საჩუქარი საყვარელი მამაკაცისგან და რომანტიკული გარემო - სალომე ჭაჭუა დაბადების დღის კადრებს აქვეყნებს - Marao

ქართველმა მაყურებელმა სალომე ჭაჭუა მეგაშოუ „ცეკვავენ ვარსკვლავებიდან“ გაიცნო და შეიყვარა. ნიჭიერმა მოცეკვავემ და ქორეოგრაფმა პროექტის განმავლობაში არაერთი დასამახსოვრებელი და შთამბეჭდავი ნომერი შემოგვთავაზა, მოგვიანებით კი საკუთარი ძალები საერთაშორისო ასპარეზზეც მოსინჯა, ის ირლანდიური პროექტის მონაწილეც იყო.

სულ ცოტა ხნის წინ მოცეკვავემ 33-ე დაბადების დღე აღნიშნა. მან დაბადების დღე, რჩეულსა და პატარა შვილთან, სანდროსთან ერთად, რომანტიკულ გარემოში გაატარა. სალომემ საყვარელი მამაკაცისგან საჩუქრად ულამაზესი ბეჭედი მიიღო და კადრები გამომწერებსაც გაუზიარა.

"ჩემი დაბადების დღე... წინა ღამის შესახებ" - წერს მოცეკვავე.

• "მეოთხე პროცედურაა და შედეგი დაუჯერებელია" - მშობიარობის შემდეგ სალომე ჭაჭუა იდეალურ ფორმაშია 

სალომე ჭაჭუა - განვლილი გზა და კარიერა 

სალომე ჭაჭუა 1990 წლის 23 ივნისს დაიბადა. იგი სამეჯლისო და ლათინური ცეკვების მოცეკვავე და ქორეოგრაფია. საზოგადოებამ გაიცნო და განსაკუთრებით შეიყვარა პროექტ "ცეკვავენ ვარსკვლავებიდან".  ცეკვა საკმაოდ გვიან, 13 წლის ასაკში დაიწყო.

"ცეკვა საკმაოდ გვიან დავიწყე, 13 წლის ვიყავი. უმჯობესია, თუ ცეკვას 7 წლიდან დაიწყებენ, რადგან ბავშვი ამ დროს უკვე ჩამოყალიბებულია, უფრო კარგად აზროვნებს" - ამბობდა სალომე. 

სალომე ლათინურ ცეკვებში საქართველოს შვიდგზის ჩემპიონია. 2004 წლიდან 2006 წლამდე ჭაჭუა წარმოადგენდა საქართველოს მსოფლიოს რამდენიმე ახალგაზრდულ ცეკვის კონკურსში. მან დაიკავა 57-ე ადგილი WDC Professional Latin-ში და 73-ე ადგილი WDSF RLS Latin-ში. 

• სალომე ჭაჭუა მშობიარობის შემდეგ არაჩვეულებრივ ფორმაშია: დედობა, ახალი ამპლუა და ახალი ფოტოები 

2016 წელს სალომე ჭაჭუა იყო პროექტ So You Think You Can Dance-ის ჟიურის წევრი. 2012-დან 2018 წლამდე ჭაჭუა პროფესიონალი მოცეკვავის ამპლუაში გამოჩნდა Dancing with the Stars-ის ქართული ვერსიის შვიდ სეზონში. ის პარტნიორებთან ერთად სამჯერ გავიდა ფინალში. 2021 წლის 22 დეკემბერს სალომე  შეუერთდა "ცეკვავენ ვარსკვლავების" ირლანდიური ვერსიის მეხუთე სეზონს. მისი პარტნიორი იყო მორაგბე ჯორდან კონროი. ჭაჭუამ და კონროიმ ფინალში გასვლა შეძლეს და პროექტი მეორე ადგილით დაასრულეს ნინა კარბერისა და პასკუალ ლა როკას შემდეგ, ელენ კინის და სტივენ ვინსენტთან და ერიკა-კოდისთან და დენის სამსონთან ერთად.

სალომე ჭაჭუა დაქორწინებული იყო ცნობილ ქართველ მსახიობსა და ტელესახეზე, გიორგი ვარდოსანიძეზე. სალომესა და გიორგის ერთმანეთი "ცეკვავენ ვარსკვლავებში" მონაწილეობისას შეუყვარდათ, მალევე კი იქორწინეს, თუმცა მათი ურთიერთობა დასრულდა.

ცოტა ხნის წინ ცნობილი გახდა, რომ მოცეკვავე სალომე ჭაჭუა ვაჟის დედა გახდა. პატარას სანდრო დაარქვეს. 

"ჩემი სანდრო. მადლობა, უფალო, ამ უსაზღვრო სიყვარულისთვის", - წერდა სალომე.