ნუკი კოშკელიშვილი: „ვერ გავხდები ანჯელინა ჯოლი - უნდა შეიყვარო საკუთარი თავი ისეთი, როგორიც ხარ“ - Marao

ტელეწამყვანი და მოდელი ნუკი კოშკელიშვილი კოტე მათითაშვილის გადაცემა „კოტკასტის“ სტუმარი იყო, სადაც საკუთარ თავთან ჰარმონიაში ცხოვრებაზე, კომპლექსების დაძლევასა და შეცდომების დაშვების მნიშვნელობაზე ღიად ისაუბრა.

"უნდა მიიღო შენი თავი ისეთი, როგორიც არის. არასდროს არ მაქვს სურვილი - მქონდა ადრე, როგორ არ მქონდა, და ახლა დავძლიე - რომ ვიღაცას მივბაძო, არ მაქვს სურვილი, რომ ვიღაცას დავემსგავსო, არ მაქვს სურვილი, რაღაცა ტენდენციას... არადა რაღაცებზე ვგოიმდები და მივყვები, რა თქმა უნდა, მაგრამ ძირითადად არ მინდა გავხდე ის, რაც სხვა არის. ანუ, ჩემი თავი აღვიქვი, რომ ეს ნუკი ვარ, ვერ გავხდები მე ანჯელინა ჯოლი - ვერც ხასიათებით, ვერც გარეგნობით, ვერც საქციელით. ამიტომ უნდა რაღაცნაირად შეიყვარო საკუთარი თავი და ეს არის ყველაზე დიდი კომპლექსების დაძლევა. ამას ბევრი ვერ ხვდება და ბევრად სჯობს, რაღაც აკეთო და შეცდომა დაუშვა, ვიდრე არ აკეთო კომპლექსების გამო და მერე სულ უკან იხედო, რომ ნეტავ ის რომ გამეკეთებინა, რა იქნებოდა," - ამბობს ნუკი.

• "ძალიან მინდა, ჩემმა შვილმა ჩათვალოს, რომ მისთვის სამყაროში საუკეთესო დედა ვარ" - ნუკი კოშკელიშვილის ინტერვიუ 

ნუკი კოშკელიშვილი - ოჯახი და კარიერა

ნუკი კოშკელიშვილი დაიბადა 1990 წლის 9 ივნისს. კარიერა მან “მის საქართველოს” კონკურსში მონაწილეობით დაიწყო, რამაც მისცა ბიძგი სატელევიზიო სფეროში შესვლისთვის. მალე ის გახდა “იმედის” დილის გადაცემის წამყვანი და მონაწილეობა მიიღო პოპულარულ სერიალში “კლინიკა”. ნუკის პროფესიული გამოცდილება მოიცავს როგორც პირდაპირ ეთერში მუშაობას, ასევე ჩაწერილი გადაცემების წაყვანას. საზოგადოებამ იგი ერთი-ორად შეიყვარა ტელეშოუ “ცეკვავენ ვარსკვლავების”  შემდეგაც.

პარალელურად, ნუკიმ წარმატებული კარიერა აიწყო მოდის სფეროშიც და მონაწილეობას იღებდა არაერთი ბრენდის სარეკლამო კამპანიებსა თუ ფოტოსესიებში.

მისი რჩეული და მეორე ნახევარი შოუბიზნესის წარმომადგენელი არ გახლავთ, პროფესიით ექიმია და ამავე სფეროშია დასაქმებული. "რეალურად ძალიან შეყვარებული ვარ. ეს ადამიანი ცნობილი არ არის. ჩვეულებრივი სფეროდანაა – ჰოსპიტალში მუშაობს, ექიმია. მაგრამ, ჯერჯერობით მის შესახებ არაფერს ვამბობ. ულამაზესი ბიჭია. ულამაზესი და, თან, ძალიან კარგი ხასიათის, უპრობლემო. ძალიან ეცინება, როდესაც ჩემზე რაღაცებს წერენ. დიდად არც ადევნებს თვალყურს, მაგრამ, როდესაც იგებს, ამაზე მხოლოდ იცინის"- ამბობდა ნუკი. 

ბენი მალევე გახდა "ქართველების საყვარელი სიძე" - ამ ფრაზით კომენტარებში მას ხშირად მოიხსენიებენ. ბენი პერიოდულად სტუმრობს საქართველოს, სწავლობს ქართულს და უყვარს ქართული კერძები. მის პირად გვერდზე ნახავთ არაერთ ვიდეოს, სადაც ის ჩვენს ტრადიციულ კერძებს ამზადებს.

• „ბედნიერი ვარ, რომ ჩემი საუკეთესო მეგობარი შემიყვარდა“ - სიყვარულისა და ერთგულების ლამაზი ისტორია 

ბენსა და ნუკის პირველი შვილი ოლივერია. ოლივერი საქართველოში დიდ დროს ატარებს და, როგორც ჩანს, დედასთან ერთად მოგზაურობაც უყვარს. 

ნუკი კოშკელიშვილი და ბენ ხაიმი სულ ცოტა ხნის წინ მეორე შვილის მშობლები გახდნენ. ოლივერის შემდეგ მათ კიდევ ერთი ბიჭი შეეძინათ, რომელსაც შიო რიუვენი დაარქვეს. 

ნუკი, მიუხედავად იმისა, რომ ორ სხვადასხვა ქვეყანაში ცხოვრობს, ქართულ მეგა

შოუებსა და პროექტებში მაინც აქტიურად მონაწილეობს. ის ბოლო წლებში არაერთი პოპულარული შოუს წამყვანად ვიხილეთ. ნუკიმ კულინარიულ შოუშიც მიიღო მონაწილეობა, სადაც, მიუხედავად იმისა, რომ გამარჯვება ვერ მოიპოვა, დიდი ენთუზიაზმი და მონდომება გამოავლინა.

ნუკი კოშკელიშვილმა 2015 წელს ბენ ჰაიმზე იქორწინა. ტელეწამყვანმა მომავალი მეუღლე სპეციალური აპლიკაციით გაიცნო. ნუკი დიდი ხნის მანძილზე მალავდა, ვინ იყო მისი რჩეული, თუმცა ამბობდა, რომ ძალიან იყო შეყვარებული.