ამბავი იმაზე, რომ ქალებისთვის შეუძლებელი არაფერია - როგორ მოიგო 7 თვის ორსულმა პარაოლიმპიელმა ბრინჯაოს მედალი - Marao

უკვე რამდენიმე დღეა, სოციალურ ქსელში ბევრს საუბრობენ ჯოდი გრინჰემის შესახებ, რომელიც 2024 წლის პარიზის პარაოლიმპიურ თამაშებზე შვიდი თვის ორსული ასპარეზობდა და ბრინჯაოს მედალი აიღო. ჯოდიმ კიდევ ერთხელ დაამტკიცა, რომ ქალების ადგილი არის ყველგან, სადაც ისინი მოისურვებენ ყოფნას და მათი შესაძლებლობები უსაზღვროა. 

• ბილეთის ფულის ასაგროვებლად პურს და ჯართს ყიდდა - იმანე ხელიფის გზა ალჟირის სოფლიდან ოლიმპიურ ჩემპიონობამდე 

მანამდე, პარიზის აოლიმპიადაზე, ასევე შვიდი თვის ორსულმა მოფრიკავემ, ეგ­ვიპ­ტელ­მა ნადა ჰა­ფეს­მა დაგვამახსოვრა თავი: "ფო­ტო­ზე ორ სპორ­ტსმენს ხე­დავთ, სი­ნამ­დვი­ლე­ში კი სამ­ნი ვართ: მე, ჩემი კონ­კუ­რენ­ტი და ჩემი პა­ტა­რა. გა­მოწ­ვე­ვე­ბი მქონ­და, რო­გორც ფი­ზი­კუ­რი, ასე­ვე ემო­ცი­უ­რი. ორ­სუ­ლო­ბა თა­ვის­თა­ვად რთუ­ლია. ბრძო­ლა ცხოვ­რე­ბი­სა და სპორ­ტის ბა­ლან­სის შე­სა­ნარ­ჩუ­ნებ­ლად და­ძა­ბუ­ლი იყო, თუმ­ცა ღირ­და", - ამბობდა მაშინ ნადა. 

ვინ არის ჯოდი გრინჰემი

ჯოდი გრინჰემი დაიბადა 1993 წლის 26 ივლისს. არის ბრიტანელი მშვილდოსანი, რომელიც წარმოადგენს დიდ ბრიტანეთს ზაფხულის პარაოლიმპიურ თამაშებში. მან მოიგო ვერცხლის მედალი 2016 წლის ზაფხულის პარაოლიმპიურ თამაშებზე რიო-დე-ჟანეიროში და 2024 წლის ზაფხულის პარაოლიმპიურ თამაშებზე დაეუფლა გუნდურ ოქროსა და ინდივიდუალურ ბრინჯაოს. 

• ჰარვარდის უნივერსიტეტი, მძიმე დიაგნოზი და ოლიმპიური ჩემპიონობა - გაბი ტომასი 

გრინჰემი დაიბადა მოკლე მარცხენა ხელით, თითების გარეშე და მარცხენა ხელზე მხოლოდ ნახევარი ცერით. ის იყო პირველი ასეთი შეზღუდული შესაძლებლობის მქონე პირი, რომელმაც მშვილდოსნობა სცადა. რადგან გრინჰემს მარცხენა ხელზე თითები არ აქვს, მან და მამამისმა შეიმუშავეს მშვილდის სროლის სპეციალური ტექნიკა. 

კარიერა

გრინჰემმა პირველად მშვილდოსნობაში ძალები მოსინჯა 2008 წელს. იგი პირველად აირჩიეს დიდი ბრიტანეთის მშვილდოსნობის გუნდში 2014 წელს და 2015 წელს გერმანიაში გამართულ პარამშვილდოსნობის მსოფლიო ჩემპიონატზე მეშვიდე ადგილი დაიკავა.

• სპორტსმენი ყველაზე გულწრფელი ემოციებით - უტა აბე 

გრინჰემი არის პირველი პარაოლიმპიელი სპორტსმენი, რომელმაც ორსულობის დროს იასპარეზა შვიდი თვის ორსულობის დროს.