10 განსხვავება პირველ და მეორე ფეხმძიმობას შორის

10 განსხვავება პირველ და მეორე ფეხმძიმობას შორის
მეორე ბავშვზე ფეხმძიმობისას ვხვდებით, რომ ყველაფერი სხვანაირად ხდება. არა ისე, როგორც პირველი ფეხმძიმობისას. შედარება დღე და ღამესავითაა. გამოცდილი დედების დაკვირვებებსა და შედარებას ღიმილის გარეშე ვერ წაიკითხავთ.

1. პირველი ფეხმძიმობა: ადგენთ მენიუს, საჭირო პროდუქტების სიას, რათა დარწმუნდეთ, რომ თქვენი დღის რაციონი მდიდარი იქნება ვიტამინებითა და მინერალებით.

მეორე ფეხმძიმობა: ბავშვის მორჩენილი საკვების ჭამა სრულფასოვან სადილად ითვლება.

2. პირველი ფეხმძიმობა:
ყოველ კვირა იღებთ ფოტოს, დოკუმენტურად ადასტურებთ მუცლის ზრდას.

მეორე ფეხმძიმობა:
"უი, უკვე მესამე ტრიმესტრში ვარ?" მეორე ბავშვს შეგიძლიათ
პირველ ბავშვზე ფეხმძიმობისას გადაღებული ფოტოები აჩვენოთ.

3. პირველი ფეხმძიმობა:
მხოლოდ ჯანსაღი საკვებით იკვებებით. რაციონიდან გამორიცხეთ მდნარი ყველი, სენდვიჩები, სუში და ღვინო.

მეორე ფეხმძიმობა:
ეჰ, ყველაფერი სასარგებლოა, ზომიერების ფარგლებში!

4. პირველი ფეხმძიმობა:
საბავშვო ოთახი ფეხმძიმობის მესამე თვეზე სრულიად მოწყობილია.

მეორე ფეხმძიმობა:
უამრავი საქმე გაქვთ და სამშობიაროში წასვლამდე ბავშვის ოთახში მეორე საწოლის დადგმასაც ვერ ასწრებთ.

5. პირველი ფეხმძიმობა:
ჩვილისთვის უამრავ ახალ ნივთს ყიდულობთ და კარადაში აკურატულად ალაგებთ ფეხმძიმობამდე რამდენიმე თვით ადრე.

მეორე ფეხმძიმობა:
პირველ შვილს უამრავი ჩაუცმელი ტანსაცმელი დარჩა, მეგობრებიც მოგიტანენ შვილების ახალ ან ოდნავ დალაქავებულ ჩასაცმელებს. არც ის გაღელვებთ, რომ ახალდაბადებული ბიჭი უფროსი დის ვარდისფერ საღამურში იძინებს.

6. პირველი ფეხმძიმობა:
არ აცდენთ არც ერთ საინტერესო კურსს, ემზადებით მშობიარობისთვის, ბავშვის მოვლისა და ბუნებრივი კვებისთვის. ყველა დეტალს ბლოკნოტში ინიშნავთ.

მეორე ფეხმძიმობა:
ყველაფერი უკვე ისედაც იცით, ნეტავ, გამოძინება მოახერხოთ.

7. პირველი ფეხმძიმობა:
ბავშვის მოვლისა და აღზრდის შესახებ წიგნებს გულდასმით კითხულობთ, ზოგჯერ ორჯერაც...

მეორე ფეხმძიმობა:
რა? წიგნის კითხვა? სად მცალია დასაჯდომად და წიგნის წასაკითხად?!

8. პირველი ფეხმძიმობა:
ფეხმძიმეების ვარჯიშებს რეგულარულად ესწრებით, კვირაში სამჯერ.

მეორე ფეხმძიმობა:
ბავშვთან ერთად სირბილი, საოჯახო საქმეები და ძაღლის გასეირნება - აი, საუკეთესო ვარჯიში!

9. პირველი ფეხმძიმობა:
ვარჯიშს "კეგელი" ყოველდღე აკეთებთ, რათა ფეხმძიმობისთვის მოემზადოთ.

მეორე ფეხმძიმობა:
ბავშვი თავისით უნდა გამოძვრეს, არა?

10. პირველი ფეხმძიმობა:
ყოველდღე აკოტროლებთ სხეულის მასას, რათა დარწმუნდეთ, რომ წონაში არ იმატებთ.

მეორე ფეხმძიმობა:
წარმოდგენა არ გაქვთ, რამდენს იწონით. თვეში ერთხელ, ისიც ექიმის დაჟინებული მოთხოვნით დგებით სასწორზე. პირველი ფეხმძიმობის შემდეგ თქვენი წარმოდგენა იდეალურ სხეულზე შეიცვალა. ზედმეტი კილოგრამების შემჩნევას ქმარს ავალებთ: "მითხარი, როცა ძალიან გავსუქდები".
FaceBook ბეჭდვა
კომენტარები / 1 /
თამუნა
მაგრად ვიხალისე :) ზუსტად ასეა
18:50 / 22-12-2015
გამოხმაურება / 0 /
loadign_gif

გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
e87a93