პოდიუმიდან ოჯახურ საიდუმლოებამდე: 90-იანების სუპერმოდელი, რომელმაც ფრანგული შიკი შეცვალა - Marao

როდესაც 90-იანი წლების სუპერმოდელების ეპოქაზე ვსაუბრობთ, შეუძლებელია გვერდი ავუაროთ ესტელ ლეფებურს. ფრანგი მოდელი და მსახიობი, რომელიც 1966 წლის 11 მაისს რუანში დაიბადა, უკვე რამდენიმე ათწლეულია, რაც სილამაზისა და ელეგანტურობის ეტალონად რჩება. 60 წლის ასაკის მიუხედავად, იგი კვლავ ყურადღების ცენტრშია და ამტკიცებს, რომ ნამდვილი სტილი დროს არ ექვემდებარება.

• მეთ გალამდე დიდი ხნით ადრე: 10 შემთხვევა, როდესაც ხელოვნება და მოდა ერთმანეთს შეერწყა 

პოდიუმიდან კინოეკრანებამდე

ესტელმა სამოდელო კარიერა 19 წლის ასაკში დაიწყო და ელვისებურად მოიპოვა საერთაშორისო აღიარება. მისი სახე გახდა ისეთი გიგანტების სიმბოლო, როგორებიცაა: Christian Dior და Cartier, L'Oréal, Guess, Sports Illustrated Swimsuit Issue - სადაც იგი ოთხჯერ გამოჩნდა.

განსაკუთრებით შთამბეჭდავია მისი რეკორდი ჟურნალ Elle-თან, ლეფებური მის გარეკანზე 30-ზე მეტჯერ დაიბეჭდა. 1994 წელს კი ჟურნალმა People იგი მსოფლიოს 50 ყველაზე ლამაზ ადამიანს შორის დაასახელა. მოდელობის პარალელურად, მან ძალები კინოშიც სცადა და მონაწილეობა მიიღო ისეთ ფილმებში, როგორიცაა Grosse Fatigue და Frontière.

პირადი ცხოვრება

ესტელის პირადი ცხოვრება ყოველთვის ფრანგული მედიის ინტერესის საგანი იყო. 1989 წელს მან იქორწინა დავიდ ჰალიდეიზე, ლეგენდარული ჯონი ჰალიდეის შვილზე. ამ ქორწინებით იგი საფრანგეთის ყველაზე ცნობილი ოჯახის ნაწილი გახდა. წყვილს ორი ქალიშვილი, ილონა სმეტი და ემა სმეტი  ჰყავს, რომლებიც დღეს დედის გზას წარმატებით აგრძელებენ.  წყვილი 2001 წელს დაშორდა.

2004 წელს ლეფებურმა იქორწინა ცნობილ ფრანგ ტელეწამყვანზე არტურზე თუმცა ეს ქორწინებაც 2008 წელს დასრულდა. მოგვიანებით მას შეეძინა ვაჟი, ჯულიანო რამეტი, რესტორატორ პასკალ რამეტთან ურთიერთობიდან.

2022 წლიდან ესტელი ბებიის ამპლუასაც ირგებს და ინტერვიუებში ხშირად აღნიშნავს, რომ შვილიშვილებთან გატარებული დრო მისთვის უძვირფასესია.

• მოდა, როგორც ტრანსფორმაციის აქტი: Lima’s Angels-ის ფილოსოფია და გზა მილანის პოდიუმამდე 

ესტელის ცხოვრება მხოლოდ ბრწყინვალე გარეკანებისგან არ შედგება. მოდელმა საჯაროდ ისაუბრა ცხოვრებისეულ დრამაზე: მამის გარდაცვალების შემდეგ მან აღმოაჩინა, რომ ჰყავდა ნახევარდები, რომელთა არსებობის შესახებ მანამდე არაფერი იცოდა. ამ ფაქტმა საფრანგეთში დიდი რეზონანსი გამოიწვია.

ცხოვრების წესი

დღეს ესტელ ლეფებური არა მხოლოდ მოდის კვირეულების თუ კანის კინოფესტივალის სასურველი სტუმარია, არამედ ჯანსაღი ცხოვრების წესის პროპაგანდისტიც. იგი აქტიურად უზიარებს საზოგადოებას თავის გამოცდილებას სწორ კვებასა და თავის მოვლაზე, რაც მას ახალგაზრდული ენერგიის შენარჩუნებაში ეხმარება.