"დათუნამ ბერკლიში ჩააბარა, 50%-იანი დაფინანსება მიიღო, მაგრამ სრული დაფინანსებისთვის მხოლოდ თქვენი იმედი მაქვს - ხალხის მხარდაჭერისა და კულტურის სამინისტროსი. უბედნიერესი ვარ" - წერს მუსიკოსი მაიკო კაჭკაჭიშვილი სოციალურ ქსელში და მეგობრებს შვილის, დათუნა ლაზარიშვილის წარმატების შესახებ უზიარებს ინფორმაციას.
"ეს სიკვდილზე უარესია - არც აქ ხარ, არც -იქ... 2 საათის განმავლობაში გაგრძელდა" - მაიკო კაჭკაჭიშვილი მენტალური ჯანმრთელობისა და პანიკური შეტევების შესახებ
"სამჯერ გამოვედი გარეთ ბოლო ოთხი წლის განმავლობაში... ნამდვილად ვერ ვიტყვი, რომ მდგომარეობიდან გამოვედი და კარგად ვარ" - მაიკო კაჭკაჭიშვილი
მაიკო კაჭკაჭიშვილი დაქორწინებული იყო ასევე მუსიკოს ლევან ლაზარიაშვილზე. წყვილს ორი ბიჭი, ტყუპი ჰყავთ. მათ სკოლა გასულ წელს დაამთავრეს და სტუდენტებიც გახდნენ. ძმები მუსიკისადმი ინტერესს ყოველთვის ავლენდნენ, მათ განსაკუთრებული ნიჭიც აქვთ და მაიკო შვილების ნამღერს სოციალურ ქსელშიც ხშირად აზიარებს.
"დედა 23 წლის ასაკში გავხდი და რა თქმა უნდა, მაშინვე ვერ გავაცნობიერე. მეტიც, ალბათ დღემდე არ მაქვს ბოლომდე გაცნობიერებული, რას ნიშნავს, იყო დედა. ორსულობის პერიოდში რომ გავიგე, ტყუპს ველოდი, თავიდან შოკში ვიყავი, მაგრამ მათ დაბადებამდე გავითავისე ეს ყველაფერი. პირველ შვილებად გამოუცდელს რომ ტყუპი გიჩნდება, რასაკვირველია, რთულია.
გამორიცხულია, რომელიმე დავსაჯო, ეს არასდროს გამიკეთებია და არც გავაკეთებ, არ მიყვარს კუთხეში დადგომის მსგავსი პრინციპები და მიდგომები. ჯობია, თავისუფლად იყვნენ და მერე თვითონ უფრო კარგად მიხვდებიან, როგორ უნდა მოიქცნენ, თუნდაც ჩემთან მიმართებით. რაღაცების ძალით გაკეთება, ეს უბრალოდ წყლის ნაყვაა, რადგან თუ არ უნდა, ვერავის ვერაფერს გააკეთებინებ" - ამბობდა მაიკო კაჭკაჭიშვილი.