„გილოცავ დაბადების დღეს, ჩემო“ - თაკო ნაცვლიშვილისა და ოთო ხუროძის სიყვარულის ამბავი - Marao

ცნობილი ქართველი მოდელი თაკო ნაცვლიშვილი მეუღლეს, ოთო ხუროძეს დაბადების დღეს საჯაროდ ულოცავს. თაკომ სოციალურ ქსელში საერთო, ბედნიერი კადრებისგან შემდგარი ფოტოკოლაჟი გამოაქვეყნა. „გილოცავ დაბადების დღეს, ჩემო“ - წერს თაკო. 

წყვილმა 2023 წლის 27 მაისს იქორწინა. მათ ზღაპრული საქორწილო ცერემონია იტალიაში, კერძოდ რომში გადაიხადეს. ჯვრისწერა რომის San Salvatore ai Monti-ს ქართულ ეკლესიაში შედგა. წვეულება და ხელის მოწერა კი ლაციოს რეგიონში მდებარე ისტორიულ ციხესიმაგრეში - Castello Orsini-Odescalchi-ში გაიმართა. გრანდიოზულ, თუმცა ამავდროულად ძალიან დახვეწილ ცერემონიას წყვილის ოჯახის წევრები, ახლო მეგობრები და სოციალური წრის წარმომადგენლები ესწრებოდნენ.

• თაკო ნაცვლიშვილი ჯეიმს ჰარვი-კელის ობიექტივში: ქართველი მოდელის ახალი ფოტოები 

თაკო ნაცვლიშვილი

თაკო ნაცვლიშვილ დაიბადა 1998 წლის 9 ოქტომბერს, თბილისში. თაკოს დედა ნინო ცქიტიშვილი "მის საქართველო 1997"-ის ტიტულის მფლობელი და საქართველოში ერთ-ერთი ყველაზე წარმატებული სააგენტოს, Look Models-ის დამფუძნებელია. მისი მამა კი წარმატებული კალათბურთელი ვატო ნაცვლიშვილია. 

თაკოს კარიერა 16 წლის ასაკში დაიწყო, გადამწყვეტი მომენტი კი მაშინ დადგა, როდესაც ხელშეკრულება გააფორმა რამდენიმე პრესტიჟულ საერთაშორისო სამოდელო სააგენტოსთან, რამაც საშუალება მისცა განევითარებინა თავისი შესაძლებლობები საქართველოს საზღვრებს გარეთ. საერთაშორისო კამპანიებმა იგი გააცნო გლობალურ სცენას, სადაც მუშაობდა ცნობილ დიზაინერებთან და ბრენდებთან. წლების განმავლობაში ის იქცა მოდის სახლებისა და დიზაინერებისთვის მოთხოვნად მოდელად.

თაკოს კარიერა ნელ-ნელა ვითარდებოდა, მალე დაიწყო გამოსვლა მსოფლიოს ყველაზე მნიშვნელოვან მოდის კვირეულებზე, მათ შორის ნიუ-იორკში, მილანში, პარიზსა და ლონდონში. ამან საერთაშორისო სცენაზე გააძლიერა მისი, როგორც მოდელის სტატუსი და თაკო მალე გახდა ფავორიტი ცნობილ დიზაინერებსა და ფოტოგრაფებს შორის.

• არისტოკრატული შარმი და ბუნებრივი სილამაზე: თაკო ნაცვლიშვილმა საზოგადოება კიდევ ერთხელ აღაფრთოვანა 

კარიერის დასაწყისში  მისით  ერთ-ერთი ყველაზე პრესტიჟული საერთაშორისო სამოდელო სააგენტო Next Models-ი დაინტერესდა, რომელთანაც მალევე გააფორმა კონტრაქტი. სწორედ ამ კონტრაქტის გაფორმებას მოჰყვა მისი თანამშრომლობა ისეთ დიდ ბრენდებთან, როგორებიცაა: "ვერსაჩი", "არმანი", "ელი სააბი", "რალფ & რუსო", "ზუჰაირ მურადი", "დიორი", "ჩალაიანი", "იამამოტო" და სხვ.

Victoria’s Secret ის შოუ მოდის სამყაროს ერთ-ერთი მნიშვნელოვანი მოვლენა იყო. შოუზე რამდენიმე მიწვეული მოდელია, მონაწილეების ნაწილს კი კონკურსით არჩევენ, კასტინგი ნიუ-იორკში იმართება. პირველი მცდელობა თაკო ნაცვლიშვილის 2017 წელს ჰქონდა, როცა ფინალურ ეტაპამდე მიაღწია, თუმცა, საბოლოოდ, შოუსთვის არ შეარჩიეს. მის ნაც­ვლად Victoria's Secret-ის 2017 წლის გრან­დი­ო­ზულ შო­უ­ში Dilone-მა მიიღო მონაწილეობა. 

თაკო ნაცვლიშვილმა 2023 წლის 27 მაისს რჩეულზე, ოთო ხუროძეზე იქორწინა. თაკომ და ოთომ ქორწილი იტალიაში, ქალაქ რომში გადაიხადეს. ჯვრისწერა San Salvatore ai Monti-ში, ქართულ ეკლესიაში შედგა. წვეულება და ხელის მოწერა კი ლაციოში, Castello Orsini-Odescalchi-ში გაიმართა. ცერემონიას ოჯახის წევრები და მეგობრები ესწრებოდნენ. თაკოს ამერიკელი დიზაინერის, Vera Wang-ის უმშვენიერესი კაბა ეცვა. მშვენიერი პატარძლისა და ულამაზესი ქორწილის შესახებ კი დიდი ხნის მანძილზე საუბრობდნენ.