ოტია იოსელიანი შვილიშვილის მეუღლე, ნუცა ცისკარიშვილი სოციალურ ქსელი სააღდგომო კვერცხის შეღებვის წესს გვიზიარებს:
"კვერცხის წითლად შეღებვის ტრადიცია ქრისტიანულ სამყაროში, სიმბოლურად, უმძიმეს დღესთან - ქრისტეს ჯვარცმასთან, ანუ ადამის მოდგმის გადასარჩენად დაღვრილ სისხლთან არის დაკავშირებული.ტრადიციის თანახმად, სააღდგომო კვერცხები წითლად, წითელ პარასკევს მზის ჩასვლამდე იღებება.
მომზადების წესი:
გამოვიყენე ოჯახურის ენდრო, სადაც დაღერღილი ენდრო და ხახვის ფურცელია მოთავსებული.
1 ც. შეკვრა ენდრო ჩავყაროთ საშუალო ქვაბში, დავასხათ 1,5 ლ წყალი და დავამატოთ 1 ჩ/კ მარილი, ვადუღოთ 20 წთ.
გავაგრილოთ ენდროს ნაყენი 2-3 საათი (თუ დავაყოვნოთ 8-10 სთ. უკეთეს წითელ ფერს მივიღებთ).
ოთახის ტემპერატურის 10 ცალი გარეცხილი კვერცხი ჩავალაგოთ ქვაბში და ავადუღოთ. ადუღებიდან ვხარშოთ 25 წთ. ნელ ცეცხლზე.
მოხარშული წითელი კვერცხი ჩავაწყოთ ცივ წყალში რომ უკეთ გაიფრცქვნას.
წავუსვათ ზეთი სიპრიალისთვის.
ქრისტიანები ქრისტეს მკვდრეთით აღდგომას წითელი კვერცხებით ულოცავენ მორწმუნეებს.
ნუცა ცისკარიშვილი
ნუცა ცისკარიშვილის ცხოვრება ზღაპარს ჰგავს, ისეთ ზღაპარს, რომელზეც ხშირად გოგონები ბავშვობაში ოცნებობენ. მეორე კურსზე იყო, როდესაც გადაწყვიტა, რომ თავისუფლება თავზე წაკრული მანდილით გამოეხატა. თავიდან ყველას დროებითი გატაცება ეგონა, ოჯახი კი ხალხის არცთუ ისე სასიამოვნო კომენტარებზე ნერვიულობდა. გოგონას ეუბნებოდნენ, რომ ამ იმიჯით დაოჯახება გაუჭირდებოდა. მას შემდეგ წლები გავიდა და გოგონა მანდილით ცნობილი მწერლის, ოტია იოსელიანის შვილიშვილის, უმცროსი ოტიას მეუღლეა.
წყვილი ჯერ კიდევ წლების წინ დასახლდა წყალტუბოში, მწერლის კარ-მიდამოში და სოფლის მეურნეობას მიჰყო ხელი. თავიდან ნუცა საზოგადოებამ სოციალურ ქსელში გვერდით "ოტიას ეზოთი“ გაიცნო, საიდანაც მუდამ მოღიმარი მანდილიანი გოგონა გამომწერებს საინტერესო ამბებს უზიარებდა.
მალე მიხვდა, რომ პირადი სივრცეც აუცილებელი იყო და ახალი გვერდი "ნუცას დღიური“ გააკეთა, სადაც უკვე ასი ათასზე მეტი "მეგზური“ ჰყავს. ასე ეძახის ნუცა თავის გამომწერებს, რომელთაც ბოლო ორი თვეა შეცვლილ როლსა და ცხოვრებაზე უყვება. ოტიას და ნუცას ოთხი წლის შემდეგ ნანატრი შვილი, დაჩი იოსელიანი შეეძინათ...