"მშობიარობიდან პირველ თვეში დავიკელი 7კგ ბალანსისა და თანმიმდევრულობის გზით" - სალომე ჭაჭუას პოსტსამშობიარო პერიოდი - Marao
"მშობიარობიდან პირველ თვეში დავიკელი 7კგ ბალანსისა და თანმიმდევრულობის გზით" - სალომე ჭაჭუას პოსტსამშობიარო პერიოდი
ცოტა ხნის წინ ცნობილი გახდა, რომ მოცეკვავე სალომე ჭაჭუა ვაჟის დედა გახდა. პატარას სანდრო დაარქვეს.
"ჩემი სანდრო. მადლობა, უფალო, ამ უსაზღვრო სიყვარულისთვის", - წერდა სალომე.
სალომემ გამომწერებს ორსულობის გამოცდილება გაუზიარა, მან 9 თვის განმავლობაში მხოლოდ 10 კგ მოიმატა, თუმცა ფორმაში ჩადგომა მალევე მოახერხა.
"გიზიარებთ ჩემს გამოცდილებას ორსულობის პირველი თვიდან - მეცხრე თვემდე - 1 თვე მშობიარობის შემდეგ.
მთლიანობაში, მოვიმატე 10კგ, მშობიარობიდან პირველ თვეში დავიკელი 7კგ ბალანსისა და თანმიმდევრულობის გზით.
რა დამეხმარა:
- სწორი კვება;
- მსუბუქი ვარჯიში;
- მოთმინება;
- საკუთარი თავის სიყვარული.
მიუხედავად გენეტიკისა, სტრიების გარეშე გავიარე ეს გზა. ქალის სიძლიერე უსაზღვროა - ქმნის სიცოცხლეს, აღდგება და კიდევ უფრო ძლიერად აგრძელებს გზას. ყველა დედას ვუსურვებ ჯანმრთელ და ლამაზ გზას" - წერს სალომე.
სალომე ჭაჭუა - განვლილი გზა და კარიერა
სალომე ჭაჭუა 1990 წლის 23 ივნისს დაიბადა. იგი სამეჯლისო და ლათინური ცეკვების მოცეკვავე და ქორეოგრაფია. საზოგადოებამ გაიცნო და განსაკუთრებით შეიყვარა პროექტ "ცეკვავენ ვარსკვლავებიდან". ცეკვა საკმაოდ გვიან, 13 წლის ასაკში დაიწყო.
"ცეკვა საკმაოდ გვიან დავიწყე, 13 წლის ვიყავი. უმჯობესია, თუ ცეკვას 7 წლიდან დაიწყებენ, რადგან ბავშვი ამ დროს უკვე ჩამოყალიბებულია, უფრო კარგად აზროვნებს" - ამბობდა სალომე.
სალომე ლათინურ ცეკვებში საქართველოს შვიდგზის ჩემპიონია. 2004 წლიდან 2006 წლამდე ჭაჭუა წარმოადგენდა საქართველოს მსოფლიოს რამდენიმე ახალგაზრდულ ცეკვის კონკურსში. მან დაიკავა 57-ე ადგილი WDC Professional Latin-ში და 73-ე ადგილი WDSF RLS Latin-ში.
2016 წელს სალომე ჭაჭუა იყო პროექტ So You Think You Can Dance-ის ჟიურის წევრი. 2012-დან 2018 წლამდე ჭაჭუა პროფესიონალი მოცეკვავის ამპლუაში გამოჩნდა Dancing with the Stars-ის ქართული ვერსიის შვიდ სეზონში. ის პარტნიორებთან ერთად სამჯერ გავიდა ფინალში. 2021 წლის 22 დეკემბერს სალომე შეუერთდა "ცეკვავენ ვარსკვლავების" ირლანდიური ვერსიის მეხუთე სეზონს. მისი პარტნიორი იყო მორაგბე ჯორდან კონროი. ჭაჭუამ და კონროიმ ფინალში გასვლა შეძლეს და პროექტი მეორე ადგილით დაასრულეს ნინა კარბერისა და პასკუალ ლა როკას შემდეგ, ელენ კინის და სტივენ ვინსენტთან და ერიკა-კოდისთან და დენის სამსონთან ერთად.
სალომე ჭაჭუა დაქორწინებული იყო ცნობილ ქართველ მსახიობსა და ტელესახეზე, გიორგი ვარდოსანიძეზე. სალომესა და გიორგის ერთმანეთი "ცეკვავენ ვარსკვლავებში" მონაწილეობისას შეუყვარდათ, მალევე კი იქორწინეს, თუმცა მათი ურთიერთობა დასრულდა.