"დამიანეს წიგნების კითხვა უყვარს" - ნიცა თავაძე ოჯახურ კადრებს გვიზიარებს - Marao

ქართველი გულშემატკივრებისთვის ხვიჩა კვარაცხელია მხოლოდ საყვარელი ფეხბურთელი არ არის, მისი პირადი ცხოვრება და ოჯახი მუდმივად ყურადღების ცენტრშია.

დამიანე კვარაცხელია ერთ-ერთი ყველაზე პოპულარული ბავშვია. მშობლების მიერ გაზიარებული ფოტოები და ვიდეოები მუდმივად დიდ გამოხმაურებას იწვევს. გამომწერები აღნიშნავენ, რომ დამიანე ძალიან გონიერი და საყვარელი ბავშვია. მიუხედავად იმისა, რომ ჯერ სულ რაღაც ერთი წლისაა, პატარა კვარაცხელიამ უკვე მოახერხა ათასობით ადამიანის სიყვარულის მოპოვება.

• "უყვარს მამიკოს გოლები" - როგორ გულშემატკივრობდნენ ხვიჩა კვარაცხელიას მეუღლე და შვილი 

ხვიჩა კვარაცხელია და ნიცა თავაძე 

ხვიჩა კვარაცხელია საზოგადოების ყურადღების ცენტრში ხშირად ექცევა. მისი წარმატებული კარიერა არასდროს რჩება შეუმჩნეველი. ხვიჩას ერთ-ერთი ყველაზე დიდი გულშემატკივარი მისის მეუღლე, ნიცა თავაძეა ახლა უკვე პატარა დამიანესთან ერთად.

ხვიჩა კვარაცხელიამ და ნიცა თავაძემ ერთმანეთი ჯერ კიდევ მაშინ გაიცნეს, როდესაც ხვიჩა რუბინში თამაშობდა. ახალგაზრდა წყვილის ურთიერთობა კი საბოლოოდ ქორწილით დაგვირგვინდა.  წყვილმა ჯვარი სამთავროს მონასტერში დაიწერა, საქორწინო წვეულებამ კი ვიწრო წრეში, ოჯახის წევრებისა და უახლოესი მეგობრების გარემოცვაში ჩაიარა.

• "უფალმა მაჩუქა სიყვარულით, სიკეთითა და მზრუნველობით სავსე გულის ბიჭი!" – მაკა ლუკავას ემოციური მილოცვა შვილს 

ნიცა თავაძე მედიასთან თითქმის არასდროს ჩნდება და სოციალურ ქსელებში დიდი აქტიურობით არ გამოირჩევა. მის შესახებ რამდენიმე დეტალია ცნობილი, მაგალითად: სკოლა 2022 წელს დაამთავრა, შემდეგ კი დავით ტვილდიანის სახელობის სამედიცინო უნივერსიტეტში განაგრძო სწავლა, თუმცა მალევე ხვიჩასთან ერთად ნეაპოლში მოუწია საცხოვრებლად გადასვლა. ამჟამად კი ოჯახი პარიზში ცხოვრობს. 

შვილის დაბადების შემდეგ კვარაცხელიამ თქვა: „ჩემი ცხოვრება მთლიანად შეიცვალა! უეცრად ვიგრძენი უდიდესი პასუხისმგებლობა, რომ მამა გავხდი. ჩემი შვილის დაბადებამ უდიდესი ბედნიერება მომიტანა და ახლა ყველაფერს სხვანაირად ვუყურებ. ყოველდღე ბედნიერი ვიღვიძებ და იმედი მაქვს, რომ ყველა განიცდის ასეთ ბედნიერებას ცხოვრებაში“.