აღმდგენი ნიღაბი გაუფერულებული და დაზიანებული თმისთვის

რისთვის: თმის აღდგენა, მოცულობა, ქერტლი, ცვენა.
ინგრედიენტები: 1 ფლაკონი აბუსალათინის ზეთი.
ტიპი: შენაღები თმა.

დრო: 60 წუთი
აბუსალათინის ზეთი შესანიშნავად აღადგენს ძალიან მშრალ, დაზიანებულ და დასუსტებულ თმას. კვებავს მას, ანიჭებს სიბზინვარეს.

მომზადების წესი:

• ჩადგით აბუსალათინის ზეთის ფლაკონი ცხელ წყალში 15 წუთით, ზეთი შეთბება.
• შპრიცით (ნემსის გარეშე) ამოიღეთ ზეთი ფლაკონიდან.

გამოყენება: შპრიცით დაისხით ზეთი თმის განაყოფებში. შეიზილეთ თითებით მთელ თმაში.
შეიფუთეთ ცელოფნით და შემდეგ თბილი პირსახოცით. გაიჩერეთ 1 საათი.
ჩამოიბანეთ შამპუნით 2-3-ჯერ.

რეკომენდაციები:

იმისათვის, რომ ნიღაბი ადვილად შეითვისოს თმამ, ზეთი უნდა იყოს ცხელი. ამიტომაც არის, რომ გამოყენებამდე მას ვათბობთ, შემდეგ კი თბილად ვიფუთავთ თმას.
ინტენსიური მკურნალობისთვის ზეთი შეიზილეთ დღეგამოშვებით. ჯანმრთელი თმის შესანარჩუნებლად კი – კვირაში ერთხელ.

შედეგი:

თმის გასაოცარი მოცულობა, სიძლიერე, კვება და ბზინვარება.