"საუკეთესო ადამიანი დედამიწაზე" - გვანცა დარასელია ძმის შესახებ: დიდი ოჯახი და ამბები კამერებს მიღმა - Marao
"საუკეთესო ადამიანი დედამიწაზე" - გვანცა დარასელია ძმის შესახებ: დიდი ოჯახი და ამბები კამერებს მიღმა
ფართო საზოგადოებამ გვანცა დარასელია წლების წინ გაიცნო. თავდაპირველად ის სამოდელო სფეროში მოღვაწეობდა და საქართველო "მის სამყაროზეც" წარადგინა, რის შემდეგაც მისი წარმატებული სატელევიზიო კარიერა დაიწყო. გვანცა წლების განმავლობაში ტელეკომპანია "რუსთავი 2-ის" სახე იყო და არაერთ პოპულარულ პროექტს უძღვებოდა.
ტელეწამყვანის პირადი ცხოვრება ყოველთვის დიდ ინტერესს იწვევს. გვანცა უკვე 16 წელია დაოჯახებულია. მისი მეუღლე ყოფილი მორაგბე და ბიზნესმენი ვახო მჭედლიძეა. წყვილს ორი შვილი, ერეკლე და ლილე ჰყავს.
გვანცას დედა ნატა ღეჩუაშვილია, რომელიც პროფესიით ექიმია. სამედიცინო საქმიანობის პარალელურად, ნატა პოეზიითაა გატაცებული და ლექსებს წერს. გვანცას ერთი ძმა ჰყავს, ვანო დარასელია. ის დაოჯახებულია ია სამადაშვილზე და წყვილი სამ შვილს ზრდის.
ტელეწამყვანი გვანცა დარასელია სოციალურ ქსელში ძმასთან ერთად გადაღებულ ფოტოს აქვეყნებს.
"საუკეთესო ადამიანი დედამიწაზე - ჩემი ძმა" - წერს გვანცა.
და-ძმას ძალიან ახლო ურთიერთობა აქვს. ისინი დიდ დროს ატარებენ ერთად და ხშირად ოჯახურ დასვენებებსაც იწყობენ.
გვანცა დარასელიას ოჯახი და კარიერა
გვანცა დარასელია ქართველი მსახიობი, მოდელი და ტელეწამყვანია. 2008 წელს წარადგინა საქართველო „მის სამყარო“-ზე. 2008 წლიდან მუშაობდა ტელეკომპანია „რუსთავი 2“-ში, თუმცა ცოტა ხნის წინ აქტიურ ჟურნალისტურ კარიერაზე უარი თქვა და მიმართულება შეიცვალა.
"ჩემო ძვირფასებო! მახარებს თქვენი უამრავი გზავნილი იმის შესახებ, რომ გენატრებით ეკრანზე. მე არ წავსულვარ პროფესიიდან- მიყვარს ის და არასდროს გავცვლი სხვა რამეზე. დროებითი პაუზა მაქვს, რომელიც ავიღე ჩემი ნებით და კმაყოფილი ვარ ჩემი გადაწყვეტილებით. მალე, აუცილებლად დავბრუნდები.
ბოლო წლების განმავლობაში რასაც ვაკეთებდი, უკვე ძალიან დამღლელი, რუტინული საქმე იყო, მაგრამ მე ნამდვილად არ მითქვამს უარი ჩემს პროფესიაზე. ეს არის ჩემი საქმე, რომელიც ყველაზე მეტად მიყვარს. უბრალოდ, მინდოდა, რომ გადახალისებულიყო. ვფიქრობ, სწორი გადაწყვეტილება მივიღე. პროფესიიდან წასვლა ერთი წუთითაც არ მიფიქრია. მქონდა რამდენიმე შემოთავაზება სხვა სფეროდან, საკმაოდ სოლიდური იყო ყველანაირად, მაგრამ უარი ვთქვი, რადგან მოითხოვდა ჩემი პროფესიიდან დისტანციას. ამ გადაწყვეტილების ცოტა შემეშინდა" - ამბობდა გვანცა.
ახლა გვანცას საკუთარი რადიო "ქალების რადიო" აქვს და, ამის პარალელურად, ჩართულია საოჯახო ბიზნესში მეუღლესთან ერთად. გვანცამ ცოტახნის წინ იუთუბ არხიც შექმნა, რომელსაც "Gvantsa's Podcast" ჰქვია.
"ჩემმა ოჯახმა ძალიან მნიშვნელოვანი რამ შეძლო და პრაღაში ქართული რესტორანი გახსნა. ძალიან დიდი შრომა და რესურსი ჩაიდო ამ საქმეში. ჩვენმა მონდომებამ გაამართლა და ეს ძალიან გვახარებს. ამ საქმით ჩემმა მეუღლემ აიხდინა თავისი დიდი ოცნება. ჩვენ ორივე ვითარდებით ცალ-ცალკეც და ერთადაც. ძალიან გულწრფელად რომ გითხრათ, ჩვენ ერთმანეთის ძალიან დიდი გულშემატკივრები ვართ. გვაქვს ერთობლივი მიზნები, რომლებიც გვინდა განვახორციელოთ. მიუხედავად იმისა, რომ ჩვენ ჩვენი საქმის გამო გარკვეული ნაწილი ცალ-ცალკე გვიწევს ყოფნა", - ამბობდა გვანცა დარასელია.
გვანცა დარასელიას მეუღლე ბიზნესმენი ვახო მჭედლიძეა. წყვილს ორი შვილი, ერეკლე და ლილე ჰყავს.