TOP 5 შეცდომა, რომლებსაც დიეტის დაცვისას ვუშვებთ

TOP 5 შეცდომა, რომლებსაც დიეტის დაცვისას ვუშვებთ
სასურველი წონის მისაღწევად არაერთ დათმობაზე მივდივართ.

Diet Dieting GIF by Bobbi DeCarlo
საყვარელ საჭმელზე უარს ვამბობთ, ტკბილეულის დახლს შორიდან ვუვლით, რომ სულმა არ წაგვძლიოს, ნებისყოფის არაადამიანურ უნარს ვავლენთ, მაგრამ... ხშირად ეს დათმობები არასწორი და უადგილოც კია. წონაში ვერ ვიკლებთ და ზოგჯერ ვიმატებთ კიდეც.
წარმოგიდგენთ ხუთ ყველაზე გავრცელებულ შეცდომას, რომლებსაც თვითნებურად შერჩეული დიეტის დაცვის დროს ვუშვებთ.

1. „ექვსის შემდეგ არ შევჭამ და წონაში დავიკლებ“

via GIPHY

რამდენჯერ გვითქვამს ეს ფრაზა საკუთარი თავისთვის ან რამდენჯერ მოგვისმენია სხვებისგან? ვახშამი ისეთივე მნიშვნელოვანია ორგანიზმისთვის, როგორც საუზმე და მისი
გამოტოვება არ შეიძლება. სასურველია, დაძინებამდე 3-4 საათით ადრე ვივახშმოთ. მნიშვნელოვანია ისიც, თუ რას მივირთმევთ. საღამოს საათებში მოერიდეთ ნახშირწყლებით მდიდარი საკვების მიღებას. მიზანშეწონილია: ქათმისა და ხბოს ხორცი, თევზი, ბოსტნეული, დაბალი ცხიმიანობის რძის ნაწარმი. ასე რომ, წონაში კლებას ხელს შეუწყობთ, თუკი ზუსტად შეარჩევთ ვახშმისთვის დროსა და საკვებს.

2. „ცხიმიან საჭმელს არ შევჭამ და გავხდები“

via GIPHY


ზეთში შემწვარი კარტოფილი, კვერცხი თუ სხვა პროდუქტი, რა თქმა უნდა, მავნეა ჩვენი ორგანიზმისთვის, მაგრამ არსებობს სასარგებლო ცხიმებიც, რომელთა მიღებაც დიეტის დროს აუცილებელიც კია. მათ გარეშე იმ ვიტამინებს დავკარგავთ, რომლებიც ორგანიზმში მხოლოდ ცხიმის დახმარებით შეიწოვება. ზეითუნის ზეთით და ლიმონის წვენით შეზავებული სალათა ორგანიზმისთვის ძალიან სასარგებლოა.
ამიტომ, ექიმები გვირჩევენ, არ ამოვიღოთ რაციონიდან ცხიმები. მთავარია, მათი სწორი გამოყენება ვისწავლოთ.

3. „ბევრ წყალს თუ დავლევ, უფრო სწრაფად დავიკლებ“

via GIPHY


მითია, რომ წყლის დიდი რაოდენობით მიღება ზედმეტი კილოგრამებისგან გაგვათავისუფლებს. ექიმები დღის განმავლობაში 1-დან 2 ლიტრამდე წყლის მიღებას გვირჩევენ, თუმცა ეს მაინც ასაკზე, ორგანიზმის მდგომარეობაზე, ფიზიკურ დატვირთვასა და რაც მთავარია, სურვილზეა დამოკიდებული. წყლის ჭარბი რაოდენობით მიღება მაშინ, როდესაც წყურვილს არ ვგრძნობთ, უარყოფითად აისახება ჩვენს ჯანმრთელობაზე.

4. „ტკბილი მასუქებს, შოკოლადს აღარ გავეკარები!“


Lonely Legally Blonde GIF
ბევრს ჰგონია, რომ ჭარბი წონის მთავარი მიზეზი ნახშირწყლებით გაჯერებული საკვების მიღებაა. ამის გამო წონაში დაკლების მიზნით ტკბილეულზე უარს ვამბობთ, მაგრამ ექიმების თქმით, კვების რაციონიდან ტკბილეულის მთლიანად ამოღება არ შეიძლება.
ნატურალური ხილის წვენი, შავი შოკოლადი, ჩირი, თაფლი ორგანიზმისთვის აუცილებელია, ამიტომ მათი დოზირებული მიღება დიეტის დროსაც მიზანშეწონილია.

5. „პური მასუქებს და აღარ შევჭამ!“

via GIPHY


პურის ჭამა არც წონაში მატების მიზეზი არ არის და არც მისი ამოღებაა ზედმეტი კილოგრამებისგან გათავისუფლების გარანტი. ასე რომ, დღის რაციონიდან პურის სრულად ამოღება არ არის სასურვილი. მეტიც, დაბალანსებული კვების დროს პური მნიშვნელოვანია, დღეში 2-3 ნაჭერი კი - სავსებით დამაკმაყოფილებელი.
დიეტის დროს შეგიძლიათ ქატოს პური მიირთვათ და დარწმუნებული ბრძანდებოდეთ, რომ წონაში არ მოიმატებთ.

ასე რომ, როცა დიეტის დაცვას გადაწყვეტთ, კარგად დაგეგმეთ თქვენი დღის რაციონი და არ დაგავიწყდეთ, რომ ორგანიზმისთვის ერთნაირად მნიშვნელოვანია ცილები, ცხიმები და ნახშირწყლები.

მარიამ ტურძილაძე
FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif
გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
ორ სა ოთ ხუ პა შა კვ
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
e87a93