის მთავარი იდეა ქალის მრავალფეროვანი იდენტობისა და სხვადასხვა როლის წარმოჩენაა. რიანასთვის ეს პროექტი განსაკუთრებით მნიშვნელოვანია, რადგან ის საკუთარ თავს არა მხოლოდ მომღერლად და ბიზნესმენად, არამედ დედადაც წარმოაჩენს.

rihana

  • რიანას მორიგი მოდური რევოლუცია: რას ნიშნავს „Skean“ და რატომ აალაპარაკა მან პარიზი 

ვინ იმუშავა Dior-ის ახალ კამპანიაზე?

„Lady Dior 2027“-ის შემოქმედებითი მიმართულება ჯონათან ანდერსონს ეკუთვნის, ფოტოგრაფი კი სემ როკია. ვიდეორგოლის რეჟისორი მელინა მაცუკასია. კამპანიის მუსიკალურ გაფორმებაში გამოყენებულია ფელა კუტის ცნობილი კომპოზიცია „Lady“.

აღსანიშნავია, რომ როკისთვის ეს Dior-თან პირველი მნიშვნელოვანი გამოჩენა არ არის. 2026 წლის აპრილში ის დედასთან ერთად W Magazine-ის გარეკანზეც მოხვდა. იმ ფოტოსესიისთვის ჯონათან ანდერსონმა პატარა გოგონას სპეციალური Dior-ის მაღალი მოდის სამოსიც შეუქმნა.

რიანას ფრანგულ მოდის სახლთან ხანგრძლივი თანამშრომლობა აკავშირებს. ის Dior-ის კამპანიაში პირველად 2015 წელს გამოჩნდა, 2024 წლიდან კი J'adore-ის სუნამოს სახეა.

ახალი კამპანიით მომღერალმა კიდევ ერთხელ დაამტკიცა, რომ მოდის სამყაროში თამამი ექსპერიმენტების არ ეშინია. ამჯერად კი მისმა გამოჩენამ განსაკუთრებული ინტერესი არა მხოლოდ ჩაცმულობის, არამედ დედა-შვილის ერთობლივი ფოტოსესიის გამოც გამოიწვია.