მზადება ზაფხულისთვის: უმარტივესი და ეფექტური ვარჯიშები იდეალური სხეულისთვის - Marao
მზადება ზაფხულისთვის: უმარტივესი და ეფექტური ვარჯიშები იდეალური სხეულისთვის
ხანგრძლივი ზამთარი, ფიზიკური უმოქმედობა და მშრალი ჰაერი ცუდად მოქმედებს ორგანიზმის მდგომარეობაზე. თუმცა გაზაფხულზე მზის პირველი სხივების გამო ყველას უჩნდება რეგულარულად ვარჯიშისა და ტონუსსა და სილამაზეზე ზრუნვის სურვილი.
ცხიმის დაკარგვის ოქროს წესი არის ბალანსის დაცვა კალორიების მიღებასა და ფიზიკურ აქტივობას შორის. იმაზე მეტის დახარჯვა, ვიდრე მოიხმართ, წონის დაკლების ყველაზე ადეკვატური და ეფექტური პრინციპია.
სამი წესი უნდა დაიცვათ:
1. ფიზიკური აქტივობის ნებისმიერი დონე უკეთესია, ვიდრე უმოქმედობა. ჯანმრთელობისა და კეთილდღეობის შესანარჩუნებლად, „ჯანმო“ რეკომენდაციას უწევს კვირაში მინიმუმ 150-დან 300 წუთამდე ზომიერ აქტივობას ყველა ზრდასრული ადამიანისთვის.
2. ნებისმიერი ფიზიკური დატვირთვა მნიშვნელოვანია. ფიზიკური დატვირთვა შეიძლება განხორციელდეს სამუშაოს შესრულებისას, სპორტის დროს, შვებულებაში ყოფნისას ან უბრალოდ გადაადგილებისას. სიარული, ველოსიპედით გადაადგილება, სეირნობა და ა.შ.
3. მოძრაობა უნდა იყოს მრავალფეროვანი და მრავალგანზომილებიანი. მაგალითად, სირბილი და გაჭიმვა.
TOP 3 მიმართულება სხეულის სწრაფად ტონუსირებისთვის:
1. კვირაში 2-3 ვარჯიში საკმარისი იქნება. არსებობს "ცხიმის წვის ზონის" კონცეფცია - ეს არის პულსის ზონა, რომელშიც სხეულს შეუძლია შეასრულოს ხანგრძლივი ვარჯიში, ძირითადად, ცხიმების მოხმარებით. ეს ზონა ყველასთვის ინდივიდუალურია. მნიშვნელოვანია, რომ თქვენი გულისცემა იყოს 110-135 დარტყმის დიაპაზონში, დამწყებთათვის კი ვარჯიში მინიმუმ 20 წუთი გაგრძელდეს. გაწვრთნილი ადამიანებისთვის ვარჯიში შეიძლება გაგრძელდეს ერთ საათზე მეტხანს.
2. ძალების გამოყენებით ვარჯიში. ასეთ ვარჯიშებს აქვს ხანგრძლივი ეფექტი: ადამიანი წონაში იკლებს არა მხოლოდ დატვირთვის დროს, არამედ გარკვეული პერიოდის შემდეგაც. ის იწვევს ბუნებრივ ანაბოლურ რეაქციას, აუმჯობესებს ორგანიზმში მეტაბოლურ პროცესებს, აყალიბებს სწრაფ კუნთოვან ბოჭკოებს, რომლებიც პასუხისმგებელნი არიან სიძლიერესა და რელიეფის ფორმირებაზე.
3. აღდგენა. ეს შეიძლება იყოს იოგა. თუ დრო და ენერგია გაქვთ, მაშინ შეგიძლიათ დააკავშიროთ სირბილი და ძალისმიერი ვარჯიში + გაჭიმვა ერთი კვირის განმავლობაში. მთავარია, თქვენ და თქვენი სხეული კომფორტულად გრძნობდეთ თავს.
- იარეთ სწრაფი ტემპით ან ირბინეთ 30-40 წუთის განმავლობაში. მნიშვნელოვანია დარწმუნდეთ, რომ თქვენი გულისცემა მუდმივად კონტროლის ქვეშ გაქვთ. თუ სუნთქვა და ოფლიანობა გაწუხებთ, ე.ი ყველაფერს სწორად აკეთებთ.
- დაკავდით ცურვით, ველოსიპედით, კლდეზე ცოცვით ან გუნდური სპორტით.
- ისწავლეთ ძალისმიერი ვარჯიშები, რომლებიც მიმართულია მკლავებზე, ზურგზე, მხრებზე, ფეხებსა და ტანზე.
- ასწიეთ ყველაზე მძიმე ტვირთი, რისი აწევაც შეგიძლიათ, მაგრამ არ დაივიწყოთ სათანადო ფორმა. მაგალითად, აირჩიეთ 5, 7 და თუნდაც 9 კგ-იანი ჰანტელები 3 ან 4 კგ-ის ნაცვლად. წონის გაზრდით შედეგს უფრო სწრაფად მიიღებთ.
დიეტის გარეშე წონაში დასაკლებად ბრიტანეთის ჯანდაცვის სამსახური მოსახლეობას რეკომენდაციებს აძლევს